విజయ్ మూవీ విడుదలకు లైన్ క్లియర్.. మరో స్టార్ హీరోని లైన్లో పెట్టిన ప్రొడక్షన్ హౌస్!

కన్నడ ఇండస్ట్రీకి చెందిన ప్రముఖ నిర్మాణ సంస్థ KVN ప్రొడక్షన్స్ ఇప్పుడు సౌత్ ఇండియాలోనే హాట్ టాపిక్‌గా మారింది. దళపతి విజయ్ చివరి సినిమాగా ప్రచారం పొందుతున్న 'జననాయగన్' లాంటి అత్యంత ప్రతిష్టాత్మకమైన భారీ ప్రాజెక్ట్‌ను ఈ సంస్థే నిర్మించింది.. ఈ సినిమా లైన్ క్లియర్ చేసుకుంటూనే, మరోవైపు కోలీవుడ్ స్టార్ హీరో సూర్య కెరీర్‌లోనే ల్యాండ్‌మార్క్ మూవీ అయిన 50వ సినిమాను కూడా దక్కించుకుని ఇండస్ట్రీని షేక్ చేస్తోంది. ఆ వివరాలు చూద్దాం..

విజయ్ టు సూర్య.. KVN స్పీడ్:

దళపతి విజయ్ నటిస్తున్న 'జననాయగన్' సినిమాపై అటు తమిళ్‌లోనే కాకుండా దేశవ్యాప్తంగా భారీ అంచనాలు ఉన్నాయి. ఈ సినిమా పనులను వేగంగా పూర్తి చేస్తూనే, KVN ప్రొడక్షన్స్ ఇప్పుడు సూర్య వైపు అడుగులు వేసింది. ఇక సూర్యను సంప్రదించగా ఆయన కూడా గ్రీన్ సిగ్నల్ ఇచ్చేసినట్లు తెలుస్తోంది. విజయ్ లాంటి బిగ్ స్టార్ తర్వాత అంతే క్రేజ్ ఉన్న సూర్య ల్యాండ్‌మార్క్ ప్రాజెక్ట్‌ను ఓకే చేయడంతో కోలీవుడ్‌లో ఈ ప్రొడక్షన్ హౌస్‌కు తిరుగులేని పట్టు దక్కినట్లయింది.

సూర్య 50వ సినిమా.. దర్శకుడు ఎవరు?:

సూర్య కెరీర్‌లో ఎంతో ప్రతిష్టాత్మకమైన ఈ 50వ సినిమాను పాన్-ఇండియా రేంజ్‌లో భారీ బడ్జెట్‌తో ప్లాన్ చేస్తున్నారు. అయితే ఈ ప్రాజెక్ట్‌ను హ్యాండిల్ చేసే సరైన డైరెక్టర్ కోసం ప్రస్తుతం ప్రొడక్షన్ టీమ్ గట్టిగా సెర్చ్ చేస్తోంది. ఇక ఆ దర్శకుడు ఎవరనేది ఫైనల్ అయిన వెంటనే దీనిపై అధికారిక ప్రకటన రానుంది. ఈ ల్యాండ్‌మార్క్ మూవీ కోసం కళ్ళు చెదిరే బడ్జెట్ కేటాయించబోతున్నారనే టాక్ ఇండస్ట్రీలో గట్టిగా వినిపిస్తోంది.

ఫుల్ ఫామ్‌లో సూర్య:

ఇక ఇటీవల వచ్చిన 'కరుప్పు' సినిమాతో సూర్య సాలిడ్ హిట్ కొట్టి ఫుల్ ఫామ్‌లోకి వచ్చారు. ఈ సినిమా ఆయన కెరీర్‌లోనే బిగ్గెస్ట్ థియేట్రికల్ హిట్‌గా దూసుకుపోతుండటంతో సూర్య కూడా చాలా రిలాక్స్ అయ్యారు. ఇక దీనికి తోడు వెంకీ అట్లూరి డైరెక్షన్‌లో 'విశ్వనాథ్ అండ్ సన్స్'మూవీ పూర్తి చేసిన ఆయన, ప్రస్తుతం జిత్తు మాధవన్ దర్శకత్వంలో 'సూర్య 47' సినిమా షూటింగ్‌లో బిజీగా ఉన్నారు. ఇక అలాగే 'కరుప్పు' సీక్వెల్‌తో పాటు మరికొందరు దర్శకులతో కూడా స్క్రిప్ట్ చర్చలు జరుపుతున్నట్టు టాక్.

బ్యాక్ టు బ్యాక్ స్టార్ హీరోలతో సినిమాలు అనౌన్స్ చేస్తూ KVN ప్రొడక్షన్స్ ట్రేడ్ వర్గాలను సైతం ఆశ్చర్యపరుస్తోంది. ఇక ఒకవైపు విజయ్ 'జననాయగన్' సినిమాను గ్రాండ్‌గా రిలీజ్ చేయడానికి రెడీ అవుతూనే, మరోవైపు సూర్య 50వ సినిమాను లైన్లో పెట్టడం చూస్తుంటే రాబోయే రోజుల్లో ఈ ప్రొడక్షన్ హౌస్ మరిన్ని సంచలనాలు సృష్టించడం ఖాయంగా కనిపిస్తోంది.