నరకాసుర ట్రైలర్.. దేవుళ్లు రాక్షసులుగా మారితే..
మరి ఇంతకీ ఆ సమస్య ఏంటీ? ఎందుకు ఆ గ్రామస్తులపై దాడి జరుగుతుందనేదే తెలియాలంటే తెరపై చూడాల్సిందే. ప్రచార చిత్రంలో ఎమోషన్, లవ్, యాక్షన్ అంశాలను బాగా చూపించారు.
By: Tupaki Desk | 25 Oct 2023 9:22 AM GMT
"నువ్వు నిర్మించకున్న ఈ ప్రపంచంలో అంతా నీవాళ్లే. బయట ప్రపంచానికి మాత్రం నువ్వు అనాధవే. కొన్నిసార్లు దేవుళ్ళు కూడా రాక్షసులుగా మారాల్సి వస్తుంది" అనే డైలాగ్స్తో తాజాగా 'నరకాసుర' అనే పవర్ ఫుల్ ట్రైలర్ రిలీజైంది. మీ ఆలోచనలే మీ శత్రువులు ట్యాగ్ లైన్. లండన్ బాబు, పలాస ఫేమ్ రక్షిత్ అట్లూరి హీరోగా అపర్ణ జనార్థన్, సంకీర్తన విపిన్ హీరోయిన్స్గా నటించిన ఈ సినిమా నవంబర్ 3న తెలుగుతో పాటు హిందీ, తమిళం, మలయాళం, కన్నడ భాషల్లో రిలీజ్ కానుంది. ఈ సందర్భంగా మేకర్స్ ట్రైలర్ను రిలీజ్ చేశారు.
ప్రధానమైన పాత్రలను కవర్ చేస్తూ కట్ చేసిన ఈ ప్రచార చిత్రం ఆద్యంతం ఆకట్టుకునేలా సాగింది. ఓ అడవికి సమీపంలో ఉండే గ్రామం నేపథ్యంలో ఈ చిత్ర కథ నడుస్తున్నట్లు చూపించారు. ప్రచార చిత్రంలో రక్షిత్ అట్లూరి ఓ వైపు లారీ డ్రైవర్‌గా మరోవైపు శత్రువులను చీల్చి చెండాడే వ్యక్తిగా డబుల్ షేడ్స్‌లో కనిపించారు. యాక్షన్ పరంగా తన నటనతో అదరగొట్టేశారు.
ఓ గ్రామంలో నివసిస్తున్న ప్రజలకు అనుకోని ఆపద రాగా... దాంతో పోరాడాల్సి వస్తుంది. మరి ఇంతకీ ఆ సమస్య ఏంటీ? ఎందుకు ఆ గ్రామస్తులపై దాడి జరుగుతుందనేదే తెలియాలంటే తెరపై చూడాల్సిందే. ప్రచార చిత్రంలో ఎమోషన్, లవ్, యాక్షన్ అంశాలను బాగా చూపించారు.
సస్పెన్స్ ఎలిమెంట్స్తో పాటు యాక్షన్ సీన్స్ కూడా సినిమాపై ఆసక్తిని పెంచుతున్నాయి. అలాగే బ్యాక్గ్రౌండ్ స్కోర్ కూడా ప్రధాన ఆకర్షణగా నిలిచింది. మొత్తంగా ఈ చిత్రం కంప్లీట్ యాక్షన్ ఎంటర్టైనర్ గా ఉండబోతుందని అర్థమవుతోంది. ఈ చిత్రాన్ని సుముఖ క్రియేషన్స్, ఐడియల్ ఫిలిం మేకర్స్ బ్యానర్స్పై డాక్టర్ అజ్జా శ్రీనివాస్ నిర్మించారు. సెబాస్టియన్ నోవా అకోస్టా జూనియర్ దర్శకత్వం వహించారు.
ఇంకా ఈ చిత్రంలో మలయాళ నటి సంగీర్ధన విపిన్, సీనియర్ నటుడు నాజర్, శత్రు, శ్రీమాన్ తదితరులు కీలక పాత్ర పోషిస్తున్నారు. రా అండ్ రస్టిక్గా సినిమా ఉండనుంది.
