2024-2025 సీజ‌న్ నేష‌న‌ల్ క్ర‌ష్‌కి అంకితం

రష్మిక మందన్న నేష‌న‌ల్ క్ర‌ష్‌గా వెలిగిపోతోంది. పుష్ప చిత్రంలో శ్రీ‌వ‌ల్లి పాత్ర‌తో త‌న‌కు ఆ బిరుదు సూట‌బుల్ అని నిరూపించింది. యానిమ‌ల్ చిత్రంలో త‌న‌దైన అద్భుత‌ న‌ట‌న‌తో మెప్పించి, మ‌రోసారి త‌న‌పై యూత్ కి ఎందుకంత క్ర‌ష్ ఉంటుందో అర్థ‌మయ్యేలా చెప్పింది. మునుముందు వ‌రుస భారీ చిత్రాల‌తో మ‌రింత‌గా నిరూపించ‌బోతోంది. ముఖ్యంగా 2024-2025 సంవత్సరాలకు సంబంధించి చాలా ప్రాజెక్ట్‌లను త‌న ఖాతాలో వేసుకుంది ర‌ష్మిక‌. వ‌రుస‌గా భారీ ప్రాజెక్ట్‌లతో ఫ్యాన్స్ ముందుకు రానుంది. త‌దుప‌రి యాక్షన్-ప్యాక్డ్ మూవీ పుష్ప: ది రూల్, ది గర్ల్‌ఫ్రెండ్, కుబేర, ఛవా, యానిమల్ పార్క్ ఉన్నాయి.

అల్లు అర్జున్ `పుష్ప: ది రూల్` 2024లో మోస్ట్ అవైటెడ్ విడుదలల్లో ఒకటి. 2021లో విడుదలైన పుష్ప: ది రైజ్ కి సీక్వెల్ మూవీలో రష్మిక మందన్న శ్రీవల్లి పాత్రలో మళ్లీ క‌నిపించింది. సుకుమార్ తెర‌కెక్కించిన థ్రిల్లర్-డ్రామా పుష్ప‌2లో అల్లు అర్జున్, రష్మిక మందన్న, ఫహద్ ఫాసిల్, ప్రకాష్ రాజ్, జగపతి బాబు, జగదీష్ ప్రతాప్ వంటి తారాగణం ఉన్నారు. ఈ కథ పుష్ప రాజ్ అనే గంధపు చెక్క స్మగ్లర్ చుట్టూ తిరుగుతుంది. ఇందులో శ్రీ‌వ‌ల్లి పాత్ర‌లో ర‌ష్మిక మరోసారి హృద‌యాల‌ను గెలుచుకోనుంది. మైత్రీ మూవీ మేకర్స్ బ్యానర్‌పై నవీన్ యెర్నేని, యలమంచిలి రవిశంకర్ ఈ చిత్రాన్ని నిర్మిస్తున్నారు. జాతీయ అవార్డు గ్రహీత దేవిశ్రీ ప్రసాద్ పాటలు, నేపథ్య సౌండ్‌ట్రాక్‌లు సమకూర్చారు. తెలుగు, హిందీ, తమిళం, మలయాళం, కన్నడ భాషల్లో ఈ చిత్రాన్ని 2024 స్వాతంత్య్ర‌ దినోత్సవం రోజున విడుదల చేయనున్నారు.

రష్మిక మందన్న సినిమా జాబితాలో రాహుల్ రవీంద్రన్ రూపొందిస్తున్న‌ రొమాంటిక్ డ్రామా `ది గర్ల్‌ఫ్రెండ్` మ‌రో ఆస‌క్తిక‌ర ప్రాజెక్ట్. నేషనల్ క్రష్ 28 వ పుట్టినరోజున రష్మిక ఫస్ట్ లుక్‌ను ఆవిష్కరించారు. దీనికి అద్భుత స్పంద‌న వ‌చ్చింది. దియా ఫేమ్ ధీక్షిత్ శెట్టి సరసన రష్మిక మందన్న కనిపించనుంది. ఈ చిత్రంలో రష్మిక అబ్సెసివ్ లవర్‌గా నటిస్తుంది. ఈ చిత్రాన్ని గీతా ఆర్ట్స్, మాస్ మూవీ మేకర్స్, ధీరజ్ మొగిలినేని ఎంటర్‌టైన్‌మెంట్స్ బ్యానర్‌లపై అల్లు అరవింద్, శ్రీనివాస్ కుమార్, ధీరజ్ మొగిలినేని నిర్మించారు. పోస్టర్ ప్రకారం.. రష్మిక కొత్త చిత్రం భారతదేశం అంతటా తెలుగు, హిందీ, తమిళం, కన్నడ, మలయాళంలో విడుదల కానుంది. దర్శకుడు శేఖర్ కమ్ముల తదుపరి చిత్రం `కుబేర`లోను ర‌ష్మిక న‌టిస్తోంది. ఈ చిత్రంలో ధనుష్, అక్కినేని నాగార్జున, జిమ్ సర్భ్ త‌దిత‌రులు నటిస్తున్నారు. తాజా క‌థ‌నాల ప్ర‌కారం.. ముంబైలోని ధారవిలో కుబేరుని క‌థేమిటో తెర‌పైనే చూడాలి. ధనుష్ మాఫియా లార్డ్‌గా మారే ఇల్లు లేని సామాన్యుడిగా నటిస్తున్నాడు. కుబేర చిత్రాన్ని సునీల్ నారంగ్ నిర్మిస్తున్నారు. ఈ చిత్రానికి దేవి శ్రీ ప్రసాద్ సంగీతం అందించారు. తెలుగు, తమిళం రెండింటిలోనూ విడుదల కానుంది.

సందీప్ రెడ్డి వంగా `యానిమల్‌` ఘ‌న‌విజయం సాధించిన తర్వాత, రష్మిక విక్కీ కౌశల్‌తో `ఛావా` అనే మరో హిందీ ప్రాజెక్ట్ చేస్తోంది. బాలీవుడ్ దర్శకుడు లక్ష్మణ్ ఉటేకర్ దీనికి ద‌ర్శ‌కుడు. గతంలో విక్కీ కౌశల్ -సారా అలీ ఖాన్‌లను జరా హాట్కే జరా బచ్కే లాంటి హిట్ చిత్రానికి అత‌డు దర్శకత్వం వహించారు. మీడియా క‌థ‌నాల ప్రకారం ఇది చారిత్రక నేప‌థ్య సినిమా. మరాఠా సామ్రాజ్య వ్యవస్థాపకుడు ఛత్రపతి శివాజీ మహారాజ్ పెద్ద కుమారుడు ఛత్రపతి శంభాజీ మహారాజ్ పాత్రలో విక్కీ కౌశల్ నటించనున్నారు. రష్మిక అతని బెటర్ హాఫ్ యేసుబాయ్ భోంసాలే పాత్రను పోషించనుంది. దినేష్ విజన్ ఈ చిత్రానికి మాడాక్ ఫిలింస్ లో నిర్మిస్తున్నారు. ఈ చిత్రం 6 డిసెంబర్ 2024న థియేటర్లలోకి రానుంది.

రష్మిక మందన్న 2023 మెగా-బ్లాక్‌బస్టర్ చిత్రం యానిమల్‌కి సీక్వెల్ యానిమ‌ల్ పార్క్ లోను నటించ‌నుంది. ఇందులో రణబీర్ కపూర్ - రష్మిక మందన్న ప్రధాన పాత్రలు పోషించారు. సందీప్ రెడ్డి వంగా దర్శకత్వం వహించిన ఈ ప్రాజెక్ట్ ప్రేక్షకులను కదిలించడమే కాకుండా విమర్శకులు సెలబ్రిటీలలో భారీ సంచలనాన్ని సృష్టించింది. రష్మిక గీతాంజలిగా ప్రేక్షకులతో పాటు సినీ ప్రేమికుల నుండి విపరీతమైన ప్రశంసలు అభిమానాన్ని పొందింది. యాక్షన్-ప్యాక్డ్ థ్రిల్లర్ తండ్రి-కొడుకుల న‌డుమ సెన్సిటివ్ సంబంధం చుట్టూ న‌డిచే ఎమోష‌న‌ల్ మూవీ. తన తండ్రి దృష్టిలో స్టార్‌గా మారాల‌ని క‌ల‌లు క‌నే యువ‌కుడి క‌థాంశ‌మిది. ప్రధాన నటులు కాకుండా బాబీ డియోల్, అనిల్ కపూర్, సలోని బాత్రా, ట్రిప్తి డిమ్రీ, శక్తి కపూర్, సురేష్ ఒబెరాయ్ తదితరులు ఉన్నారు. సీక్వెల్ లో బాబీ డియోల్ మరణం తర్వాత జరిగిన సంఘటనల నేప‌థ్యంలో తెర‌కెక్క‌నుంది. ఇందులో రణబీర్ కపూర్ ద్విపాత్రాభినయం చేయ‌నున్నారు. అయితే, దర్శకుడు సందీప్ రెడ్డి వంగా ఇంకా సీక్వెల్ వివ‌రాలు వెల్లడించలేదు.

అతడు ప్రస్తుతం ప్రభాస్ న‌టిస్తున్న భారీ థ్రిల్లర్ `స్పిరిట్` పై దృష్టి పెడుతున్నందున సీక్వెల్ ఆల‌స్య‌మ‌వుతుంది.

ఇవి 2024లో రష్మిక మంద‌న్న న‌టిస్తున్న సినిమాలు. వీటిలో కొన్ని త్వ‌ర‌లో ప్రారంభం కాబోతున్నాయి. ర‌ష్మిక త‌న‌ అద్భుతమైన నటన సానుకూలతతో ఎల్లప్పుడూ ప్రేక్షకులను ఆకర్షిస్తూనే ఉంది. ఈ సినిమాల‌తో ర‌ష్మిక క్రేజ్ స్కైని ట‌చ్ చేస్తుంద‌న‌డంలో సందేహం లేదు.