కన్నప్ప మూవీకి యోగి ఆశీర్వాదం.. రిలీజ్ అయ్యేది ఎప్పుడంటే..

తెలుగు సినీ ప్రేక్షకులందరూ ఎంతో ఆసక్తిగా ఎదురుచూస్తున్న “కన్నప్ప” సినిమా గ్రాండ్ రిలీజ్ డేట్ ఎట్టకేలకు అధికారికంగా బయటకు వచ్చింది. అసలైతే ఏప్రిల్ లోనే విడుదల కావాలి. కానీ పలు కారణాల వలన డేట్ మార్చాల్సి వచ్చింది. ఇక ఈ చిత్ర బృందం ఉత్తరప్రదేశ్ ముఖ్యమంత్రి యోగి ఆదిత్యనాథ్‌ను భేటీ అయ్యింది. అలాగే ప్రత్యేకంగా సినిమా పోస్టర్‌ను విడుదల చేయించడంతో ఈ వార్త ప్రస్తుతం సోషల్ మీడియాలో హాట్ టాపిక్‌గా మారింది.

దర్శకుడు మోహన్ బాబు, హీరో మంచు విష్ణు, కొరియోగ్రాఫర్ ప్రభుదేవా, నిర్మాత వినయ్ మహేశ్వరి తదితరులు యోగి అదిత్యనాథ్‌ను కలుసుకున్నారు. ఈ సమావేశంలో ముఖ్యమంత్రి యోగి, సినిమా బృందానికి శుభాకాంక్షలు తెలియజేశారు. భారతీయ సంస్కృతి, భక్తి తత్వాన్ని ప్రదర్శించేలా ఈ సినిమా ఉండబోతుందని తెలిసి ఎంతో హర్షించారని సమాచారం.

ఈ సందర్భంలో జూన్ 27న సినిమాను ప్రపంచవ్యాప్తంగా విడుదల చేయనున్నట్లు అధికారికంగా ప్రకటించడం జరిగింది. విజయవంతమైన హిందూ ఆధ్యాత్మిక చిత్రాల సరసన నిలవబోయే ఈ సినిమా కోసం ఇప్పుడే అంచనాలు ఊపందుకున్నాయి. “కన్నప్ప” సినిమా ప్రాజెక్ట్ మొదలైనప్పటి నుంచి ప్రత్యేకతను చాటుకుంటూనే వచ్చింది. పవిత్రమైన భావజాలం, భారీ తారాగణం, పాన్ ఇండియా ప్రమాణాల్లో తెరకెక్కే ఈ చిత్రంలో మోహన్‌లాల్, ప్రభాస్, అక్షయ్ కుమార్, కాజల్ అగర్వాల్ వంటి స్టార్ నటులు ముఖ్యమైన పాత్రల్లో కనిపించబోతున్నారు.

ముఖ్యంగా ప్రభాస్ పాత్ర ఓ హైలైట్‌గా ఉండబోతుందని టాక్ వినిపిస్తోంది. ఆధ్యాత్మికతను, యాక్షన్‌ను పర్ఫెక్ట్ గా మిక్స్ చేస్తూ ఈ చిత్రం రూపొందుతోంది. ముకేష్ కుమార్ సింగ్ దర్శకత్వంలో రూపొందుతున్న ఈ చిత్రాన్ని మోహన్ బాబు తన సొంత నిర్మాణ సంస్థ 24 ఫ్రేమ్స్ ఫ్యాక్టరీ, AVA ఎంటర్‌టైన్‌మెంట్‌తో కలిసి నిర్మిస్తున్నారు. భారీ బడ్జెట్‌తో రూపొందుతున్న ఈ సినిమాలో విజువల్ ఎఫెక్ట్స్, గ్రాఫిక్స్, మ్యూజిక్ అన్నీ హై స్టాండర్డ్స్‌తో ఉంటాయని సమాచారం.

ఈ సినిమా పోస్టర్‌ను యోగి ఆదిత్యనాథ్ చేతుల మీదుగా విడుదల చేయడం ద్వారా హిందీ రాష్ట్రాల్లోనూ ఈ సినిమాపై బజ్ పెరిగింది. ఉత్తర భారతదేశంలో కూడా ఈ చిత్రానికి మంచి మార్కెట్ ఉండేలా సినిమా టీమ్ వ్యూహాత్మకంగా ప్రమోషన్స్ చేస్తోంది. జూన్ 27న గ్రాండ్ లెవెల్లో విడుదల కానున్న ఈ సినిమా తెలుగు సినీ పరిశ్రమకు మరో గర్వకారణంగా నిలుస్తుందనే నమ్మకం అభిమానుల్లో ఉంది. భక్తితో పాటు పవర్ఫుల్ అడ్వెంచర్‌ను చూపించబోతున్న ఈ సినిమా యూత్‌తో పాటు ఫ్యామిలీ ఆడియన్స్‌ను ఆకట్టుకునే విధంగా ఉండబోతుందని యూనిట్ చెబుతోంది.