శ్రీలీల కిస్సులో మునిగిన నితిన్

లవర్ బాయ్ నితిన్ హీరోగా నటిస్తున్న లేటెస్ట్ మూవీ 'ఎక్స్ ట్రా ఆర్డినరీ మ్యాన్' మ్యూజికల్ ప్రమోషన్స్ ఫుల్ స్వింగ్ లో జరుగుతున్నాయి. వక్కంతం వంశీ దర్శకత్వం వహిస్తున్న ఈ చిత్రంలో నితిన్ సరసన యంగ్ సెన్సేషన్ శ్రీ లీల హీరోయిన్ గా నటిస్తోంది. సీనియర్ హీరో రాజశేఖర్ కీలక పాత్ర పోషిస్తున్నారు. ప్రస్తుతం షూటింగ్ శరవేగంగా సాగుతోంది.

రీసెంట్ గానే ఈ మూవీ నుంచి 'బ్రష్ వేసుకో' అనే సాంగ్ రిలీజ్ చేసిన విషయం తెలిసిందే. హరీష్ జయరాజ్ కంపోజ్ చేసిన ఈ పాటని సంజిత్ హెగ్డే ఆలపించారు. ఆడియన్స్ నుంచి ఈ పాటకి సూపర్ రెస్పాన్స్ వచ్చింది. ఇక తాజాగా ఎక్స్ ట్రా ఆర్డినరీ మ్యాన్ నుంచి ఓ మాస్ నంబర్ రిలీజ్ కి రెడీ అవుతోంది. ప్రస్తుతం మూవీ టీం జానీ మాస్టర్ కొరియోగ్రఫీలో నితిన్, శ్రీలీలపై ఓ మాస్ సాంగ్ ని చిత్రీకరిస్తున్నారు.

శంషాబాద్ లో వేసిన ఓ భారీ సెట్ లో సుమారు 300 మందికి పైగా డాన్సర్లు ఈ పాటలో పాల్గొంటున్నట్లు తెలిసింది. తాజాగా ఈ మాస్ సాంగ్ కి సంబంధించిన ఓ పిక్ నెట్టింట దర్శనమిచ్చింది. ఇందులో శశ్రీలీల నితిన్ బుగ్గపై ముద్దు పెడుతూ కనిపించింది. వెనకాలే డాన్సర్స్ అందరూ గుంపుగా ఉన్నారు. ఈ పిక్ తో సాంగ్ ఎంత మాస్ గా ఉంటుందో చెప్పకనే చెప్పారు మేకర్స్.

నితిన్, శ్రీలీల ఇద్దరూ మంచి డాన్సర్స్ కావడంతో జానీ మాస్టర్ ఎక్కడ కాంప్రమైజ్ అవ్వకుండా ఈ సాంగ్లో అదిరిపోయే స్టెప్స్ క్రియేట్ చేసినట్లు తెలుస్తోంది. ఇక త్వరలోనే ఈ మాస్ నంబర్ ని రిలీజ్ చేయాలని మేకర్స్ భావిస్తున్నారు. ఈ పాట చిత్రీకరణతో సినిమా షూటింగ్ మొత్తం పూర్తవుతుంది. మరోవైపు ఈ చిత్ర పోస్ట్ ప్రొడక్షన్ పనులు కూడా శరవేగంగా జరుగుతున్నాయి. క్యారెక్టర్ బేస్డ్ స్టోరీ తో రూపొందిన ఈ మూవీలో నితిన్ మునుపెన్నడూ కనిపించని సరికొత్త లుక్ లో ఆడియన్స్ ని అలరించబోతున్నాడు.

ఆదిత్య మూవీస్ అండ్ రుచిరా ఎంటర్టైన్మెంట్ సహకారంతో శ్రేష్ట్ మూవీస్ బ్యానర్ పై నితిన్ తండ్రి సుధాకర్ రెడ్డి, నిఖితారెడ్డి ఈ చిత్రాన్ని నిర్మిస్తున్నారు. మొదట క్రిస్మస్ కానుకగా సినిమాని విడుదల చేద్దాం అనుకున్నారు. కానీ ఆ సమయానికి ప్రభాస్ 'సలార్' రిలీజ్ ఉండడంతో మేకర్స్ వెనక్కి తగ్గి డిసెంబర్ 8న ఈ చిత్రాన్ని ప్రేక్షకుల ముందుకు తీసుకొస్తున్నారు.