'గామి'శివమ్.. మరో మాయ సామీ!
ఇక తాజాగా మరో లిరికల్ వీడియో సాంగ్ ను విడుదల చేశారు. పాటలో అఘోరా పాత్రలో ఉన్న విశ్వక్ జీవిత ప్రయాణం అలాగే అతని సమస్యను జయించే విధంగా ఎన్నో భావాలు ఉన్నాయి.
By: Tupaki Desk | 4 March 2024 5:46 PM GMT
టాలీవుడ్ యంగ్ హీరో విశ్వక్ సేన్ ఎలాంటి మూవీ చేసినా అందులో తన పాత్ర సరికొత్త తరహాలో ఉండేలా జాగ్రత్తలు తీసుకుంటున్నారు. విశ్వక్ లైనప్ లో ఉన్న వాటిలో గామి అయితే చాలా ప్రత్యేకం అని చెప్పాలి. ఇప్పటివరకు వచ్చిన అప్డేట్స్ అన్ని కూడా నెవ్వర్ బిఫోర్ విజువల్స్ తో సినిమాపై అంచనాలు పెంచాయి. విద్యాధర్ దర్శకత్వంలో ఈ చిత్రాన్ని అడ్వెంచర్‌ డ్రామాగా తెరకెక్కిస్తున్నారు. టీజర్ తోనే మంచి బజ్‌ క్రియేట్ చేసిన ఈ సినిమా ఆ తరువాత అదే లెవెల్లో అప్డేట్స్ వాదులుతోంది.
ఇక తాజాగా మరో లిరికల్ వీడియో సాంగ్ ను విడుదల చేశారు. పాటలో అఘోరా పాత్రలో ఉన్న విశ్వక్ జీవిత ప్రయాణం అలాగే అతని సమస్యను జయించే విధంగా ఎన్నో భావాలు ఉన్నాయి. శంకర్ మహదేవన్ గానం పాటకు మరింత బలాన్ని చేకూర్చాయి. ఇక విజువల్స్ కూడా అద్భుతంగా ఉన్నాయి. మానవ స్పర్శను తట్టుకోలేని అతని జీవిత ప్రయాణం శివ స్మరణతో ఎంతవరకు సాగింది అనే అంశాలు గూస్ బంప్స్ తెప్పించేలా ఉన్నాయి.
మొత్తానికి ఈ పాటతో సినిమాపై అంచనాలను మరింత పెంచేశాయి. "అతడి అతి పెద్ద భయం మానవ స్పర్శ. అతడి లోతైన కోరిక కూడా మానవ స్పర్శ" అంటూ మూవీ ట్యాగ్ లైన్ క్యూరియాసిటీ పెంచింది. "ఓ వ్యక్తి విభిన్నమైన కథ.. అతిపెద్ద భయాన్ని అధిగమించేందుకు అతడి ప్రయాణం" అంటూ ఫస్ట్ లుక్ పోస్టర్‌ ను విడుదల చేస్తున్నప్పుడు క్లారిటీ ఇచ్చారు.
ఇక కార్తీక్ శబరీశ్ నిర్మిస్తున్న ఈ చిత్రాన్ని వీ సెల్యులాయిడ్ బ్యానర్ సమర్పిస్తోంది. గామి సినిమాలో హీరోయిన్ చాందినీ చౌదరి మరొక కీలకమైన పాత్రలో నటిస్తుండగా, ఎంజీ అభినయ, మహమ్మద్ సమద్, దయానంద్ రెడ్డి, హారిక పెడన కీలక పాత్రలలో నటించారు. ఇక ఈ సినిమా నాలుగేళ్ళ క్రితమే సెట్స్ పైకి వచ్చింది. కానీ కొన్ని కారణాల వలన షూటింగ్ ఆలస్యం అవుతూ వచ్చింది.
శంకర్ అనే అఘోర పాత్రలో విశ్వక్ నటిస్తున్నారు. అలాగే అతను ఈ సినిమాకు రెమ్యునరేషన్ తీసుకోకుండానే వర్క్ చేసినట్లు చెప్పాడు. సినిమాలో విజువల్స్ ప్రతీ ఒక్కరిని ఆకట్టుకునే విధంగా ఉంటాయట. కథ ఎంతో ఆలోచింపజేసే విధంగా ఉంటుందని అన్నారు. ఇక సినిమా వరల్డ్ వైడ్ మార్చి 8న విడుదల కాబోతోంది.
