శంకర్​ సార్​.. ఏందీ గందరగోళం?

దిగ్గజ దర్శకుడు శంకర్​ ఒకేసారి రెండు పడవల మీదు కాలేసి వెళ్తున్న సంగతి తెలిసిందే. ఇండియన్ 2, గేమ్​ ఛేంజర్​.. రెండు పాన్ ఇండియా చిత్రాలను ఒకేసారి హ్యాండిల్ చేస్తూ ముందుకెళ్తున్నారు. కానీ ఈ చిత్రాల గురించి సరైన అప్డేట్స్​ మాత్రం ఇవ్వట్లేదు. ఇంకా చెప్పాలంటే ఇండియన్ 2 గురించి కొద్దో గొప్పో చెప్పారు కానీ గేమ్​ ఛేంజర్​ గురించే ఊసే ఉండట్లేదు.

అయితే రీసెంట్​గా గేమ్​ ఛేంజర్​లోని జరగండి జరగండి సాంగ్ లీక్​ అవ్వడంతో ఇప్పుడు దాన్ని దీపావళికి రిలీజ్ చేస్తున్నట్లు అనౌన్స్ చేశారు. ఇప్పుడు తాజాగా ఇండియన్ 2 పరిచయ టీజర్​ను.. నవంబరు 3న విడుదల చేయనున్నట్లు ప్రకటించారు. దీంతో రామ్​చరణ్​ ఫ్యాన్స్​కు కొత్త ఆలోచనలు పుట్టుకొస్తున్నాయి.

ఇండియన్ 2 టీజర్​లో ఆ చిత్ర రిలీజ్ డేట్​ను అనౌన్స్ చేస్తారేమో అని అనుకుంటున్నారు. సంక్రాంతికైతే వచ్చే అవకాశం లేదు. ఇప్పటికే ఆ బెర్త్​లు ఫుల్ అయిపోయాయి. ఆగస్ట్​ 15కు ఇప్పటికే భారీ అంచనాలు ఉన్నాయి పుష్ప 2 వస్తోంది కాబట్టి పోటీకి వెళ్లే అవకాశం ఉండదు. ఇకపోతే మిగిలింది 2024 సమ్మర్​ లేదా దసరా.

ఒకవేళ ఇదే కనుక జరిగితే మరి గేమ్ ఛేంజర్​ ఎప్పుడనేది క్లారిటీ రావాల్సి ఉంటుంది. కొంతమంది ఈ చిత్రం వచ్చే ఏడాది కూడా వచ్చే అవకాశం లేదని అంటున్నారు. ఇప్పుడు పాటను కూడా లీక్​ అయింది కాబట్టి.. కేవలం కంటి తుడుపు కోసం రిలీజ్ చేస్తున్నారని చెబుతున్నారు.

ఏది ఏమైనా వీలైనంత త్వరగా వీటి రిలీజ్ డేట్స్​ గురించి ఓ క్లారిటీ వస్తే బాగుంటుంది. ఇతర నిర్మాతలు పోటీకి రాకుండా అందుకు తగ్గట్టుగా ప్లాన్ చేసుకుంటారు. అయితే శంకర్​ మాత్రం.. ఇండియన్ 2, గేమ్ ఛేంజర్​లో ఫైనల్ కాపీ ఏది ముందు రెడీ అవుతుందో దాని ఆధారంగా నిర్ణయం తీసుకుంటారట. అయితే ఇండియన్ 2నే ముందు వస్తుందని చెన్నై టాక్. చూడాలి మరి ఈ గందరగోళంపై వచ్చే వారంలోనైనా కొంతైనా క్లారిటీ వస్తుందేమో..