స్కంద మాస్ మేకింగ్.. మూవీటీమ్​ ఎంతలా కష్టపడిందంటే

బోయపాటి సినిమాలంటేనే హై వోల్టేజ్ యాక్షన్ సరుకు. ఇప్పుడాయన మార్క్​ యాక్షన్​కు రామ్ పోతినేని ఎనర్జీకి-శ్రీలీల గ్లామర్ తోడై వచ్చిన సినిమా స్కంద. బాక్సాఫీస్ ముందు మంచి హిట్​ టాక్​తో దూసుకుపోతోంది. కలెక్షన్లను కూడా మంచిగానే వస్తున్నాయి. సినిమా చూసిన అభిమానులు ఒక్క రివ్యూలో రామ్ మాస్ రాంపేజ్ అంటూ అభిప్రాయాలు వ్యక్తం చేస్తున్నారు.

దీంతో ప్రస్తుతం మూవీటీమ్​ సక్సెస్​ జోష్​ను ఫుల్ ఎంజాయ్ చేస్తోంది. కేక్​లు కట్​ చేసి సంబరాలు చేసుకుంటోంది. ఈ నేపథ్యంలోనే తాజాగా మూవీ థండరింగ్ బ్లాక్​ బాస్టర్​గా థియేటర్లలో ప్రదర్శితమవుతోందని చెబుతూ.. స్కంద మాస్ మేకింగ్ పేరుతో ఓ వీడియోను రిలీజ్ చేసింది. హై అక్టేన్​ యాక్షన్, ఫన్​, ఎలక్ట్రిఫైయింగ్​ డ్యాన్సెస్​, ఫ్యామిలీ ఎమోషన్స్​ కోసం టీమ్​ మొత్తం ఎంతంగా శ్రమించిందో ఈ గ్లింప్స్​లో చూపించింది. ప్రస్తుతం ఈ వీడియో నెట్టింట్లో చక్కర్లు కొడుతోంది.

1.54 నిమిషాల నిడివి ఉన్న ఈ వీడియోలో.. సినిమాలోని యాక్షన్ సీక్వెన్స్​లు, బాలయ్య సెట్స్​ను సందర్శించిన సన్నివేశాలు, రామ్​ పోతినేనితో పాటు ఇతర తారాగణంపై చిత్రీకరించిన సన్నివేశాల మేకింగ్​ను చూపించారు. బోయపాటి తన సినిమాలోని నటీనటులకు సన్నివేశాలను వివరిస్తూ చిత్రీకరిస్తున్న సీన్స్​ను చూపించారు. సినిమా ప్రారంభం నుంచి క్లైమాక్స్​ జరిగిన మెయిన్స్​ సీన్స్​ అన్నింటినీ జోడించారు. ఈ వీడియోకు 'లా కొడితే.. వేటపులి దూకితే' అంటూ సాగే పవర్ ఫుల్​ సాంగ్​ను బ్యాక్​గ్రౌండ్​లో ప్లే చేసి వదిలారు. ఈ మేకింగ్​ గ్లింప్స్​ అభిమానులను ఆకట్టుకునేలా ఉంది.

ఇక ఈ సినిమా రివ్యూ విషయానికొస్తే.. రామ్ పోతినేని న‌ట‌న‌, డ్యాన్స్‌, బోయ‌పాటి మార్క్ మాస్ ఎలిమెంట్స్​, యాక్ష‌న్‌, ఎమోషనల్​ డ్రామా సినిమాకు ప్లస్​గా నిలిచాయి. తమన్ అందించిన మ్యూజిక్​ కూడా హైలైట్​గా ఉంది. అక్క‌డ‌క్క‌డా రొటీన్‌గా అనిపించే స‌న్నివేశాలు సినిమాకు కాస్త మైనస్​. ఒక్క మాటలో చెప్పాలంటే.. స‌్కంద‌ మాస్ జాత‌ర అని చెప్పొచ్చు.

సినిమాలో రామ్‌, శ్రీలీలతో పాటు సయీ మంజ్రేకర్, ప్రిన్స్‌ సిసిల్‌, శరత్‌ లోహితాశ్వ, దగ్గుబాటి రాజా, ప్రభాకర్‌, శ్రీకాంత్‌ తదితరులు ఇతర కీలక పాత్రల్లో నటించారు. ఎస్‌. తమన్‌ - సంగీతం, తమ్మిరాజు - ఎడిటింగ్‌, సంతోష్‌ దేటేక్‌ - సినిమాటోగ్రఫీ అందించారు. సిల్వర్ స్క్రీన్స్ బ్యానర్​పై శ్రీనివాస చిట్టూరి నిర్మించారు.