అనిల్ తో సినిమా.. హీరోల స్పెషల్ ఇంట్రెస్ట్..!

అంతకుముందు రైటర్ గా పనిచేసిన అనుభవంతో డైరెక్టర్ గా తన మొదటి సినిమా పటాస్ తోనే హిట్ అందుకున్నాడు డైరెక్టర్ అనిల్ రావిపుడి. అప్పటి నుంచి రీసెంట్ గా వచ్చిన భగవంత్ కేసరి సినిమా వరకు హిట్ సినిమాకు కేరాఫ్ అడ్రెస్ గా మారాడు అనిల్ రావిపుడి. అనిల్ సినిమా అంటే ఇన్నాళ్లు కామెడీ ఎంటర్టైన్మెంట్ మాత్రమే అనుకున్నారు కానీ భగవంత్ కేసరి తో తన పంథా మార్చేశాడు. బాలకృష్ణ లాంటి మాస్ హీరోతో ఎక్కడ తను రాసుకున్న కథ పరిధి దాటకుండా సినిమా చేసి మెప్పించాడు.

అనిల్ లోని ఈ కన్విక్షన్ టాలెంట్ వల్ల అందరు షాక్ అవుతున్నారు. పటాస్ టు భగవంత్ కేసరి ఓటమి లేని దర్శకుడిగా అనిల్ తన సత్తా చాటాడు. అందుకే స్టార్ హీరోలంతా కూడా అనిల్ వైపు చూస్తున్నారు. అనిల్ తో సినిమా కోసం స్పెషల్ ఇంట్రెస్ట్ చూపిస్తున్నారు. మహేష్, వెంకటేష్, బాలకృష్ణ ఇలా స్టార్ హీరోలతో సూపర్ హిట్లు కొడుతున్నాడు అనిల్.

ఎంచుకున్న కథ.. దానికి తగినట్టుగా కథనం టికెట్ కొని థియేటర్ కి వచ్చిన ఆడియన్ ని ఎంటర్టైన్ చేసి పంపించడమే తన లక్ష్యంగా పెట్టుకుని తను సినిమాలు చేస్తుంటాడు అనిల్. అందుకే అతని దర్శకత్వంలో వచ్చిన ఏ ఒక్క సినిమా కూడా నిరాశపరచలేదు. ముఖ్యంగా బాలకృష్ణతో చేసిన భగవంత్ కేసరి సినిమా చూసిన తర్వాత అనిల్ డైరెక్షన్ మీద మరింత కాన్ఫిడెంట్ పెరిగింది.

సో అనిల్ నెక్స్ట్ సినిమా కచ్చితంగా పెద్ద ప్లానింగ్ తోనే వస్తుందని చెప్పొచ్చు. ఇంతకీ అనిల్ నెక్స్ట్ సినిమా హీరో ఎవరు. డైరెక్టర్ గా వరుస సక్సెస్ లతో ట్రెండ్ సృష్టిస్తున్న అనిల్ తర్వాత ఎలాంటి సినిమాతో వస్తాడు అన్నది తెలియాల్సి ఉంది. అనిల్ నెక్స్ట్ సినిమా అనౌన్స్ మెంట్ కోసం ఆడియన్స్ అంతా కూడా ఎగ్జైటింగ్ గా ఉన్నారు. యువ హీరోలే కాదు ఇప్పటి నుంచి స్టార్ హీరోలు కూడా అనిల్ తో సినిమా అంటే ఓకే చెప్పే అవకాశం ఉంది. హీరో ఎవరైనా వారి పంథాని మార్చి కొత్త ఇమేజ్ తీసుకొస్తున్న డైరెక్టర్ గా అనిల్ సూపర్ క్రేజ్ తెచ్చుకుంటున్నాడు. రాజమౌళి తర్వాత అనిల్ మాత్రమే చేస్తున్న సినిమాలన్నీ హిట్ చేసుకుంటూ వస్తున్నాడు. అతని సినిమాల విషయంలో ఇది అలానే కొనసాగుతూ ఉండాలని కోరుకున్నారు ఆడియన్స్.