సూర్య నెక్స్ట్ ప్రాజెక్ట్ టైటిల్ లీక్? కొత్తగా ఉందే?
మలయాళంలో బ్లాక్బస్టర్ హిట్స్ అందించిన డైరెక్టర్ జితు మాధవన్.. ఈ సినిమాతో నేరుగా కోలీవుడ్లోకి ఎంట్రీ ఇస్తున్నాడు.
By: Madhu Reddy | 23 Jun 2026 9:04 PM IST
కోలీవుడ్ స్టార్ హీరో సూర్య బ్యాక్ టు బ్యాక్ క్రేజీ ప్రాజెక్టులతో ఫుల్ బిజీగా ఉన్నాడు. ప్రస్తుతం ఆయన నటిస్తున్న సినిమాల్లో మలయాళ సెన్సేషనల్ డైరెక్టర్ జితు మాధవన్ కాంబినేషన్ మూవీ ఒకటి. టెంపరరీగా 'సూర్య 47' అని పిలుస్తున్న ఈ సినిమా అఫీషియల్ టైటిల్ గురించి సోషల్ మీడియాలో ఒక క్రేజీ లీక్ హల్చల్ చేస్తోంది. ఈ యాక్షన్ డ్రామాకు ‘సరివెడి’ అనే పవర్ఫుల్ టైటిల్ను ఖరారు చేసినట్లు గట్టిగా టాక్ వినిపిస్తోంది. ఈ వైరల్ న్యూస్ వివరాలు ఇలా వున్నాయి..
టైటిల్ వెనకున్న అసలు రీజన్:
చిత్ర యూనిట్ నుంచి ఇంకా ఎలాంటి అధికారిక ప్రకటన రానప్పటికీ, సోషల్ మీడియాలో మాత్రం ‘సరివెడి’ అనే పేరు తెగ వైరల్ అవుతోంది. ఇక ఈ సినిమా పక్కా యాక్షన్ బ్యాక్డ్రాప్తో తెరకెక్కుతుండటంతో, కథకు ఈ టైటిల్ పర్ఫెక్ట్గా సెట్ అవుతుందని మేకర్స్ భావిస్తున్నారట. తమిళ్లో 'సరివెడి' అంటే టపాసుల వాల అని అర్థం. అంటే థియేటర్లలో సూర్య మార్క్ యాక్షన్ టపాసుల్లా పేలడం ఖాయమని ఫ్యాన్స్ ఖుషీ అవుతున్నారు.
క్రేజీ కాంబినేషన్.. సూర్య ఖాకీ అవతారం:
మలయాళంలో బ్లాక్బస్టర్ హిట్స్ అందించిన డైరెక్టర్ జితు మాధవన్.. ఈ సినిమాతో నేరుగా కోలీవుడ్లోకి ఎంట్రీ ఇస్తున్నాడు. ఇక ఆయన మార్క్ విభిన్నమైన కథనానికి సూర్య స్టార్ డమ్ తోడవబోతోంది. ఈ సినిమాలో సూర్య ఒక పవర్ఫుల్ పోలీస్ ఆఫీసర్ పాత్రలో కనిపించబోతున్నట్లు సమాచారం. యాక్షన్తో పాటు డైరెక్టర్ స్టైల్ ఎంటర్టైన్మెంట్ కూడా ఈ సినిమాలో పుష్కలంగా ఉండబోతోందట.
క్రేజీ కాస్టింగ్ అండ్ మ్యూజిక్ టీమ్:
ప్రస్తుతం ఈ సినిమా షూటింగ్ చాలా వేగంగా జరుగుతోంది. ఈ చిత్రంలో సూర్య సరసన 'ప్రేమలు' బ్యూటీ మమితా బైజు హీరోయిన్గా నటిస్తోంది. అలాగే ట్రెండింగ్ యంగ్ కంపోజర్ సాయి అభ్యంకర్ ఈ సినిమాకు మ్యూజిక్ అందిస్తున్నాడు. ఇక సూర్య నటించిన 'విశ్వనాథ్ అండ్ సన్స్' మూవీ షూటింగ్ ఆల్రెడీ పూర్తయింది. ఈ చిత్రం ఆగస్టు 14న రిలీజ్ కానుండగా, ఆ తర్వాత థియేటర్లలోకి వచ్చేది ఈ 'సరివెడి' సినిమానేనని టాక్.
సూర్య పోలీస్ రోల్ అనగానే ఫ్యాన్స్కు 'సింగం' సిరీస్ గుర్తొచ్చి అంచనాలు డబుల్ అయిపోతాయి. మరి జితు మాధవన్ డైరెక్షన్లో వస్తున్న ఈ సినిమా ఎలాంటి వండర్స్ క్రియేట్ చేస్తుందో చూడాలి. ప్రస్తుతానికైతే ‘సరివెడి’ అనే టైటిల్ సోషల్ మీడియా రూమర్ మాత్రమే. రాబోయే రోజుల్లో మేకర్స్ దీనిపై అఫీషియల్ అనౌన్స్మెంట్ ఇచ్చి ఫ్యాన్స్కు ఎలాంటి సర్ప్రైజ్ ఇస్తారో వేచి చూడాల్సిందే..