టాలీవుడ్ లో లేడీ ఓరియేంటెడ్ సీక్వెల్ ధ‌మాకా!

కంటెంట్ ఉంటే క‌టౌట్ తో ప‌నిలేదు. హీరో ఇమేజ్ తో కోట్లు కొల్ల‌గొడుతుందా? హీరోయిన్ ఇమేజ్ తో ఆడుతుందా? అన్న‌ది పాత పాట‌. ఇప్పుడు ఏ సినిమాకైనా కంటెంట్ మాత్ర‌మే కీల‌క పాత్ర పోషిస్తుంది. స‌రైన క‌థా బ‌లంతో సినిమా తీస్తే! ఇమేజ్ తో ప‌నిలేకుండా బాక్సాఫీస్ ని షేక్ చేసిన చిత్రాలెన్నో ఉన్నాయి. ఈ నేప‌థ్యంలో హిట్ సినిమాల‌కు సీక్వెల్స్ కూడా సౌత్ లో జోరందుకుంటున్నాయి.

టాలీవుడ్ ప‌రంగా చూస్తే హీరోయిన్ ఓరియేంటెడ్ సినిమాల‌కు ఎక్కువ‌గా సీక్వెల్స్ క‌నిపిస్తున్నాయి. ఆ సినిమాల వివ‌రాలు ఓ సారి చూస్తే..స్వీటీ అనుష్క‌తో `భాగ‌మ‌తి` కి సీక్వెల్ రెడీ అవుతోన్న సంగ‌తి తెలి సిందే. ఆశోక్ ఈ సీక్వెల్ ని అనుష్క‌తో తెర‌కెక్కించడానికి రెడీ అవుతున్నారు. `భాగ‌మ‌తి` భారీ విజ‌యం సాధించడంతో న‌యా మేక‌ర్ సీక్వెల్ పై దృష్టి పెడుతున్నారు. అలాగే స‌మంత న‌టించిన `య‌శోద` కి సీక్వెల్ ఉంటుంద‌ని ఆ సినిమా రిలీజ్ స‌మ‌యంలోనే నిర్మాత‌లు ప్ర‌క‌టించిన సంగ‌తి తెలిసిందే.

అయితే స‌స్పెన్స్ థ్రిల్ల‌ర్ `య‌శోద` ఆశించిన ఫ‌లితాలు సాధించ‌లేదు. అయినా స‌రై `య‌శోద‌-2`కి మేక‌ర్స్ ప్లాన్ చేస్తున్నారు. అలాగే ఫ్యామిలీ మ్యాన్ వెబ్ సిరీస్ 3 లోనూ న‌టించ‌డానికి సామ్ రెడీ అవుతోంది. ఆ సిరీస్ తో స‌మంత‌కి ద‌క్కిన గుర్తింపుతో మూడ‌వ భాగంలో న‌టించ‌డానికి రెట్టించిన ఉత్సాహంతో ఎదురు చూస్తుం ది. అలాగే తెలుగు హీరోయిన్ అంజ‌లి న‌టించిన `గీతాంజ‌లి`కి కీ కూడా సీక్వెల్ తెర‌కెక్కుతోన్న సంగతి తెలిసిందే. ఈసారి సీక్వెల్ ని ఏకంగా పాన్ ఇండియాలోనే రిలీజ్ చేస్తున్నారు.

యధావిధిగా కోన వెంట‌క్ అంట్ కో చిత్రాన్ని రూపొందిస్తుంది. ఇక ప్రియ‌మ‌ణి `భామాక‌లాపం -2`పై ఇప్ప‌టికే మంచి బ‌జ్ క్రియేట్ అవుతుంది. ఓటీటీ లో రిలీజ్ చేస్తున్నా ఓ సెక్ష‌న్ ఆడియ‌న్స్ ఆస‌క్తిగా ఎదురు చూస్తు న్నారు. మొద‌టి భాగం `భామాక‌లాపం` మంచి విజ‌యం సాధించ‌డంతో సీక్వెల్ ని రూపొందించారు. మొత్తానికి లేడీ ఓరియేంటెడ్ చిత్రాల సీక్వెల్స్ కూడా టాలీవుడ్ లో జోరందుకున్న‌ట్లే క‌నిపిస్తుంది.