ప్రభాస్తో శ్రీలీల సినిమా.. దర్శకుడు ఎవరంటే?
అయితే తాజాగా ఆమె మరో చిత్రానికి ఓకే చేసిందని సమాచారం అందుతోంది. శ్రీలల కొత్తగా ఓకే చేసిన ఆ ప్రాజెక్ట్ ప్రభాస్ ది కావడం విశేషం.
By: Tupaki Desk | 25 Sep 2023 6:21 AM GMT
అటు సీనియర్ హీరోలు, ఇటు యంగ్ హీరోలు కలిపి ప్రస్తుతం ఏకంగా దాదాపు 9 చిత్రాల్లో నటిస్తున్న సెన్సేషనల్ బ్యూటీ శ్రీలీల. అన్నీ చిత్రాల్లోనూ ఫీమేల్ లీడ్ రోల్లో నటిస్తోంది. త్వరలోనే ఈ చిత్రాలన్నీ వరుసగా రిలీజ్కు రెడీ అవుతున్నాయి. అయితే ఇప్పుడు ఆమె ప్రభాస్ సినిమా కోసం కమిటైనట్లు సమాచారం అందింది.
వివరాళ్లోకి వెళితే.. పెళ్లిసందD చిత్రంతో టాలీవుడ్కు ఎంట్రీ ఇచ్చిన బ్యూటీ శ్రీలీల.. తన రెండో చిత్రంలోనే మాస్ మహారాజా రవితేజతో కలిసి నటించే ఛాన్స్ అందుకుంది. ఈ మూవీ సూపర్ హిట్ అందుకోవడంతో ఒక్కసారిగా సెన్సేషనల్ హీరోయిన్గా మారిపోయింది. ఎందుకంటే ఈ చిత్రంలో ఈ ముద్దుగుమ్మ యాక్టింగ్కు, స్క్రీన్ ప్రెజెన్స్‌కు మంచి మార్కులు పడ్డాయి.
దాంతో ఆమెకు వరుస సినిమా ఆఫర్లు క్యూ కట్టాయి. మరో మూడు ఆమె నటించిన రామ్‌ పోతినేని 'స్కంద' రిలీజ్ కానుంది. వచ్చే నెలలో బాలకృష్ణతో కలిసి నటించిన 'భగవంత్ కేసరి' రానుంది. ఆ తర్వాత పంజా వైష్ణవ్ తేజ్‌తో 'ఆదికేశవ్', నితిన్‌తో 'ఎక్స్‌ట్రా ఆర్డినరీ మ్యాన్' సినిమాలతో ప్రేక్షకులను అలరించనుంది.
వచ్చే ఏడాది సూపర్ స్టార్ మహేశ్ బాబు 'గుంటూరు కారం'తో, విజయ్ దేవరకొండతో ఓ చిత్రంలో, పవన్ కళ్యాణ్ సరసన 'ఉస్తాద్ భగత్ సింగ్'తో అలరించనుంది. అయితే తాజాగా ఆమె మరో చిత్రానికి ఓకే చేసిందని సమాచారం అందుతోంది. శ్రీలల కొత్తగా ఓకే చేసిన ఆ ప్రాజెక్ట్ ప్రభాస్ ది కావడం విశేషం.
హను రాఘవపూడి దర్శకత్వంలో ఈ సినిమా రూపొందనుందట. గతేడాది సీతారామంతో సూపర్ హిట్ అందుకున్న హను రాఘవపూడి నుంచి రాబోతున్న రెండో చిత్రమిది. మైత్రీ మూవీ మేకర్స్ ఈ సినిమాను నిర్మించనున్నారట. ఇప్పటికే కథా చర్చలు ముగిశాయని సమాచారం.వచ్చే సంవత్సరం మొదట్లో షూటింగ్‌ మొదలు పెట్టబోతున్నట్లు సమాచారం. ప్రస్తుతం హను ఈ సినిమా ప్రీ ప్రొడక్షన్‌ పనులలో బిజీగా ఉన్నారట. ఈ సినిమా కూడా భారీ బడ్జెట్‌తోనే తెరకెక్కుతుందట.
