శృంగార తార డ్ర‌గ్స్ ఓవర్‌డోస్ ఫ‌లితం

శృంగార‌తార‌లు నేల‌కూలుతున్నారు. అడల్ట్ స్టార్ సోఫియా లియోన్ 26 ఏళ్ళ వయసులో మరణించారు..పోర్న్ స్టార్ కాగ్నీ లిన్ కార్టర్ 36 ఏళ్ళ వయసులో ఆత్మహత్య చేసుకున్నారు. ఇప్పుడు పోర్న్ స్టార్ ఎమిలీ విల్లీస్ మాలిబులోని పునరావాస కేంద్రంలో కోమాలో జీవితంతో పోరాడుతోంద‌ని తెలిసింది. ఆ మేర‌కు కుటుంబ స‌భ్యుల నుంచి ప్ర‌క‌ట‌న వెలువ‌డింది. ఆమె కోమాలోకి వెళ్ల‌డానికి కార‌ణం శ్రుతిమించిన డ్ర‌గ్ దుర్వినియోగం అని కూడా తెలుస్తోంది.

25 ఏళ్ల శృంగార తార అసలు పేరు లిట్జీ లారా బానులోస్. ఫిబ్రవరి 5న గుండెపోటుకు గురైన అనంత‌రం ఎనిమిది రోజుల పాటు ప్రముఖ పునరావాస కేంద్రంలో ఉన్నారని ఆమె సవతి తండ్రి మైఖేల్ విల్లిస్ TMZకి తెలిపారు. ఆటుపై కాలిఫోర్నియాలోని థౌజండ్ ఓక్స్‌లోని ఆసుపత్రికి తరలించారు. అక్కడ ఆమె కోమాలో వెంటిలేటర్ పై ఉంది.

ఆమె పరిస్థితి స్థిరంగా ఉన్నప్పటికీ, కుటుంబం చాలా దారుణ ప‌రిస్థితిలో ఉందని ఆమె సవతి తండ్రి చెప్పారు. ఎమిలీ పూర్తిగా కోమాలో ఉంది.. ఆమె జీవితం కోసం పోరాడుతోంది అని త‌న సోద‌రుడు మైఖేల్ వెల్ల‌డించారు. ఆమె సోదరుడు తన వైద్యం కోసం ఆన్‌లైన్ నిధుల సమీకరణకు చేసామ‌ని తెలిపారు.

``ఆమె నెమ్మదిగా కోలుకోవడానికి ప్రయత్నిస్తున్నప్పుడు మేము త‌న చెంతే ఉన్నాము.. కానీ ఇది ఒక సవాల్ లాంటి ప్రయాణం`` అని అన్నారు. విల్లీస్ తీవ్రంగా బాధపడుతున్నారని పోలీసు వర్గాలు గతంలో TMZకి తెలిపాయి.

ఎమిలీ దాదాపు రెండు సంవత్సరాల క్రితం శృంగార చిత్రాల‌ పరిశ్రమ నుండి రిటైర్ అయ్యింది. ఇతర వినోద రంగాలలో విజయం సాధించాలనే ఆకాంక్షను కలిగి ఉంది. కొత్త కెరీర్‌లో త‌న‌తో కలిసి పనిచేసిన వారికి కలలను సాధించగల సామర్థ్యం ఉందని తెలుసు అని ఎమిలీ తండ్రి అన్నారు.

విల్లీస్ - ఇన్‌స్టాగ్రామ్‌లో 2 మిలియన్లకు పైగా అనుచరులను కలిగి ఉన్నారు. ఎమిలీ కోసం ఇప్ప‌టికే $32,000 డ‌బ్బును సేక‌రించారు. ఆమె కుమార్తె, సోదరి ఆమెకు తెలిసిన వారందరి జీవితాల్లో వెలుగులు నింపడానికి ఎమిలీ కుటుంబం సహాయం కోరుతోంది. కుటుంబం ఎమిలీ నిధులను యాక్సెస్ చేయలేకపోయిందని అవి లాక్ చేయబడ్డాయని, బంధువులను లబ్ధిదారులుగా అంగీక‌రించ‌లేదని ఆమె సవతి తండ్రి TMZకి చెప్పారు.