బౌన్స్ బ్యాక్ కోసం గట్టిగానే ప్లాన్ చేస్తున్నారు
రీసెంట్గా కూడా ఇటలీలోని మౌంటెరాలో షూట్ ప్రారంభించనున్నట్లు తెలుపుతూ ఓ వీడియోను కూడా రిలీజ్ చేశారు.
By: Tupaki Desk | 5 Oct 2023 7:29 AM GMT
చాలా కాలంగా మ్యాచో స్టార్ గోపీచంద్ - ఫన్ డైరెక్టర్ శ్రీనువైట్ల సరైన హిట్ లేక సతమతమవుతున్న సంగతి తెలిసిందే. గట్టి కమ్ బ్యాక్ ఇచ్చేందుకు ప్రయత్నిస్తున్నా వర్కౌట్ అవ్వట్లేదు. అయితే ఈ మధ్యే ఈ ఇద్దరు చేతులు కలిపి.. ఓ డిఫరెంట్ కాన్సెప్ట్తో ప్రేక్షకుల ముందుకు వచ్చేందుకు రెడీ అయ్యారు.
వీరిద్దరి కాంబోలో రూపొందుతున్న మొదటి చిత్రం ఇదే. రీసెంట్గా ఈ చిత్రం పూజా కార్యక్రమాలతో గ్రాండ్గా ప్రారంభమైంది. ఈ చిత్రంతో ఎలాగైన గట్టి హిట్ కొట్టాలని పట్టుదలతో ఉన్నారు. సినిమాకు సంబంధించిన ఎక్కడ రాజీ పడకుండా హైస్టాండర్డ్స్తో తెరకెక్కిస్తున్నారని అర్థమవుతోంది. షూటింగ్ మొత్తాన్ని తమ కథకు తగ్గట్టు విదేశాల్లోనే చిత్రీకరిస్తున్నారు. ఇటలీలో ఎక్కువ భాగాన్ని షూట్ చేయనున్నట్లు తెలిసింది.
రీసెంట్గా కూడా ఇటలీలోని మౌంటెరాలో షూట్ ప్రారంభించనున్నట్లు తెలుపుతూ ఓ వీడియోను కూడా రిలీజ్ చేశారు. తాజాగా మరో కొత్త వీడియోను శ్రీనువైట్ల పోస్ట్ చేశారు. ఇందులో ఇటలీ ఫైనాన్షియల్ హబ్, ఫ్యాషన్కు కేరాఫ్ అడ్రస్ అయిన టూరిస్ట్ సిటీ మిలాన్లో ఫిల్మ్ షూటింగ్ ప్రారంభమైనట్లు చూపించారు.
ఇంకా ఈ వీడియోలో శ్రీనువైట్ల 360 డిగ్రీస్ ఓ కాస్ట్లీ కెమెరాతో స్క్రిప్ట్ పేపర్ పట్టుకుని అటు ఇటు తిరుగుతూ కనిపించారు. సిటీ లొకేషన్ను ఏరియల్ వ్యూలో బాగా చూపించారు. ఇదంతా చూస్తుంటే శ్రీనువైట్ల - గోపిచంద్ బౌన్స్ బ్యాక్ కోసం గట్టిగానే ప్లాన్ చేస్తున్నట్లు అర్థమవుతోంది.
ఇకపోతే ఈ చిత్రానికి అందరూ సీనియర్ వ్యక్తులే పని చేస్తున్నారు. ప్రముఖ రచయిత గోపీ మోహన్ స్క్రీన్ ప్లే అందిస్తున్నారు. గతంలో శ్రీను వైట్ల- గోపిమోహన్ కాంబోలో 'వెంకీ', 'ఢీ', 'దుబాయ్ శీను', 'రెడీ', 'కింగ్', 'నమో వేంకటేశ', 'బ్రూస్ లీ' చిత్రాలు వచ్చాయి.
అలాగే గోపీచంద్ నటించిన 'లక్ష్యం', 'లౌక్యం' చిత్రాలకు కూడా గోపి మోహన్ వర్క్ చేశారు. చైతన్ భరద్వాజ్ సంగీతం అందిస్తున్నారు. కెవి గుహన్ సినిమాటోగ్రఫీ అందిస్తున్నారు. చూడాలి మరి వీరి ప్రయత్నాలు ఏ మాత్రం వరకు ఫలిస్తాయో...
