ఓం భీమ్ బుష్.. యూఎస్ లో సూపర్ రెస్పాన్స్!

టాలీవుడ్ యంగ్ హీరో శ్రీవిష్ణు తో పాటు కమెడియన్లు రాహుల్ రామకృష్ణ, ప్రియదర్శి నటించిన లేటెస్ట్ మూవీ ఓం భీమ్ బుష్. మరికొన్ని గంటల్లో ఈ సినిమా ప్రపంచవ్యాప్తంగా విడుదల కానుంది. గతంలో వీరు ముగ్గురు బ్రోచేవారెవరురా సినిమాతో టాలీవుడ్ ప్రియులను ఓ రేంజ్ లో అలరించారు. దీంతో ఇప్పుడు ఈ చిత్రం కోసం మూవీ లవర్స్ ఎంతగానో ఎదురుచూస్తున్నారు.

హుషారు ఫేమ్ శ్రీహర్ష కొనుగంటి దర్శకత్వం వహించిన ఈ సినిమా.. ఆడియన్స్ లో మంచి హైప్ క్రియేట్ చేసుకుంది. ఇప్పటికే ఈ మూవీ నుంచి విడుదలైన టీజర్, ట్రైలర్ క్యూరియాసిటీని పెంచాయి. ఈ సినిమాకు సెన్సార్ బోర్డు అధికారులు కూడా పాజిటివ్ రివ్యూ ఇచ్చారు. దీంతో మూవీ సూపర్ హిట్ అవుద్దని అంతా నమ్మకంతో ఉన్నారు. సూపర్ హిట్ ట్రియో కామెడీని ఎంజాయ్ చేయడానికి మూవీ లవర్స్ కూడా సిద్ధంగా ఉన్నారు.

అయితే ఈ సినిమాను అమెరికాలో అగ్రగామి డిస్ట్రిబ్యూషన్ కంపెనీల్లో ఒకటైన గ్రేట్ ఇండియా ఫిల్మ్స్ విడుదల చేస్తోంది. గ్రేట్ ఇండియా ఫిల్మ్స్.. యూఎస్ లో పెద్ద ఎత్తున థియేటర్లలో రిలీజ్ చేస్తోంది. మార్చి 22వ తేదీన ఈ సినిమా విడుదల కానుండగా.. మేకర్స్ నేడు(మార్చి 21) ప్రీమియర్స్ వేస్తున్నారు. ప్రీమియర్ షోస్ కు మంచి రెస్పాన్స్ వస్తున్నట్లు తెలుస్తోంది. ఇక వీకెండ్ కు ఈ సినిమా బెస్ట్ ఛాయిస్ అవుతుంది.

ఈ మూవీతో మరోసారి శ్రీవిష్ణు, ప్రియదర్శి, రాహుల్ రామకృష్ణ మ్యూజిక్ చేయనున్నారని సినీ వర్గాల్లో టాక్ వినిపిస్తోంది. మొత్తం సినిమాలో ఐదు బ్లాకులు కడుపుబ్బా నవ్విస్తాయట. ఇక దెయ్యం సీన్ అయితే ఓ రేంజ్ లో ఉంటుందోంట. కేవలం ప్రీ రిలీజ్ బిజినెస్ తో మూడు రెట్లు లాభం సంపాదించారట మేకర్స్. మొత్తానికి ఈ సినిమా.. పర్ఫెక్ట్ సమ్మర్ ఎంటర్టైనర్ గా మారనుందన్నమాట.

ఈ సినిమాను యూవీ క్రియేషన్స్ సమర్పణలో వి సెల్యులాయిడ్, సునీల్ బలుసు సంయుక్తంగా నిర్మించారు. సన్నీ ఎంఆర్ సంగీతం సమకూర్చగా.. రాజ్ తోట సినిమాటోగ్రఫర్ గా వ్యవహరించారు. రామిశెట్టి ఆర్ట్ డైరెక్టర్ గా పనిచేయగా.. విజయ్ వర్ధన్ ఎడిటర్ గా సేవలందించారు. మరి ఈ కామెడీ ఎంటర్టైనర్ బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.