వరుణ్ తేజ్ మూవీకి.. ఇది పెద్ద ప్రమాదమే?

టాలీవుడ్ యంగ్ హీరో వరుణ్ తేజ్.. వరుస సినిమాలను లైన్ లో పెట్టిన విషయం తెలిసిందే. వీటిలో ఒకటి ఆపరేషన్ వాలెంటైన్. పాన్ ఇండియా కథాంశంతో ఇండియన్‌ ఎయిర్ ఫోర్స్ కు నివాళులర్పిస్తూ తెరకెక్కుతున్న ఈ చిత్రంలో మాజీ మిస్ యూనివర్స్‌ మానుషి చిల్లర్‌ ఫిమేల్ లీడ్ రోల్ లో నటిస్తోంది. శక్తి ప్రతాప్‌ సింగ్ హుడా డైరెక్ట్‌ చేస్తున్న ఈ మూవీలో వరుణ్‌ తేజ్‌ ఫైటర్‌ పైలట్‌గా నటిస్తుండగా.. మానుషి చిల్లర్‌ రాడార్‌ ఆఫీసర్ గా కనిపించనుంది.

ఇటీవలే విడుదలైన టీజర్ కు మంచి రెస్పాన్స్ రాగా.. ఫిబ్రవరి 16వ తేదీన ఈ మూవీని రిలీజ్ చేస్తున్నట్లు కొన్ని రోజుల క్రితమే మేకర్స్ ప్రకటించారు. రిలీజ్ టైమ్ దగ్గర పడడంతో ప్రమోషన్స్ కూడా స్టార్ట్ చేశారు. అయితే గతేడాది డిసెంబర్ లో ఈ మూవీ విడుదల కావాల్సి ఉన్నా.. 2024 ఫిబ్రవరికి వాయిదా వేశారు. కానీ మళ్లీ ఈ సినిమా పోస్ట్ పోన్ అవుతున్నట్లు వార్తలు వస్తున్నా.. అందులో నిజం లేదని తెలుస్తోంది. అయితే ఈ చిత్రంపై వరుణ్ చాలా ఆశలు పెట్టుకున్నారు.

ఇది పక్కన పెడితే.. బాలీవుడ్ స్టార్ హృతిక్ రోషన్ హీరోగా డైరెక్టర్ సిద్ధార్థ్ ఆనంద్ తెరకెక్కించిన ఫైటర్ ఇటీవలే రిలీజై పాజిటివ్ అందుకుంటోంది. బ్లాక్ బస్టర్ పఠాన్ కు దీటుగా సిద్ధార్థ్ ఈ మూవీని తెరకెక్కించినట్లు వార్తలు వస్తున్నాయి. ఇప్పుడు ఆపరేషన్ వాలెంటైన్ కు ఈ మూవీతో చిక్కులు వచ్చినట్లు తెలుస్తోంది. ఎందుకంటే ఈ రెండు చిత్రాలు దాదాపు ఒకే బ్యాక్ డ్రాప్ లో తెరకెక్కాయి.

ఇప్పటికే ఫైటర్ ను తెలుగు సినీ ప్రియులు చాలా మంది చూసే ఉంటారు. దీంతో ఆపరేషన్ వాలంటైన్ రిలీజ్ అయ్యాక.. సోషల్ మీడియాలో ఈ రెండు చిత్రాల మధ్య కంపేరిజన్లు మొదలవుతాయి. అందుకే ఈ విషయంలో ఆపరేషన్ వాలంటైన్ మూవీ టీమ్ కాస్త కలవరపడుతోందట. మరోవైపు, హిందీలో కూడా ఈ సినిమా రిలీజ్ అవ్వనుంది. మరి ఫైటర్ మూవీ చూసిన నార్త్ ప్రేక్షకులు.. ఆపరేషన్ వాలంటైన్ ను ఎలా ఆదరిస్తారో చూడాలి.

ఇక వరుణ్.. పలాస 1978 ఫేమ్ కరుణ్ కుమార్ దర్శకత్వం తెరకెక్కిస్తున్న పాన్ ఇండియా సినిమా మట్కాలో కూడా నటిస్తున్నారు. ఈ చిత్రాన్ని వైరా ఎంటర్ట్మైన్మెంట్స్ బ్యానర్‌పై తెరకెక్కిస్తున్నారు. వరుణ్ తేజ్‌ కెరీర్‌లోనే అత్యంత భారీ బడ్జెట్ తో పీరియాడిక్ బ్యాక్‌ డ్రాప్ స్టోరీతో ఈ మూవీ రాబోతుంది. మరి వరుస సినిమాలతో వరుణ్ హిట్లు సాధించాలని ఫ్యాన్స్ కోరుకుంటున్నారు.