త్రివిక్రమ్.. మరొకటి సెట్టయినట్లే..

టాలీవుడ్‌లో త్రివిక్రమ్ శ్రీనివాస్ మాయాజాలం గురించి అందరికీ తెలిసిందే. కథ, మాటలు, ఎమోషన్స్‌ను అద్భుతంగా మలిచే ఈ డైరెక్టర్ సినిమా కోసం అభిమానులు ఎప్పుడూ కూడా ఆసక్తిగా ఎదురుచూస్తారు. ఈసారి అల్లు అర్జున్‌తో తన నెక్స్ట్ ప్రాజెక్ట్ అనౌన్స్ అవుతుందని అంతా భావించారు. కానీ, అట్లీతో బన్నీ సినిమా సెట్ అవడంతో త్రివిక్రమ్ ప్లాన్స్ కాస్త వెనక్కి జరిగాయి. అయితే, త్రివిక్రమ్ ఖాళీగా ఉండే రకం కాదు. ఆయన తన కొత్త సినిమా కోసం ఇప్పటికే ప్లాన్ సిద్ధం చేసుకున్నాడు.

ఈసారి అల్లు అర్జున్‌తో కంటే ముందు, మరో స్టార్ హీరోతో సినిమా రెడీ చేస్తున్నాడు. హరికా అండ్ హాసిని క్రియేషన్స్ బ్యానర్‌లో ఈ కొత్త ప్రాజెక్ట్ తెరకెక్కనుంది. త్రివిక్రమ్ సినిమాలకు సంగీతం కీలకం. ఈ సినిమాకు థమన్ మ్యూజిక్ కంపోజ్ చేయనున్నాడట. థమన్ బ్యాక్‌గ్రౌండ్ స్కోర్, పాటలు త్రివిక్రమ్ కథలకు ఎప్పుడూ కూడా ట్రెండ్ సెట్ చేస్తూ వస్తున్నాయి. ‘అల వైకుంఠపురములో’, ‘అరవింద సమేత’ సినిమాల్లో వీరి కాంబో అభిమానులను ఫుల్ ఎంటర్‌టైన్ చేసింది. ఇక గుంటూరు కారం సాంగ్స్ లో కొన్ని బాగానే హైలెట్ అయ్యాయి.

ఇక త్రివిక్రమ్ చేయబోయే కొత్త సినిమా 2026 సమ్మర్‌లో రిలీజ్ కానుంది. షూటింగ్ త్వరలో మొదలవ్వనుందట. అయితే, ఈ సినిమాలో హీరో ఎవరన్నది ఇంకా అధికారికంగా కన్ఫర్మ్ కాలేదు, కానీ ఓ ఆసక్తికర అప్‌డేట్ బయటకొచ్చింది. త్రివిక్రమ్ ఈ సినిమాను విక్టరీ వెంకటేష్‌తో చేయబోతున్నాడని లేటెస్ట్ బజ్. వెంకీతో త్రివిక్రమ్ కాంబినేషన్ గతంలో చాలాసార్లు సెట్ కావాలని ప్లాన్ చేసినా, అది వర్కౌట్ కాలేదు.

ఇప్పుడు ఈ ప్రాజెక్ట్ ఫైనల్ అయినట్లు తెలుస్తోంది. వెంకటేష్‌తో ‘నువ్వు నాకు నచ్చావు’, ‘మల్లీశ్వరి’ సినిమాలకు త్రివిక్రమ్ రైటర్‌గా పనిచేశాడు. ఆ సినిమాలు సూపర్ హిట్ కావడంతో, వీరి కాంబో ఇప్పుడు డైరెక్టర్ హీరోగా ఎలా ఉంటుందన్న ఆసక్తి అందరిలోనూ ఉంది. ఈ సినిమా ఫ్యామిలీ ఎంటర్‌టైనర్‌గా, త్రివిక్రమ్ స్టైల్ ఎమోషన్స్‌తో రాబోతుందని అంటున్నారు. వెంకటేష్ గత సినిమాల్లో డిఫరెంట్ రోల్స్‌తో ప్రేక్షకులను ఆకట్టుకున్నాడు. త్రివిక్రమ్ లాంటి డైరెక్టర్‌తో జత కడితే, వెంకీ మరో బ్లాక్‌బస్టర్ కొట్టడం ఖాయంగా కనిపిస్తోంది. ఈ సినిమాకు స్క్రిప్ట్ దాదాపు సిద్ధమైనట్లు సమాచారం. హరికా అండ్ హాసిని బ్యానర్‌లో ఈ సినిమాను జెట్ స్పీడ్‌లో పూర్తి చేయాలని త్రివిక్రమ్ ప్లాన్ చేస్తున్నాడు.

అల్లు అర్జున్‌తో త్రివిక్రమ్ సినిమా వాయిదా పడినా, ఆ ప్రాజెక్ట్ కూడా 2026లోనే సెట్స్ పైకి రాబోతుందని టాక్. బన్నీతో చేయబోయే సినిమా పాన్ ఇండియా స్థాయిలో భారీ బడ్జెట్‌తో తెరకెక్కనుంది. ‘అల వైకుంఠపురములో’ లాంటి సూపర్ హిట్ తర్వాత, వీరి కాంబోపై అంచనాలు ఆకాశాన్ని తాకుతున్నాయి. కానీ, ఆ సినిమాకు ముందు వెంకీతో సినిమాను తీసి, అభిమానులకు ఫుల్ ఎంటర్‌టైన్‌మెంట్ ఇవ్వాలని త్రివిక్రమ్ భావిస్తున్నాడు.