త్రివిక్రమ్ vs బోయపాటి.. నువ్వా నేనా?

ఎంత పెద్ద స్టార్ దర్శకుడు అయినా సరే ఈ రోజుల్లో ఒక ఫ్లాప్ పడింది అంటే రేంజ్ ఒక్కసారిగా తగ్గిపోతుంది. కొంతమంది కమర్షియల్ సీనియర్ పరిస్థితి అయితే మరింత దారుణంగా తయారయింది. ఇప్పుడు బోయపాటి త్రివిక్రమ్ కూడా అదే లిస్టులో ఉన్నారనే కామెంట్స్ వస్తున్నాయి. ఒకరు ఊర మాస్ సినిమాలతో సిద్ధహస్తులు కాగా మరొకరు స్టార్ ఇమేజ్ తో బాక్సాఫీస్ వద్ద సింపుల్ ఫ్యామిలీ కథలతో సెన్సేషన్ క్రియేట్ చేయగలరు.

అయితే ఇప్పుడు ఈ ఇద్దరి మధ్యలో నువ్వానేనా అనే తరహాలో ఒక కనిపించని వేడి కొనసాగుతోంని ఇండస్ట్రీలో టాక్ నడుస్తోంది. త్రివిక్రమ్ టాలెంట్ తెలిసిన హీరోలు డిజాస్టర్స్ వచ్చిన కూడా అతనితో సినిమాలు చేయడానికి మొదటి వరకు చాలా ఆసక్తిని చూపించారు. అయితే అజ్ఞాతవాసి ఫలితం తర్వాత మాత్రం త్రివిక్రమ్ కెరీర్ అంత సాఫీగా సాగడం లేదు.

అల వైకుంఠపురములో లాంటి సినిమాతో సాలిడ్ సక్సెస్ వచ్చినా కూడా ఆ తర్వాత ఎన్టీఆర్ ప్రాజెక్టు క్యాన్సిల్ అయింది. ఇక మహేష్ బాబు గుంటూరు కారం ప్రాజెక్టును పట్టాలు ఎక్కించడానికి కూడా చాలా సమయం తీసుకోవాల్సి వచ్చింది. ముందుగా అనుకున్న ఒక స్టోరీ షూటింగ్ మొదలుపెట్టి మరీ క్యాన్సిల్ చేయాల్సి వచ్చింది. ఇక గుంటూరు కారం ఎలాంటి రిజల్ట్ ను అందుకుందో ప్రత్యేకంగా చెప్పనక్కర్లేదు. అయితే ఇప్పుడు త్రివిక్రమ్ తదుపరి సినిమా సాఫీగా ఇక నిర్ణయంతో ఫినిష్ చేస్తారా లేదా అనేది మరో పెద్ద సందేహం.

ఇక ఈయనకు పోటీగా ఉన్న బోయపాటి శ్రీను పరిస్థితి కూడా అలానే ఉంది. సరైనోడు, అఖండ సక్సెస్ లతో మరో రేంజ్ కు వెళ్లిన బోయపాటి స్కంద తో మాత్రం అంతగా క్రేజ్ అందికోలేదు. ఇక ఇప్పుడు ఆయన అల్లు కాంపౌండ్ లో బలంగా నిలబడినట్లుగా తెలుస్తోంది. బన్నీతో బోయపాటి ఒక సినిమా చేయాల్సి ఉంది. కానీ కథ ఇంకా ఫైనల్ కాలేదు. త్రివిక్రమ్ కథ ఒకే అయినా గుంటూరు కారం దెబ్బకు బన్నీ మళ్ళీ ఆలోచనలో పడ్డట్లు టాక్.

త్రివిక్రమ్ ఇదివరకే బన్నీతో జులాయి, సన్నాఫ్ సత్యమూర్తి, అల..వైకుంఠపురములో లాంటి సక్సెస్ చూశాడు. ఇంకా ఆ కనెక్షన్ తోనే బన్నీ సినిమా చేయడానికి గ్రీన్ సిగ్నల్ ఇచ్చాడు. కథ కూడా సిద్ధమయ్యింది. అయితే లేటెస్ట్ గా గుంటూరు కారం ఫలితం తేడా కొట్టడంతో కథను మరింత డెవలప్ చేయాలి అని కండిషన్ పెట్టినట్లుగా తెలుస్తోంది.

ఈ క్రమంలో మరొకవైపు బోయపాటి బన్నీ కోసం కసిగానే హై వోల్టేజ్ మాస్ కథను సిద్ధం చేస్తున్నాడు. దీంతో ఈ ఇద్దరు దర్శకుల మధ్య పోటీ అయితే గట్టిగానే కనిపిస్తోంది. ముందుగా ఎవరు కథతో అల్లు అర్జున్ ని ఇంప్రెస్ చేస్తారో వారి తోనే ప్రాజెక్టును త్వరగా స్టార్ట్ చేసే అవకాశం ఉంది. మరి ఈ పోటీలో బోయపాటిని త్రివిక్రమ్ డామినేట్ చేస్తాడో లేదో చూడాలి.