ప్రెండ్ హ‌బ్బీకి స‌మంత ఛాన్స్ ఇస్తుందా?

ఇటీవ‌లే స‌మంత నిర్మాణ రంగంలోకి అడుగు పెట్టిన సంగ‌తి తెలిసిందే. ట్రలాలా అనే పేరుతో ఓ నిర్మాణ సంస్థ‌ని స్థాపించింది. యువ ప్ర‌తిభావంతుల్ని ప్రోత్స‌హించ‌డంతో పాటు తాను బ్యాన‌ర్ ద్వారా డ‌బ్బు సంపాదించాల‌నే దృక్ఫ‌ధంతో ఈ బ్యాన‌ర్ స్థాపించింది. ప‌నిలో ప‌నిగా ఓ ప్రముఖ త‌మిళ వెర్ష‌న్ మ్యూజిక్ ఛానెల్ లో ఓ షోని సైతం నిర్మిస్తుంది. ఆ ర‌కంగా అమ్మ‌డు సినిమాల‌తో పాటు బుల్లి తెర‌పైనా స‌త్తా చాటే ఓ ప్ర‌య‌త్నం మొద‌లు పెట్టింది.

అయితే తొలి సినిమా ఏ ద‌ర్శ‌కుడితో నిర్మిస్తుంది? అన్న‌ది ఇంత‌వ‌ర‌కూ ఎక్క‌డా వార్త రాలేదు. గాసిప్ కూడా తెర‌పైకి రాలేదు. ఈ నేప‌థ్యంలో తాజాగా ఆ సినిమా ఛాన్స్ స్నేహితురాలు భ‌ర్త‌కు ఇచ్చిన‌ట్లు కోలీవుడ్ మీడియాలో ప్ర‌చారం సాగుతోంది. చిన్మ‌యి భ‌ర్త రాహుల్ ర‌వీంద్ర‌న్ తో స‌మంత త‌న తొలి సినిమా నిర్మించే దిశ‌గా చ‌ర్చ‌లు జ‌రుపుతున్న‌ట్లు లీకులందుతున్నాయి. ప్ర‌స్తుతం ర‌ష్మిక ప్ర‌ధాన పాత్ర‌లో `ది గ‌ర్ల్ ప్రెండ్` అనే చిత్రాన్ని రాహుల్ తెరకెక్కిస్తున్నాడు.

ఈ సినిమా షూట్ లోనే ఆయ‌న బిజీగా ఉన్నాడు. ఈ నేప‌థ్యంలో స‌మంత అతని ప‌నిత‌నం మెచ్చి తొలి సినిమా రాహుల్ తో నిర్మించే దిశ‌గా చ‌ర్చ‌లు జ‌రుపుతున్న‌ట్లు తెలిసింది. `చిల‌సౌ`తో రాహుల్ ద‌ర్శ‌కుడిగా ప‌రిచ‌య‌మ‌య్యాడు. తొలి సినిమాతోనే హిట్ అందుకున్నాడు. అటుపై నాగార్జున హీరోగా `మ‌న్మ‌ధుడు-2`ని తెర‌కెక్కించాడు. కానీ ఈ సినిమా ఆశించిన ఫ‌లితాలు సాధించ‌లేదు. కానీ మేక‌ర్ గా మాత్రం ఫెయిల్ అవ్వ‌లేదు.

త‌న‌లో ఆ ప్ర‌తిభ చూసే ర‌ష్మిక కూడా `ది గ‌ర్ల్ ప్రెండ్` చిత్రానికి ప‌నిచేసే అవ‌కాశం ఇచ్చింది. ప్రస్తుతం ఆమె పేరు పాన్ ఇండియాలో మారు మ్రోగిపోతుంది. తాజాగా స‌మంత ఛాన్స్ క‌న్ప‌మ్ అయితే రాహుల్ మ‌రింత ఫేమ‌స్ అయిపోతాడు. చిన్మ‌యి-స‌మంత మంచి స్నేహితులు అన్న సంగ‌తి తెలిసిందే. చిన్మ‌యి భర్త రాహుల్. న‌టుడిగా స‌క్సెస్ కాని రాహుల్ ద‌ర్శ‌కుడిగా మాత్రం ప్రూవ్ చేసుకుంటున్నాడు.