చిన్న సినిమాల‌కు ర‌న్ టైమ్ కీల‌క‌మా?
అలాంటి సినిమాల‌కు ప్రేక్ష‌కుల‌కు కెనెక్ట్ అయిన సంద‌ర్భాలు రీసెంట్ గా చోటు చేసుకున్నాయి.
By: Tupaki Desk | 27 March 2024 12:45 AM GMT
బ‌ల‌మైన క‌థ‌ని ప్రేక్ష‌కులు ఎంత సేపైనా కూర్చుని చూడ‌గ‌ల‌రు. బాహుబ‌లి..ఆర్ ఆర్ ఆర్ లాంటి సినిమా లు చూస్తున్న‌ప్పుడు అప్పుడే సినిమా అయిపోయిందా? అన్న ఫీల్ రాజ‌మౌళి తీసుకురాగ‌లిగారు. మూడు గంట‌ల నిడివి ఉన్న చిత్రాల‌తోనే రాజ‌మౌళి ప్రేక్ష‌కుల్ని థియేట‌ర్లో కూర్చోబెట్ట‌గ‌లిగాడు. అది అత‌డి ప్ర‌తిభ‌కు నిద‌ర్శ‌నం. అలా ప్రేక్ష‌కుల్ని ఎంగేజ్ చేయాల‌ని ప్ర‌య‌త్నించి చేతులు కాల్చుకున్న ద‌ర్శ‌కులు లేక‌పోలేదు. ఇదంతా ద‌ర్శ‌కుడి క్రియేటివిటీపై ఆధార‌ప‌డి ఉంటుంది.
అంత స‌త్తా లేన‌ప్పుడు వీలైనంత‌గా నిడివి త‌క్కువ‌గ‌ల సినిమాలే తీయ‌డం ఉత్తమం అన్న‌ది విశ్లేష‌కులు మాట. అలాంటి సినిమాల‌కు ప్రేక్ష‌కుల‌కు కెనెక్ట్ అయిన సంద‌ర్భాలు రీసెంట్ గా చోటు చేసుకున్నాయి. కొత్త న‌టీన‌టుల‌తో కొత్త ద‌ర్శ‌కుడైన క‌ళ్యాణ్ శంక‌ర్ 'మ్యాడ్' అనే చిత్రంతో మంచి విజ‌యాన్ని అందుకున్న సంగ‌తి తెలిసిందే. తాను చెప్పాల్సిన క‌థ‌ని ఎంట‌ర్ టైనింగ్ గా సాగ‌దీయ‌కుండా రెండు గంట‌ల ఏడు నిమిషాల్లోనే చెప్పేసాడు. క‌థ‌నాన్ని ఆస‌క్తిక‌రంగా మ‌ల‌చ‌డంలో ద‌ర్శ‌కుడు స‌క్స‌స్ అవ్వ‌డంతోనే ప్రేక్ష‌కుల‌కి ఎక్క‌డా బోరింగ్ అనే ఫీలింగ్ రాలేదు.
స్టోరీ పాత చింత‌కాయ ప‌చ్చ‌డే అయినా మేకింగ్ స‌హా పాత్ర‌లు ప్రేక్ష‌కుల‌కు క‌నెక్ట్ అయ్యాయి. ఇక 'బ‌లగం' సినిమాని వేణు కేవ‌లం 78 నిమాషాల్లోనే ముగించాడు. ఎక్క‌డా సోది లేకుండా సింపుల్ గా తాను చెప్పా ల్సిన క‌థ‌ని...ఆస‌క్తిక‌ర క‌థ‌నంతో చెప్పాడు. అందుకే ఆ సినిమా అంత పెద్ద విజ‌యం సాధించింది. అంత‌కు ముందు రిలీజ్ అయిన 'డీజేటిల్లు' కూడా రెండు గంట‌ల నాలుగు నిమిషాల నిడివితోనే రిలీజ్ అయింది. అంతా కొత్త వారే అయినా సాగ‌దీత లేని కంటెంట్ కావ‌డంతో ప్రేక్ష‌కుల‌కు క‌నెక్ట్ అయింది.
అడ‌వి శేషు 'హిట్' సినిమా కూడా త‌క్కువ ర‌న్ టైమ్ తో నే రిలీజ్ అయి పెద్ద విజ‌యం సాధించింది. ఇక పెద్ద సినిమాల్లో 'బ్రో' నిడివి కూడా త‌క్కువే. అందుకే ఆ సినిమా కొంద‌రికైనా క‌నెక్ట్ అయింది. 'ఈగల్'..'నా సామిరంగ' లాంటి పెద్ద సినిమాలు కూడా రెండున్న‌ర గంట‌ల లోపు నిడివితో రిలీజ్ అయిన‌వే. అందుకే అవి ప్రేక్ష‌కుల్ని కాస్త అయినా మెప్పించ‌గ‌లిగాయి. అవే సినిమాలు రెండున్న‌ర గంట‌ల నిడివి దాటితే ప‌రిస్థితి ఎలా ఉంటుందో చెప్పాల్సిన ప‌నిలేదు.
తాజాగా త్వ‌ర‌లో రిలీజ్ అవుతోన్న 'టిల్లు స్క్వేర్' కూడా 180 నిమిషాల నిడివితోనే రిలీజ్ అవుతుంది. సిద్దు జొన్న‌ల గ‌డ్డ డిజేటిల్లు ఫార్మెట్ లోనే దీన్ని రిలీజ్ చేస్తున్నాడు. మ‌రి ఈ సినిమా ఎలాంటి ఫ‌లితాలు సాధిస్తుందో చూడాలి.
