ఎవరు టచ్ చేయలేని రికార్డ్ అందుకొన్న ప్రభాస్

యంగ్ రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కి ప్రేక్షకుల ముందుకి వచ్చిన చిత్రం సలార్. ఈ మూవీ పాజిటివ్ టాక్ సొంతం చేసుకొని ప్రతి రోజు వంద కోట్లకి పైగా గ్రాస్ కలెక్ట్ చేస్తూ దూసుకుపోతోంది. శుక్రవారం నుంచి సోమవారం వరకు నాలుగు రోజుల్లోనే 500 కోట్ల గ్రాస్ మార్క్ ని సలార్ టచ్ చేసింది అంటే సినిమాకి ఏ రేంజ్ లో స్పందన వస్తుందో అర్ధం చేసుకోవచ్చు.

ప్రస్తుతం కలెక్షన్స్ తగ్గిన మరీ గణనీయమైన ఎఫెక్ట్ అయితే లేదు. ఇదిలా ఉంటే తెలుగు హీరోలలో ప్రభాస్ ఖాతాలో ఇప్పటికే రేర్ ఫీట్ చేరింది. నార్త్ ఇండియాలో వంద కోట్లకి పైగా గ్రాస్ కలెక్ట్ చేసిన హీరోల జాబితాలో ప్రభాస్ టాప్ లో ఉన్నాడు. సౌత్ ఇండియాలో ఇప్పటి వరకు ప్రభాస్, రామ్ చరణ్, అల్లు అర్జున్ ఖాతాలో మాత్రమే వంద కోట్ల గ్రాస్ రికార్డ్స్ ఉన్నాయి.

అయితే ప్రభాస్ మాత్రం బాహుబలి 1, బాహుబలి 2, సాహో, ఆదిపురుష్ సినిమాలతో ఇప్పటికే నాలుగు సార్లు వంద కోట్లకి పైగా కలెక్షన్స్ ని నార్త్ ఇండియాలో అందుకున్నాడు. ఇప్పుడు సలార్ కూడా వంద కోట్ల కలెక్షన్స్ దిశగా దూసుకుపోతోంది. ఈ మూవీ కలెక్షన్స్ వంద కోట్లు దాటితే ఇప్పటి వరకు ఐదు చిత్రాలతో వంద కోట్లకి పైగా గ్రాస్ సాధించిన హీరోగా ప్రభాస్ నిలిచాడు.

ఈ ఫీట్ సాధించడానికి ప్రభాస్ కి ఎనిమిదేళ్ళు అయ్యింది. మిగిలిన హీరోలు సినిమాల లైన్ అప్ చూస్తుంటే రెండేళ్ళకి ఒక సినిమా లెక్కన ఉంది. ఇదే దారిలో వెళ్తే మిగిలిన హీరోలకి కనీసం దశాబ్దకాలం పట్టే అవకాశం ఉంటుందని ట్రేడ్ పండితులు అంచనా వేస్తున్నారు. ఈ లెక్కలు చూసుకుంటే ప్రభాస్ క్రేజ్ కూడా ఈ పదేళ్ళలో మరింత పెరిగిపోతుంది.

కల్కి మూవీ హిట్ అయితే పాన్ వరల్డ్ రేంజ్ వచ్చేస్తుంది. అతని మార్కెట్ కూడా వెయ్యి కోట్లకి చేరిపోయే అవకాశం ఉందని అంచనా వేస్తున్నారు. కల్కి తర్వాత స్పిరిట్, మారుతి సినిమాలు కూడా ప్రభాస్ లైన్ అప్ లో ఉన్నాయి. అలాగే హను రాఘవపూడి దర్శకత్వంలో ఒక మూవీ ఉంటుందని టాక్ వినిపిస్తోంది.