రష్మిక పాటకు సమంత స్టెప్పులు.. డైరెక్టర్ కు టేక్ ఓకే

నేషనల్ క్రష్ రష్మిక మంధన్నా చేతినిండా సినిమాలతో దూసుకపోతుంది. ఆమె ప్రస్తుతం గర్ల్ ఫ్రెండ్ సినిమాతో ప్రేక్షకుల ముందుకు రానుంది. ఈ సినిమాను రాహుల్ రవీంద్రన్ తెరకెక్కిస్తున్నారు. ఇన్ని రోజులు హీరోయిన్ గా కీలక పాత్రలు పోషించిన రష్మిక, ఈ సినిమాతో కంప్లీట్ లేడీ ఓరియంటేటెడ్ జానర్ గా తో మెప్పించడానికి ట్రై చేస్తోంది.

ఇటీవల ఈ సినిమా నుంచి మేకర్స్ నదివే పాట రిలీజ్ చేశారు. ఇందులో రష్మిక రెడ్ కలర్ టైట్ ఔట్ ఫిట్ లో హీరోతో డ్యాన్స్ చేసింది. అయితే రష్మిక నుంచి ఈ రేంజ్ పెర్ఫార్మన్స్ ప్రేక్షకులు ఊహించలేదు. ఈ పాట ఫుల్ వైరల్ అవ్వడం తో సోషల్ మీడియాలో రీల్స్ కూడా చేస్తున్నారు.

ఈ ట్రెండ్ ఏకంగా సెలబ్రిటీల దాకా పాకింది. అయితే స్టార్ హీరోయిన్ సమంత- సీనియర్ నటుడు వెన్నెల కిషోర్ లు దర్శకుడు రాహుల్ కు బెస్ట్ ఫ్రెండ్స్ అన్న సంగతి తెలిసిందే. తన భార్య చిన్మయి, సమంత, రాహుల్, వెన్నెల కిషోర్ వీళ్లంతా ఓ బ్యాచ్. తాజాగా హీరోయిన్ సమంత- వెన్నెల కిషోర్ ఈ పాట రీ రిక్రియేట్ చేశారు. ఈ వీడియోను రాహుల్ తన ఇన్ స్టాగ్రామ్ అకౌంట్ లో పోస్ట్ చేశారు.

సమంత- వెన్నెల కిషోర్ నదివే పాట సీన్ ను రీక్రియేట్ చేశారు. కిషోర్ ఇంకో టేక్ తీలుకోవాల్సి ఉంది. అతడి ఎమోషన్ సరిగ్గా లేదు. సమంతా మాత్రం పర్ఫెక్ట్ గా చేసింది. రష్మిక, దీక్షిత్ శెట్టి మీరు ఏమంటారు. అని వాళ్లను రాహుల్ ఈ పోస్ట్ లో మెన్షన్ చేశారు. ఈ పోస్ట్ కు నటుడు దీక్షిత్ శెట్టి స్పందించారు. ఈ టేక్ తనకు ఓకే అని, తమ సినిమాలోని పాట రీ క్రియేట్ చేసినందుకు సమంత, వెన్నెల కిషోర్ కు తను థాంక్స్ చెబుతూ కామెంట్ చేశారు. నిమిషాల్లో ఈ వీడియో వైరల్ గా మారింది. వేలల్లో లైక్స్ వచ్చాయి.

కాగా, ఈ సినిమాలో రష్మిక- దీక్షిత్ శెట్టి కీలక పాత్రల్లో నటిస్తున్నారు. రాహుల్ రవీంద్రన్ తెరక్కించిన ఈ సినిమా సెప్టెంబర్ 05న గ్రాండ్ గా రిలీజ్ కానుంది.