థియేట‌ర్ల‌లో లొల్లి.. టీ క‌ప్పులో తుఫాన్

మ‌ల్టీప్లెక్స్ ల‌లో సినిమా వీక్ష‌ణ‌ టికెట్ ధ‌ర కంటే కోక్-పాప్ కార్న్ కోస‌మే భారీ మొత్తాల‌ను చెల్లించాల్సి ఉంటుంది. కుటుంబ స‌మేతంగా సినిమాని ఆస్వాధించాలంటే థియేట‌ర్ల‌లో తిండి ప‌దార్థాలు పానీయాల కోసం పెద్ద మొత్తంలో వెచ్చించాల్సి ఉంటుంద‌ని మ‌ధ్య‌త‌ర‌గ‌తి వాపోతోంది. కానీ వినోదం త‌ప్ప‌దు... ఖ‌ర్చు త‌గ్గ‌దు!! ఇంత‌కుముందు తెలంగాణ ప్ర‌భుత్వం మ‌ల్టీప్లెక్సుల్లో సినీవీక్ష‌కుల‌పై పార్కింగ్ భారం స‌హా తిండి ప‌దార్థాల భారం త‌గ్గించేందుకు ప్ర‌య‌త్నించింది. కానీ ప‌రిస్థితి మ‌ళ్లీ మామూలుగానే ఉంది.

మ‌రోవైపు అమెరికాలోని ప్ర‌ముఖ మ‌ల్టీప్లెక్స్ చెయిన్ థియేట‌ర్ల‌లో త‌ప్పుడు విధానంలో ఫుడ్ కోక్ అమ్మ‌కాల‌పై వ్యాజ్యం న‌మోద‌వ్వ‌డం క‌ల‌క‌లం రేపుతోంది. అమెరికాలో పేరున్న సినీమార్క్ చెయిన్ వ్య‌వ‌స్థ‌లో మోసం జ‌రుగుతోంద‌నేది ఈ వ్యాజ్యం సారాంశం. దాని ప్ర‌కారం... టెక్సాస్ ఫెడరల్ కోర్టులో దాఖలైన వ్యాజ్యం సినిమార్క్ 24 ఔన్సుల కప్పులను విక్రయించిందని ఆరోపించింది. కానీ 22 ఔన్సుల ద్రవాన్ని మాత్రమే స‌ర్వ్ చేసార‌నేది ఆరోప‌ణ‌. థియేటర్ చైన్ వ్య‌వ‌స్త మోసపూరితంగా విక్ర‌యిస్తోంద‌ని దావా వేసారు. ఈ వ్యాజ్యం థియేటర్‌లకు రాయితీ అమ్మకాల ప్రాముఖ్యతను హైలైట్ చేస్తుంది. నిజానికి టికెట్ సేల్ కంటే .. ఆహారం పానీయాల అమ్మకాల ద్వారా వచ్చే మొత్తం ఆదాయం చాలా ఎక్కువ‌.

అయితే కంపెనీ సీఈవో కన్సెషన్ ఆఫర్‌లు ధరలపై దృష్టి పెట్టడం వల్ల 2023లో రికార్డు స్థాయిలో అమ్మకాలు జరిగాయ‌ని చెబుతున్నారు. వినియోగదారులు తాము పెద్ద కప్పులతో మెరుగైన ఒప్పందాన్ని పొందుతున్నామని విశ్వసించవచ్చని దావా వాదించింది. అయితే వాస్తవానికి 20 ఔన్స్ కప్ వంటి చిన్న పరిమాణాలతో ప్రతి ఔన్స్‌కు తక్కువ ధ‌ర చెల్లించాలి. 24 ఔన్సుల కప్పును కొనుగోలు చేసిన టెక్సాస్ నివాసి షేన్ వాల్‌డ్రాప్ కి త‌క్కువ ఔన్స్ ద‌క్కింది. త‌న క‌ప్ 22 ఔన్సుల ద్ర‌వాన్ని మాత్ర‌మే కలిగి ఉందని కనుగొన్నారు. ఈ వ్యాజ్యంపై సినీమార్క్ ఇప్పటివరకు ఎలాంటి స‌మాధానం ఇవ్వ‌లేదు. ఈ వివాదం త‌దుప‌రి ప‌రిణామం ఏమిటో తెలియాల్సి ఉంది.