మహేష్-రాజమౌళి.. లిస్టులోకి మరో పవర్ఫుల్ స్టార్!

సూపర్ స్టార్ మహేష్ బాబు, దర్శక ధీరుడు ఎస్.ఎస్. రాజమౌళి కాంబినేషన్‌లో రూపొందుతున్న ‘SSMB29’ సినిమా భారీ అంచనాలను రేకెత్తిస్తోన్న విషయం తెలిసిందే. ఈ యాక్షన్ అడ్వెంచర్ డ్రామా రూ. 1000 కోట్ల భారీ బడ్జెట్‌తో తెరకెక్కనుందని, భారతీయ సినిమా చరిత్రలో అత్యంత ఖరీదైన చిత్రాల్లో ఒకటిగా నిలిచే అవకాశం ఉందని సమాచారం.

అలాగే సినిమా ఆఫ్రికా అడవుల నేపథ్యంలో సాగే ఇండియానా జోన్స్ స్టైల్ కథతో రూపొందుతోందని, రాజమౌళి తండ్రి విజయేంద్ర ప్రసాద్ ఇదివరకే హింట్ ఇచ్చారు. ఇక సినిమా 2026లో విడుదల కానుందని అంచనాలు ఉన్నాయి. మహేష్ బాబు ఈ సినిమా కోసం జర్మనీలో ట్రెక్కింగ్ శిక్షణ తీసుకున్నాడు, హాలీవుడ్ యాక్టర్‌లు కూడా ఈ చిత్రంలో భాగం కావచ్చని వార్తలు వైరల్ అవుతున్నాయి.

ఇక రాజమౌళి ఈ సినిమాను ఒక గ్లోబల్ ఫ్రాంచైజీగా తీర్చిదిద్దేందుకు ప్రయత్నిస్తున్నాడని, అందుకోసం ప్రీ-ప్రొడక్షన్ పనులు వేగంగా సాగుతున్నాయని తెలుస్తోంది. తాజా సమాచారం ప్రకారం, ‘SSMB29’లో ఒక కీలక పాత్ర కోసం బాలీవుడ్ నటుడు మాధవన్‌ను ఎంపిక చేశారని తెలుస్తోంది. ఈ పాత్ర గురించి ఇంకా వివరాలు బయటకు రాలేదు, కానీ ఈ పాత్ర మహేష్ బాబు క్యారెక్టర్‌తో క్లోస్‌లి కనెక్ట్ అవుతుందని టాక్ నడుస్తోంది.

రాజమౌళి ఈ సినిమాలో మాధవన్‌ను ఒక ఇంటెన్స్ విలన్ లేదా మెంటార్ రోల్‌లో ఉపయోగించే అవకాశం ఉందని అభిమానులు ఊహిస్తున్నారు. మాధవన్ గతంలో ‘రాకెట్రి’లాంటి సినిమాల్లో తన నటనతో మెప్పించాడు. ఈ సినిమాలో ఆయన భారతీయ సంస్కృతి, పురాణాలను ఆధారం చేసుకుని రూపొందుతున్న కథలో భాగం కావడం ఆసక్తికరంగా మారింది. రాజమౌళి ఈ సినిమాలో హాలీవుడ్ టెక్నాలజీ, భారతీయ కథానికలను కలపడం వల్ల మాధవన్ పాత్ర ఆకర్షణీయంగా ఉంటుందని అంటున్నారు.

ఇక ఈ సినిమా భారీ VFX, యాక్షన్ సన్నివేశాలతో గ్లోబల్ స్థాయిలో విడుదల కానుంది. మాధవన్‌ను ఎంపిక చేయడం ఈ సినిమాకు మరింత బలాన్ని చేకూర్చే అవకాశం ఉందని ట్రేడ్ వర్గాలు అంటున్నాయి. ఇప్పటికే పృథ్వీరాజ్ ఒక పవర్ఫుల్ పాత్రలో నటిస్తున్నట్లుగా క్లారిటీ వచ్చింది. ఇక ప్రియాంక చోప్రా హీరోయిన్ గా ఫైనల్.అయ్యింది. అయితే ఇంతవరకు జక్కన్న మాత్రం అఫీషియల్ క్లారిటీ అయితే ఇచ్చింది లేదు. మరి సినిమాకు సంబంధించిన సాలీడ్ అప్డేట్ ఎప్పుడు వస్తుందో చూడాలి.