‘హిట్ 3’ బాక్సాఫీస్ రచ్చ: ఓపెనింగ్‌తో నాని మాస్ రికార్డ్!

నాచురల్ స్టార్ నాని నటించిన ‘హిట్ 3: ది థర్డ్ కేస్’ సినిమా ఈ సమ్మర్ ను పర్ఫెప్ట్ గా యూజ్ చేసుకుంటుందో లేదో అనే అనుమానాలు చాలానే వస్తున్నాయి. ఎందుకంటే సమ్మర్ లో ఇప్పటివరకు సరైన సినిమా పడలేదు. దీంతో డిస్ట్రిబ్యూటర్స్ ఈ సినిమాపైనే హోప్స్ పెట్టుకున్నారు. అయితే ఓపెనింగ్ తో మాత్రం నాని భరోసా ఇచ్చారు. శైలేష్ కొలను డైరెక్షన్‌లో వచ్చిన ఈ క్రైమ్ థ్రిల్లర్, ‘హిట్’ ఫ్రాంచైజ్‌లో మూడో సినిమాగా రిలీజైంది.

నాని అర్జున్ సర్కార్ ఐపీఎస్ రోల్‌లో కనిపించి అదరగొట్టాడు. శ్రీనిధి శెట్టి హీరోయిన్‌గా, మిక్కీ జె మేయర్ సంగీతంతో రూపొందిన ఈ సినిమా యాక్షన్, సస్పెన్స్‌తో నిండి ఉంది. ట్రైలర్‌లోని మర్డర్ మిస్టరీ, స్టైలిష్ సీన్స్ ఫ్యాన్స్‌ను థియేటర్లకు రప్పించాయి. వాల్‌పోస్టర్ సినిమా, యూనానిమస్ ప్రొడక్షన్స్ నిర్మించిన ‘హిట్ 3’ రిలీజైన తొలి రోజు నుంచే హౌస్‌ఫుల్ షోలతో దూసుకెళ్తోంది.

హైదరాబాద్, తెలంగాణలో బంపర్ ఓపెనింగ్స్ సాధించింది. ఆంధ్రప్రదేశ్‌లో టికెట్ ధరలు (సింగిల్ స్క్రీన్‌లో రూ.50, మల్టీప్లెక్స్‌లో రూ.75 అదనంగా) పెరిగినా, యూత్ ఆడియన్స్ సపోర్ట్‌తో బుకింగ్స్ జోరుగా సాగుతున్నాయి. సినిమా ‘A’ రేటింగ్‌తో యూత్, మాస్ ఆడియన్స్‌ను టార్గెట్ చేసింది. ముఖ్యంగా నాని స్టైలిష్ లుక్, ఇంటెన్స్ పెర్ఫార్మెన్స్ ఫ్యాన్స్‌ను ఆకట్టుకున్నాయి.

ఇక ‘హిట్ 3’ తొలి రోజు వరల్డ్‌వైడ్ గ్రాస్ రూ.43 కోట్లు సాధించింది. ఈ సినిమా 2025లో ఇండియన్ సినిమాల్లో టాప్ ఓపెనర్‌ లిస్టులో నిలిచింది. ఈ రికార్డు ఓపెనింగ్ నాని కెరీర్‌లోనే బిగ్గెస్ట్ హిట్‌గా మారింది. బుక్‌మైషోలో 270.27K టికెట్ల బుకింగ్‌తో సినిమా సంచలనం రేపింది. విడుదలైన అన్ని థియేటర్స్ లో మంచి ఆక్యుపెన్సీ నమోదైంది.

సినిమా హాలీవుడ్ స్టైల్ బ్యాక్‌డ్రాప్‌తో యూత్, ఎన్‌ఆర్‌ఐ ఆడియన్స్‌ను ఆకర్షించింది. యూఎస్‌లో నెక్స్ట్ జనరేషన్ ఫ్యాన్స్ సినిమా ఫుల్ కిక్ ఇచ్చినట్లు అర్ధమవుతుంది. సోషల్ మీడియాలో HIT3 ట్యాగ్‌తో ట్రెండింగ్‌లో ఉంది. యాక్షన్ సీన్స్, సస్పెన్స్ ఎలిమెంట్స్, సర్‌ప్రైజ్ క్యామియోలు సినిమాకు హైలైట్ అయ్యాయి. ట్రేడ్ వర్గాలు ఈ సినిమా వీకెండ్ కలెక్షన్స్ రూ.100 కోట్ల మార్క్‌ను దాటుతాయని అంచనా వేస్తున్నాయి. మొత్తంగా, ‘హిట్ 3’ నాని కెరీర్‌లో సరికొత్త రికార్డ్ సెట్ చేసింది. ఇక ఈ సమ్మర్ హాలిడేస్ లో మొత్తంగా కలెక్షన్స్ ఎంతవరకు వేళతాయో చూడాలి.