మ‌హేష్ వారంద‌రి కంటే గొప్పోడా?

సూప‌ర్ స్టార్ మ‌హేష్ బాబు ప్ర‌స్తుతం జ‌క్క‌న్న డైరెక్ష‌న్‌లో భారీ పాన్ వ‌ర‌ల్డ్ మూవీని చేస్తున్న విష‌యం తెలిసిందే. రాకెట్ స్పీడుతో ఫ‌స్ట్,సెకండ్ షెడ్యూల్‌ని పూర్తి చేసిన రాజ‌మౌళి థ‌ర్డ్‌ షెడ్యూల్‌కు కాస్త బ్రేక్ తీసుకున్నాడు. అనౌన్స్‌మెంట్ లేకుండానే సెట్స్‌పైకి వెళ్లిన ఈ ప్రాజెక్ట్ ని గ‌త చిత్రాల‌కు పూర్తి భిన్నంగా జెట్ స్పీడుతో పూర్తి చేయాల‌ని రాజ‌మౌళి ప్లాన్ చేస్తున్నాడ‌ట‌. అందులో భాగంగానే షూటింగ్‌ని ప‌రుగులు పెట్టిస్తున్నాడ‌ట‌. త్వ‌ర‌లోనే థ‌ర్డ్ షెడ్యూల్ స్టార్ట్ కాబోతోంది.

జూన్ 1 నుంచి హైద‌రాబాద్‌లో ఈ మూవీ షూటింగ్ ప్రారంభం కానున్న‌ట్టుగా ఇన్‌ సైడ్ టాక్‌. ఇదిలా ఉంటే సోషల్ మీడియాలో గ‌త కొంత కాలంగా టాలీవుడ్ టాప్ హీరో ఎవ‌ర‌నే దానిపై చ‌ర్చ జ‌రుగుతూ వ‌స్తోంది. ఈ నేప‌థ్యంలోనే టాలీవుడ్ టాప్ స్టార్ల‌తో పోలిస్తే ఓ విష‌యంలో మ‌హేష్ గ్రేట్ అని తెలుస్తోంది. గ‌త కొంత కాలంగా టాప్ స్టార్ల‌కు సంబంధించిన కెరీర్ హిట్ మూవీస్ రీ రిలీజ్ అవుతున్న విష‌యం తెలిసిందే. మ‌హేష్ హిట్ సినిమాల‌తో ఈ సంప్ర‌దాయం టాలీవుడ్‌లో మొద‌లైంది.

ఇప్ప‌టికే మ‌హేష్ న‌టించిన మురారి, పోకిరి,ఒక్క‌డు సినిమాలు విడుద‌లై రికార్డు స్థాయిలో వ‌సూళ్ల‌ని రాబ‌ట్టి సంచ‌ల‌నం సృష్టించాయి. రీ రిలీజ్‌ల విష‌యంలో టాలీవుడ్‌లో మ‌హేష్ టాప్ అని ఇవి నిరూపించాయి. తాజాగా మ‌హేష్ న‌టించిన `ఖ‌లేజా` మూవీని 4కెలో ఈ నెల 30న రీ రిలీజ్ చేస్తున్నారు. 2010లో విడుద‌లైన ఈ సినిమా ఆశించిన విజ‌యాన్ని అందుకోలేక‌పోయినా ఆ త‌రువాత క‌ల్ట్ క్లాసిక్ అనిపించుకుంది. రీ రీలీజ్ వేళ అడ్వాన్స్ బుకింగ్స్ రూపంలో స‌రికొత్త రికార్డులు తిర‌గ‌రాస్తోంది.

హైద‌రాబాద్‌లో అడ్వాన్స్ బుకింగ్స్ ప‌రంగా అద‌ర‌గొట్టేస్తోంది. బుక్ మై షోలోఅడ్వాన్స్ బుకింగ్స్ భారీగా న‌మోదు అవుతుండ‌టంతో `ఖ‌లేజా` వ‌సూళ్ల ప‌రంగా గ‌త సినిమాల రికార్డుల్ని తిర‌గ‌రాయ‌డం ఖాయం అని అంటున్నారు. అంతే కాకుండా మ‌హేష్ చేసిన ఈ త‌ర‌హా ప్ర‌యోగాలు ఏ హీరో చేయ‌లేద‌ని, ఫ్యాన్ ఫాలోయింగ్ కూడా భారీ స్థాయిలో ఉంద‌ని, త‌న ఫాలోయింగ్‌ని బ‌ట్టి చూస్తే రీ రిలీజ్‌ల ప‌రంగా మ‌హేష్ టాలీవుడ్‌లో టాప్ లీడ్‌లో ఉన్నాడ‌ని కామెంట్‌లు చేస్తున్నారు.