హ‌నుకి ప్ర‌భాస్‌ డెడ్ లైన్..నిజ‌మెంత‌?

ఇండియ‌న్ సూప‌ర్ స్టార్ల‌లో అత్యంత బిజీగా ఉన్న స్టార్ హీరో ప్ర‌భాస్. వ‌రుస పాన్ ఇండియా ప్రాజెక్ట్‌ల‌తో బిజీ బిజీగా గ‌డిపేస్తున్నారు. స్టార్ హీరోల‌కు భిన్నంగా ఒకేసారి రెండు మూడు క్రేజీ సినిమాల్లో న‌టిస్తూ వ‌రుస షూటింగ్‌ల‌తో బిజీగా ఉంటున్నారు. ఈ ఏడాది హార‌ర్ కామెడీ థ్రిల్ల‌ర్ `రాజాసాబ్‌`తో ప్రేక్ష‌కుల ముందుకొచ్చిన ప్ర‌భాస్ ఇదే ఏడాది మ‌రో భారీ పాన్ ఇండియా మూవీతో ప్రంచ వ్యాప్తంగా సినీ ప్రియుల్ని అల‌రించ‌డానికి రెడీ అవుతున్నాడు. ప్ర‌భాస్ ప్ర‌స్తుతం రెండు క్రేజీ ప్రాజెక్ట్‌ల‌లో న‌టిస్తున్న విష‌యం తెలిసిందే.

`సీతారామం`తో బ్లాక్ బ‌స్ట‌ర్ హిట్‌ని సొంతం చేసుకుని ద‌ర్శ‌కుడిగా విమ‌ర్శ‌కుల ప్ర‌శంస‌లు అందుకున్న హ‌ను రాఘ‌వ‌పూడి డైరెక్ష‌న్‌లో యుద్దం రాసిన ప్రేమ‌క‌థ‌గా `ఫౌజీ`ని రూపొందిస్తున్నాడు. ఇమాన్వి హీరోయిన్‌గా న‌టిస్తుండ‌గా కీల‌క పాత్ర‌ల్లో మిథున్ చ‌క్ర‌వ‌ర్తి, అనుప‌మ్‌ఖేర్‌, జ‌య‌ప్ర‌ద‌, భానుచంద‌ర్ త‌దిత‌రులు న‌టిస్తున్నారు. మైత్రీ మూవీ మేక‌ర్స్‌తో క‌లిసి టీ సిరీస్ సంయుక్తంగా ఈ భారీ వార్ ల‌వ్ డ్రామాని నిర్మిస్తోంది. ప్ర‌స్తుతం చిత్రీక‌ర‌ణ ద‌శ‌లో ఉంది. ఈ మూవీతో పాటు ప్ర‌భాస్ `స్పిరిట్‌`లో న‌టిస్తున్న విష‌యం తెలిసిందే.

క్రే.జీ డైరెక్ట‌ర్‌గా పేరు తెచ్చుకున్న సందీప్‌రెడ్డి వంగ ఈ మూవీని అత్యంత ప్ర‌తిష్టాత్మ‌కంగా తెర‌కెక్కిస్తున్నాడు. ఏ విష‌యంలోనూ రాజీప‌డ‌కుండా బాడీ డ‌బుల్‌ని కూడా వాడ‌నివ్వ‌కుండా చాలా స్ట్రిక్ట్‌గా ఈ మూవీ షూటింగ్ చేస్తున్నాడు. ఇప్ప‌టికే కీల‌క ప్యాడింగ్ ఆర్టిస్ట్‌ల‌ని రంగంలోకి దించేసిన సందీప్ ఈ మూవీ షూటింగ్‌ని ప‌రుగులు పెట్టిస్తున్నాడు. ఇదిలా ఉంటే ఈ మూవీతో పాటు త్వ‌ర‌లో `క‌ల్కి 2898ఏడీ` సీక్వెల్ షూటింగ్ ప్రారంభం కానున్న నేప‌థ్యంలో `ఫౌజీ` డైరెక్ట‌ర్‌తో పాటు టీమ్‌కి డెడ్ లైన్ విధించిన‌ట్టుగా తెలిసింది.

వ‌రుస క్రేజీ ప్రాజెక్ట్‌ల షూటింగ్‌ల‌తో బిజీ బిజీగా గ‌డిపేస్తున్న‌ ప్ర‌భాస్ అనుకున్న టైమ్‌కి సినిమాని థియేట‌ర్ల‌లోకి తీసుకురావాలంటే షూటింగ్ మ‌రింత ఫాస్ట్‌గా చేయాల‌ని భావిస్తున్నాడ‌ట‌. ఇప్ప‌టికే `ఫౌజీ`ని ద‌స‌రాకు రిలీజ్ చేయాల‌ని టార్గెట్ పెట్టుకున్నా ఆ స‌మ‌యానికి రిలీజ్ చేయ‌లేక‌పోతే త‌రువాత ప్రాజెక్ట్‌ల‌కు తీవ్ర ఇబ్బందులు ఎదుర‌వుతాయ‌ని భావించిన ప్ర‌భాస్ `ఫౌజీ` టీమ్‌కు డెడ్ లైన్ విధించాడ‌ట‌. ఎట్టిప‌రిస్థితుల్లోనూ సినిమాని పూర్తి చేసి ద‌స‌రాకు రిలీజ్ చేయాల‌ని చెప్ప‌డంతో ఇప్పుడు టీమ్ రాత్రింబ‌వ‌ళ్లు ప‌ని చేస్తున్నార‌ట‌.

రెస్ట్ లేకుండా ప‌ని చేస్తేనే `ఫౌజీ` అనుకున్న అక్టోబ‌ర్‌కు రెడీ అవుతుంద‌ని, దాంతో ఇత‌ర సినిమాల‌కు ఎలాంటి ప్రాబ్లం ఉండ‌ద‌ని చెబుతున్నారు. సందీప్ రూపొందిస్తున్న `స్పిరిట్‌` విష‌యంలో ప్ర‌భాస్‌కు ఎలాంటి టెన్ష‌న్ లేదు. కార‌ణం ప్ర‌భాస్ రెస్ట్ తీసుకుందామ‌న్నా, బాడీ డ‌బుల్‌తో లాగించేద్దామ‌న్నా సందీప్ రెడ్డి వంగ వినే ర‌కం కాదు. అనుకున్న‌ది అనుకున్న‌ట్టు చేయాల్సిందేనని ప‌ట్టుబ‌ట్టే ర‌కం కాబ‌ట్టి `స్పిరిట్‌` సందీప్ చెప్పిన టైమ్‌కే వ‌చ్చేస్తుంద‌ని ప్ర‌భాస్ ఫుల్ కాన్ఫిడెన్స్‌తో ఉన్నాడ‌ట‌.