మ‌ళ్లీ హ్యాట్రిక్ కొట్టిన సూర్య‌!

కోలీవుడ్ స్టార్ సూర్య `జై భీమ్` త‌ర్వాత న‌టించిన సినిమాల‌న్నీ ప్లాప్ అయిన సంగ‌తి తెలిసిందే. పాన్ ఇండియా ప్ర‌య‌త్నంలో భాగంగా ఎంతో ఎఫెర్ట్ తో `కంగువ` చేసారు. కానీ ఆ సినిమా తీవ్ర నిరాశ‌నే మిగిల్చింది. దీంతో అప్ప‌టి నుంచి పాన్ ఇండియా అనే ఆలోచ‌నే రాకుండా ప‌ని చేస్తున్నారు. రీజ‌న‌ల్ మార్కెట్ ఆధా రంగానే క‌థ‌ల‌ను ఎంచుకుంటున్నారు. అయితే ఈ ఐడియా సూర్య‌కు బాగానే వ‌ర్కౌట్ అయింది. ప‌డిపోయిన మార్కెట్ ను మ‌ళ్లీ హైకి చేరుతుంది. `కంగువ` త‌ర్వాత న‌టించిన `రెట్రో` ప్లాప్ అయినా? ఆ త‌ర్వాత మ‌ళ్లీ వ‌రుస విజ‌యాలు ఖాతాలో వేసుకుంటున్నారు.

సూర్య క‌థానాయ‌కుడిగా ఆర్జే బాలాజీ ద‌ర్శ‌క‌త్వంలో తెర‌కెక్కిన యాక్ష‌న్ ఎంట‌ర్ టైన‌ర్ `క‌రుప్పు` మంచి విజ‌యం సాధించింది. ఈ సినిమా బాక్సాఫీస్ వ‌ద్ద 300 కోట్ల వ‌సూళ్ల‌ను సాధించింది. దీంతో సూర్య‌కు భారీ ఊర‌ట ద‌క్కింది. వ‌రుస ప‌రాజ‌యాల త‌ర్వాత వ‌చ్చిన స‌క్సెస్ కావ‌డంతో? సూర్య‌కు ఈ చిత్రం మంచి బూస్టింగ్ ను అందించింది. స‌రిగ్గా ఇదే స‌మ‌యంలో సూర్య నేరుగా తెలుగు సినిమా చేసారు. అదే `విశ్వ‌నాధ్ అండ్ స‌న్స్`. వెంకీ అట్లూరీ ద‌ర్శ‌క‌త్వంలో తెరకెక్కిన ఫ్యామిలీ ఎంట‌ర్ టైన‌ర్ మంచి విజ‌యం సాధించింది.

స్టోరీ ప‌రంగా రిస్క్ తీసుకోకుండా సూర్య సేఫ్ జోన్ లో కుటుంబ క‌థా చిత్రంలో న‌టించి తెలుగు ఆడియ‌న్స్ కు మ‌రింత రీచ్ అయ్యారు. ఈ సినిమా 200 కోట్ల వ‌ర‌కూ వ‌సూళ్లు సాధించింది. ఆ ర‌కంగా సూర్య తొలి తెలుగు చిత్రం గ్రాండ్ విక్ట‌రీ అందుకున్న‌ట్లే. ఈ విజ‌యంతో సూర్య ఇక‌పై నేరుగా సినిమాలు చేయోచ్చు అన్న ధీమా క‌లిగింది. ఇదే ఉత్సాహంలో తాజాగా రిలీజ్ అయిన త‌మిళ చిత్రం `సీన్` కూడా మంచి విజ‌యం సాధించింది. త‌మిళ్ లో జీతూ మాధ‌వ‌న్ తెర‌కెక్కించిన ఈ చిత్రం తాజాగా 100 కోట్ల క్ల‌బ్ లోకి చేరింది. ఈ సినిమాకు తెలుగు నుంచి మంచి రివ్యూలు వ‌చ్చాయి.

వ‌సూళ్ల ప‌రంగానూ ప‌ర్వాలేద‌నిపించింది. ఈ విజ‌యంతో సూర్య కెరీర్ లో హ్యాట్రిక్ న‌మోదు అయింది. దీంతో సూర్య ఇక‌పై రెట్టించిన ఉత్సాహంతో సినిమాలు చేసే అవ‌కాశం ఉంది. `కంగువ` ప్లాప్ తో క‌థ‌ల విష‌యంలో అలెర్ట్ అయిన హీరో? మ‌ళ్లీ దుకుడు పెంచే అవ‌కాశం ఉంది. ఇప్ప‌టికే సూర్య కొన్ని క‌థ‌లు క‌మిట్ అయ్యారు. ప్ర‌స్తుతం సూర్య 18వ చిత్రానికి జ్ఞాన్ వేల్ ద‌ర్శ‌క‌త్వం వ‌హిస్తున్నారు. `జైభీమ్` త‌ర్వాత ఇద్ద‌రి కాంబినేష‌న్ లో తెర‌కెక్కుతోన్న రెండ‌వ చిత్రం. ఈ సినిమాపై భారీ అంచ‌నాలున్నాయి. మ‌రోసారి ఇద్ద‌రు బాక్సాఫీస్ వ‌ద్ద మ్యాజిక్ చేస్తార‌ని అభిమానులు ఆశీస్తున్నారు.