అదీ సంగ‌తి! అర్జున్ క‌పూర్ కొత్త ప్రియురాలి ఆవేద‌న‌!!

బాలీవుడ్ యువ‌హీరో అర్జున్ క‌పూర్ మలైకా అరోరాతో ప్రేమాయ‌ణానికి బ్రేక‌ప్ చెప్పి, భ‌ర్త నుంచి విడాకులు తీసుకున్న మ‌రో న‌టి కుషా క‌పిల‌తో ఎఫైర్ సాగిస్తున్నాడ‌ని ప్ర‌చారం సాగుతోంది. అయితే ఇది త‌న‌ను చాలా చికాకు పెడుతోంద‌ని కుషా క‌పిల తాజాగా ఆవేద‌న వ్య‌క్తం చేసారు. ఈ భారాన్ని మోయ‌లేక‌పోతున్నాన‌ని వ్యాఖ్యానించారు. కానీ త‌న‌కు అన్నిటినీ ఎదురించే శ‌క్తి ఉంద‌ని కూడా తెలిపారు.

ఈ సంవత్సరం భర్త జోరావర్ అహ్లువాలియా నుండి విడిపోతున్నట్లు ప్రకటించిన తర్వాత కుషా కపిల తీవ్ర‌మైన ట్రోలింగ్ ను ఎదుర్కొంది. సోషల్ మీడియా ఇన్‌ఫ్లుయెన్సర్ కం న‌టి కుషా భ‌ర్త‌తో బ్రేక‌ప్ త‌ర్వాత‌ మలైకా అరోరా నుంచి విడిపోయిన అర్జున్ కపూర్‌తో డేటింగ్ చేస్తోంద‌నే సంచలన వార్త‌లు వెలువ‌డ్డాయి. దీనిపై ఇప్ప‌టికే తీవ్ర‌మైన‌ ట్రోలింగ్ సాగుతోంది. అయితే ఈ పుకార్లను కుషా క‌పిల తాజా చాటింగ్ సెష‌న్ లో కొట్టిపారేసింది.

షోషాతో చాట్ సెష‌న్‌లో ప్రజలు త‌న‌ గురించి ఏమనుకుంటున్నారో ప్ర‌స్థావిస్తూ... మ‌న‌ నుండి వారు ఆశించే మానసిక భారాన్ని, శ్రమను భరించే ప్రసక్తే లేదని కుషా అన్నారు. 50 ఏళ్ల వయస్సులో జీవితాన్ని స‌రిగా గడపలేదని భావించే విధంగా ఉండకూడదనుకుంటున్నానని, తను చేయాలనుకున్నది చేసి తనకు తాను అన్నిటినీ ఇచ్చానని కుషా క‌పిల‌ చెప్పింది. కంప‌ల్సివ్ వ్యక్తులను మెప్పించే తన జీవితంలో ప్రతిదీ సూక్ష్మంగా మ్యానేజ్ చేయ‌గ‌ల వ్య‌క్తిగా.. ఈ క్షణంలో సంతోషంగా ఉండటానికి ప్ర‌య‌త్నిస్తాన‌ని పేర్కొంది. నిరంతరం 5000 విభిన్న విషయాల గురించి ఆలోచిస్తున్నందున ఈ క్షణంలో ఉండటానికి తాను నిజంగా కష్టపడుతున్నానని కూడా కుషాల‌ ఒప్పుకుంది.

అంతకుముందు త‌న‌కు త‌గిలిన‌ ఎదురుదెబ్బ గురించి మాట్లాడుతూ, తన స్నేహితులు, కుటుంబం, సహోద్యోగుల నుంచి తనకు బలమైన మద్దతు వ్యవస్థ ఉందని కుషా చెప్పారు. తన చుట్టూ ఒక వృత్తాన్ని ఏర్పరుచుకున్నాన‌ని, ఇది తనను అన్నింటి నుండి కాపాడుతుందని కూడా చెప్పింది. తన జీవితంలో అలాంటి ప్రేమించే వ్యక్తులను కలిగి ఉండటం అదృష్టంగా భావిస్తున్నాన‌ని కూడా తెలిపింది. నేను నిరోధక శక్తిని కలిగి ఉండాలి. నేను అంద‌రికీ చికిత్స చేయ‌గ‌ల‌గాలి! అని కూడా కుషాల వ్యాఖ్యానించారు. అర్జున్ క‌పూర్ ఓవైపు మ‌లైకాతో ఎఫైర్ సాగిస్తూనే కుషాల‌తోను ప్రేమాయ‌ణం సాగిస్తున్నాడ‌న్న ప్ర‌చారాన్ని కుషాల చివ‌రికిలా ఖండించారు.

బ్రేక‌ప్ తర్వాత మాజీ భ‌ర్త‌ జోరావర్ తనకు ఎలా మద్దతును ఇచ్చాడనే దాని గురించి కూడా కుషాక‌పిల‌ మాట్లాడింది. కుటుంబసభ్యులు, స్నేహితులతో చర్చించనిది ఏమీ లేదని చెప్పింది. అమూల్యమైన స్నేహాల గురించి మాట్లాడే తన త‌దుప‌రి చిత్రం సుఖీ గురించి వివ‌రించింది. మంచి స్నేహాలు మనల్ని మనం తిరిగి పున‌ర్నించుకునేందుకు ఎలా సహాయపడతాయో కుషాల చెప్పింది.