వీడియో: ద‌ర్శ‌కుడితో శ్రుతిమించిందిగా..!

అవును.. మంచి ప్ర‌తిభావంతుడైన ద‌ర్శ‌కుడిని అన‌వ‌స‌రంగా చెడ‌గొడుతున్నారు తండ్రి కూతుళ్లు. అత‌డిని అన‌వ‌స‌రంగా న‌ట‌న అనే మ‌త్తులోకి దించుతున్నారు. ఇలా చేస్తోంది ఎవ‌రో తెలుసా? ఉల‌గ‌నాయ‌గ‌న్ క‌మ‌ల్ హాస‌న్.. ఆయ‌న కుమార్తె శ్రుతిహాస‌న్. ఆ ఇద్ద‌రూ క‌లిసి ప్ర‌తిభావంతుడైన లోకేష్ క‌న‌గ‌రాజ్ ని చెడ‌గొడుతున్నారు. అత‌డిని అన‌వ‌స‌రంగా న‌టన‌లోకి గుంజుతున్నార‌ని కామెంట్లు వ‌స్తున్నాయ్.

త‌న మార్గాన తానేదో సినిమాలు చేసుకుంటూ ముందుకు సాగుతున్నాడు లోకేష్. త‌దుప‌రి అత‌డు ర‌జ‌నీకాంత్, సూర్య‌ల‌తో సినిమాలు చేస్తున్నాడు. వ‌రుస బ్లాక్ బ‌స్ట‌ర్ల‌తో కెరీర్ బండిని స‌జావుగా ముందుకు సాగిస్తున్నాడు. ఇలాంటి స‌మ‌యంలో అత‌డికి న‌ట‌న అనే పిచ్చిని అంట‌కడుతున్నార‌ని కామెంట్లు వినిపిస్తున్నాయ్. దీనికి కార‌ణం ఇదిగో శ్రుతిహాస‌న్ స్వ‌యంగా ఇన్ స్టాలో షేర్ చేసిన ఈ వీడియో చూస్తే మీకే అర్థ‌మ‌వుతుంది.

క‌మల్ హాసన్ వార‌సురాలు శృతి హాసన్ సంగీత ప్రియురాలు అన్న సంగ‌తి తెలిసిందే. ఈ బ్యూటీ ఒక‌ కొత్త సింగిల్ ని ఆల‌పిస్తోంది. దర్శకుడు లోకేష్ కనగరాజ్ ఈ సింగిల్ తో నటుడిగా అరంగేట్రం చేస్తున్నాడు. ఈ పాట‌ను రాసింది ఎవ‌రో తెలుసా? ది గ్రేట్ క‌మ‌ల్ హాస‌న్. ఈ లిరిక్ కి 'ఇనిమెల్' అనే టైటిల్ ని పెట్టారు. పాట ప్రోమో వీడియో ఇప్ప‌టికే విడుదలైంది. ప్రొడక్షన్ హౌస్ తమ అధికారిక ట్విట్టర్ ఖాతాలో షేర్ చేసిన వీడియో ఇంటర్నెట్ హంగామా సృష్టిస్తోంది.

#ఇనిమెల్, గేమ్ మార్చి 25 నుండి ప్రారంభమవుతుంది. రాజ్ క‌మ‌ల్ ఇంట‌ర్నేష‌న‌ల్ బ్యాన‌ర్ కి చెందిన‌ యూట్యూబ్ లో ప్రత్యేకంగా ప్రసారం చేయ‌నున్నారు. ఈ వీడియో లోకేశ్ - శృతి హాస‌న్ మ‌ధ్య రొమాన్స్ నేప‌థ్యంలో ప్రధాన జంట లక్ష్యాలను సెట్ చేయ‌నుంద‌ని అర్థ‌మ‌వుతోంది. ఇంత‌కుముందు రిలీజ్ చేసిన‌ పోస్టర్ లో న‌వ‌దంప‌తులు వివాహ దుస్తులను ధరించి తమ ప్రైవ‌సీ గదిలో రొమాన్స్ కి బ‌దులుగా వీడియో గేమ్‌లు ఆడుతున్నారని చిత్రీకరించారు. తాజా వీడియోలో శ్రుతితో క‌న‌గ‌రాజ్ రొమాన్స్ ని ఆవిష్క‌రించారు. నిజానికి న‌వ‌దంప‌తుల మ‌ధ్య ఆక‌ట్టుకునే రొమాన్స్ ఆ ఇద్ద‌రి న‌డుమా బాగా వ‌ర్క‌వుటైంద‌ని అభిమానులు ఈ వీడియో చూశాక కితాబిచ్చేస్తున్నారు. అయితే చాలా మంది యువ‌జ‌నం అన‌వ‌స‌రంగా తండ్రి కూతుళ్లు లోకేష్ లాంటి ట్యాలెంటెడ్ డైరెక్ట‌ర్ ని చెడ‌గొడుతున్నారంటూ కామెంట్లు చేస్తున్నారు. అత‌డిని ద‌ర్శ‌కుడిగానే ఉండ‌నివ్వండి.. అన‌వ‌స‌రంగా న‌టుడిగా ముఖానికి రంగేసుకుంటే ద‌ర్శ‌క‌త్వం మ‌ర్చిపోతాడ‌ని కూడా వ్యాఖ్యానిస్తున్నారు. అంతేకాదు.. భారీ మాస్ యాక్షన్-డ్రామాల‌తో అద‌ర‌గొట్టే దర్శకుడు అనూహ్యంగా రొమాన్స్ చేయడం చూసి నెటిజన్లు ఒక్కసారిగా ఆశ్చర్యపోతున్నారు. ఇది లోకీ కొత్త అవతార్? లోకి ది యాక్టర్...అంటూ ప‌లువురు కామెంట్లు చేస్తున్నారు.

2023లో ద‌ళ‌పతి విజయ్ నటించిన లోకేశ్ కనగరాజ్ చివరి చిత్రం 'లియో' త‌మిళంలో సూపర్‌హిట్ అయింది. ప్రస్తుతం రజనీకాంత్‌తో సినిమా చేస్తున్నాడు. కమల్‌హాసన్‌తో కలిసి విక్రమ్ సీక్వెల్ చేయాల్సి ఉంది. మరోవైపు శ్రుతి'సలార్ పార్ట్ 1: సీజ్ ఫైర్‌'లో న‌టించింది. స‌లార్ 2లోను న‌టించ‌నుంది. అడివి శేష్ ప్రధాన పాత్రలో న‌టిస్తున్న డెకాయిట్ లోను శ్రుతి న‌టించ‌నుంది.