వీడియో: ఓర్రీ గురించి భామ‌ల మాట‌

త‌క్కువ స‌మ‌యంలో సెన్సేష‌న్ గా మారాడు ఓర్రీ అలియాస్ ఓర్హాన్ అవ్ర‌త‌మ‌ణి. ఉన్న‌ట్టుండి బాలీవుడ్ లో క్రౌడ్ పుల్ల‌ర్ గా మారాడు. వేదిక‌ల‌పై షో స్టాప‌ర్ గా మెరుస్తున్నాడు. సెల‌బ్రిటీ కిడ్స్ అంద‌రి మ‌న‌సులు దోచిన ఏకైక వీరుడు సూరుడు ఓర్రీ గురించి ఎంత చెప్పుకున్నా త‌క్కువే. అత‌డిలోని ఒక్కో క్వాలిటీ గురించి మాట్లాడుతూ భామ‌లు ప‌ర‌వ‌శులైన ఒక అంద‌మైన వీడియోని ఇప్పుడు విజువ‌లైజ్ చేసి మ‌రీ ఓర్రీ ప్ర‌చారానికి పెట్టాడు.

ఇటీవ‌లే త‌న‌ను గే అని విమ‌ర్శించిన నెటిజ‌నుల‌పై విరుచుకుప‌డుతూ సుదీర్ఘ లేఖ‌ను రాసిన ఓర్రీ, ఇప్పుడు మ‌రోసారి త‌న ఫాలోయింగ్ గురించి ఓపెన్ గా ఒక వీడియోని విడుద‌ల చేయ‌డం ఆస‌క్తిని క‌లిగించింది. ఓర్రీ మ‌రోవైపు బిగ్ బాస్ 17 సీజ‌న్ లోను సంద‌డి చేస్తుండ‌డంతో అత‌డు మ‌రింత పాపుల‌ర్ అయ్యాడు. అంబానీల కొలువులో ఉద్యోగం చేసే ఓర్రీ మొద‌టి నుంచి సెల‌బ్రిటీ కిడ్స్ తో క‌లిసి చ‌దువుకున్నాడు. అదే అత‌డి బ‌లం.. క‌మ్యూనికేష‌న్.

బిగ్ బాస్ ఇంట్లో రెండు రోజులు:

సల్మాన్ ఖాన్ రియాలిటీ షో బిగ్ బాస్ 17 లో మిస్టీరియస్ ఫిగర్ ఓర్రీ అలియాస్ ఓర్హాన్ అవత్రమణి సంద‌డి ఇటీవ‌ల చ‌ర్చ‌గా మారింది. బయటి వ్యక్తుల మాదిరిగానే, సల్మాన్‌తో పాటు పోటీదారులు కూడా ఓర్రీ నేపథ్యం గురించి తెలుసుకోవాలనే ఆసక్తిని ప్ర‌ద‌ర్శించారు. కానీ అతను ఎప్పుడూ ఆ ప్రశ్నకు నేరుగా సమాధానం ఇవ్వలేదు. అయినప్పటికీ సోష‌ల్ మేన్ హౌస్‌మేట్స్‌తో సజావుగా కలిసిపోయాడు. పోటీదారులతో ఒక టాస్క్ కూడా ఆడాడు. అయితే, ఓర్రీ వైల్డ్ కార్డ్ కంటెస్టెంట్ కాదని తేలడంతో షో ఊహించని మలుపు తిరిగింది.

జస్ట్ చిల్ విత్ అర్బాజ్- సోహైల్ ల‌కు సంబంధించిన‌ ఇటీవలి విభాగంలో, ఖాన్ బ్రదర్స్ షోలో ఓర్హాన్ పని గురించి ఆశ్చర్యకరమైన విష‌యాన్ని వెల్లడించారు. ఊహలకు విరుద్ధంగా, ఓర్రీ వైల్డ్ కార్డ్ ఎంట్రీ కాదు.. బదులుగా బిగ్ బాస్ ఇంట్లో అతడి బస కేవలం రెండు రోజులు మాత్రమే ప్లాన్ చేసారు. ఇదే వార్తను ప్రకటించడంతో, హౌస్‌మేట్స్ బిబి హౌస్‌లో ఓర్రీ ఉనికిని ఇష్టపడినందున ఆశ్చర్యపోయారు. అంకిత లోఖండే, ఇషా మాల్వియ, సన్నీ ఆర్య, అభిషేక్ కుమార్ త‌దితరులు అతడికి స్వీట్ గా వీడ్కోలు పలికారు. తర్వాత ఓర్రీ .. ఖాన్ బ్రదర్స్‌ను కలిసినప్పుడు అతడు తన ప్రత్యేక శైలిలో సోహైల్ - అర్బాజ్‌లతో కలిసి పోజులిచ్చాడు.

బిగ్ బాస్ 17 ఇంటికి వీడ్కోలు పలికే ముందు ఓర్హాన్ అవత్రమణి అభిషేక్ కుమార్, అంకితా లోఖండే, విక్కీ జైన్, మునావర్ ఫరూకీ, ఇతర హౌస్‌మేట్‌లతో చిరస్మరణీయ క్షణాలను షేర్ చేసారు. ఓర్రీ నిష్క్రమణకు ఒక రోజు ముందు, మేకర్స్ హౌస్‌మేట్స్‌కు ఒక పనిని అప్పగించడం ద్వారా వాతావరణానికి ఉత్సాహాన్ని జోడించారు. ఓర్రీ కోసం హౌస్‌వార్మింగ్ పార్టీని నిర్వహించమని బిగ్ బాస్ చెప్పారు.

అర్బాజ్- సోహైల్ ఖాన్ అధికారిక ప్రకటనకు ముందు, బిగ్ బాస్ హౌస్ నుండి ఓర్హాన్ అవత్రమణి నిష్క్రమణను ధృవీకరించారు. నవంబర్ 25న ముంబైలో జరిగిన ది ఆర్చీస్ మూవీ ఈవెంట్‌లో సోషల్ మీడియా స్టార్ ఓర్రీ కనిపించాడు. ఈ కార్యక్రమంలో ఓర్రీ తన స్నేహితులతో సందడి చేసాడు.