పవన్ ఉస్తాద్ పరిస్థితి ఏంటి..?

పవన్ కళ్యాణ్ ఇప్పుడు కేవలం ఒక స్టార్ హీరో మాత్రమే కాదు ఒక సక్సెస్ ఫుల్ పొలిటీషియన్. ఇదివరకులా పవన్ సినిమాలకు టైం కేటాయించే పరిస్థితి లేదు. ఏపీ ఎలక్షన్స్ కు ముందు పవన్ కళ్యాణ్ 3 సినిమాలు కమిటై ఉన్నాడు. అందులో హరి హర వీరమల్లు సినిమా అయితే దాదాపు నాలుగేళ్లుగా సెట్స్ మీద ఉంది. సినిమా చేస్తున్న క్రిష్ ఇక నా వల్ల కాదని దాన్ని వదిలేసి మరో సినిమా చేస్తున్నాడు. మరోపక్క పవన్ కళ్యాణ్ సుజిత్ కాంబోలో ఓజీ కూడా వస్తుంది. ఆ సినిమా సగానికి పైగా షూటింగ్ పూర్తి చేసుకుంది. ఆ సినిమా కూడా త్వరగా పూర్తి చేసి రిలీజ్ చేయాల్సి ఉంది.

వీటితో పాటుగా హరీష్ శంకర్ డైరెక్షన్ లో పవన్ కళ్యాణ్ హీరోగా ఉస్తాద్ భగత్ సింగ్ సినిమా కూడా వస్తుంది. తమిళ సూపర్ హిట్ సినిమా తెరి రీమేక్ గా వస్తున్న ఈ ఉస్తాద్ సినిమా పవన్ పోర్షన్ కొంత షూట్ చేశారు. ఐతే పవన్ కళ్యాణ్ పూర్తిస్థాయిలో ఫ్రీ అయినప్పుడు ఈ సినిమా చేస్తానని చెప్పి హరీష్ శంకర్ రవితేజతో మరో సినిమా షూటింగ్ మొదలు పెట్టాడు.

ఇప్పుడు పవన్ వచ్చి ఉస్తాద్ చేస్తానన్నా సరే హరీష్ శంకర్ ముందు రవితేజ సినిమా పూర్తి చేయాల్సి ఉంది కాబట్టి అతనికి వీలు లేదని చెప్పాల్సి వస్తుంది. పవన్ కళ్యాణ్ తను కమిటైన ఈ 3 సినిమాలను త్వరగా పూర్తి చేసి ఇక పూర్తి స్థాయి ప్రజా పాలనలో బిజీ అవ్వాలని చూస్తున్నాడు. సినిమాలను పూర్తిగా వదిలేసే పరిస్థితి కనబడట్లేదు కానీ జస్ట్ ఇలా వచ్చి అలా వెళ్తాడని మాత్రం అర్ధమవుతుంది.

పవన్ కళ్యాణ్ ఓజీ, హరి హర వీరమల్లు సినిమాలు ఈ ఇయర్ ఎండింగ్ కల్లా పూర్తి చేసే ప్లానింగ్ లో ఉన్నాడు. ఇటు పవన్ పూర్తి చేస్తానన్న టైం లో హరీష్ శంకర్ బిజీ కాబట్టి మళ్లీ ఆయన ఫ్రీ టైం వరకు హరీష్ శంకర్ వెయిట్ చేయాల్సి ఉంటుంది. పవన్ ఓజీ ఈ ఇయర్ ఎండింగ్ కి, వీరమల్లుని సంక్రాంతికి లేదా సమ్మర్ రేసులో దించాలని చూస్తుండగా ఉస్తాద్ భగత్ సింగ్ నెక్స్ట్ ఇయర్ ఎండింగ్ దాకా వెళ్లేలా ఉందని తెలుస్తుంది. ఐతే పవర్ స్టార్ ఫ్యాన్స్ మాత్రం గబ్బర్ సింగ్ కాంబో కాబట్టి ఉస్తాద్ ఎప్పుడొచ్చినా రికార్డులు తిరగరాస్తుందని అంటున్నారు.