ఆకాశం దాటి వస్తావా.. క్రేజీ సాంగ్ విన్నారా

దిల్ రాజు ప్రొడక్షన్ నుంచి మొదటి సినిమాగా బలగం వచ్చి ఎంత పెద్ద హిట్ అయ్యిందో అందరికి తెలిసిందే. ఇప్పుడు సెకండ్ మూవీగా ఆకాశం దాటి వస్తావా మూవీ ప్రేక్షకుల ముందుకి రాబోతోంది. హర్షిత్ రెడ్డి, హన్శిత ఈ చిత్రాన్ని నిర్మిస్తున్నారు. డాన్సర్ మాస్టర్ యశ్వంత్ ఈ చిత్రంతో హీరోగా పరిచయం అవుతున్నారు.

రొమాంటిక్ లవ్ స్టొరీతో ఈ సినిమా తెరకెక్కుతోన్న సంగతి తెలిసిందే. శశికుమార్ ముత్తులూరి ఈ మూవీతో దర్శకుడిగా పరిచయం అవుతున్నారు. సీరత్ కపూర్, కార్తీక మురళీధరన్ ఈ చిత్రంలో హీరోయిన్స్ గా నటిస్తున్నారు. ఇప్పటికే ఈ సినిమా నుంచి ఒక సాంగ్ ప్రేక్షకుల ముందుకి వచ్చి ఆకట్టుకుంది.

ప్రస్తుతం సెకండ్ సాంగ్ ని రిలీజ్ చేయబోతున్నారు. అక్టోబర్ 27న సాయంత్రం 4:05 గంటలకి శృంగార అంటూ సాగే ఈ పాటని రిలీజ్ చేయబోతున్నారు. సాంగ్ కి సంబందించిన ప్రోమో తాజాగా రిలీజ్ చేశారు. హీరో, హీరోయిన్స్ మధ్య సాగే రొమాంటిక్ డ్యూయెట్ లా ఈ సాంగ్ ఉంది. సింగర్ కార్తిక్ ఈ చిత్రంతో మ్యూజిక్ డైరెక్టర్ గా పరిచయం అవుతున్నారు.

డైరెక్టర్ శశికుమార్ ముత్తులూరి ఈ సాంగ్ లెరిక్స్ రాయగా, సంజిత్ హెగ్డే, మాళవిక శంకర్ ఈ సాంగ్ ని ఆలపించారు. దిల్ రాజు తన కొడుకు, కూతురు నిర్మాతలుగా పెట్టిన సెకండ్ ప్రొడక్షన్ నుంచి ఆకాశం దాటి వస్తావా మూవీ వస్తోంది. బలగం లాగే ఈ సినిమా కూడా దిల్ రాజు టీంకి సూపర్ హిట్ ఇస్తుందో లేదో అనేది ఇప్పుడు ఆసక్తికరంగా మారింది.

కొరియోగ్రాఫర్ గా సక్సెస్ అయిన యశ్వంత్ కూడా ఈ సినిమాతో హీరోగా తనని తాను ప్రూవ్ చేసుకోవడానికి రెడీ అవుతున్నాడు. కృష్ణ అండ్ హిజ్ లీల, మా వింత గాఢ వినుమా సినిమాల తర్వాత తెలుగులో చేస్తోన్న మూవీ ఇదే కావడం విశేషం. మరి ఈ సినిమాతో సీరత్ కపూర్ కి ఎలాంటి సక్సెస్ వస్తుంది అనేది చూడాలి.