సినిమాతో ఫేమస్ అయిన ప‌ల్లెటూరు

సినిమా మంచినీ చెప్ప‌గ‌ల‌దు, చెడునూ చూపించ‌గ‌ల‌దు. సినిమాలు చూసి కొంద‌రు అందులోని మంచిని మాత్ర‌మే గ్ర‌హిస్తే, మ‌రికొంద‌రు చెడును తీసుకుని మంచిని వ‌దిలేసి చెడ్డ దోవ‌లోకి వెళ్తూ ఉంటారు. ఇంకొంద‌రు వాట‌న్నింటినీ ప‌ట్టించుకోకుండా హీరో డ్రెస్సింగ్, హీరోయిన్ ఎలాంటి న‌గ‌లు వేసుకుంది? ఈ లొకేష‌న్ ఎక్క‌డ అంటూ ఆరాలు తీస్తూ ఉంటారు.

కొన్నిసార్లు సినిమాల కంటే అవే ఫేమ‌స్ అవుతూ ఉంటాయి. మ‌రికొన్ని సార్లు ఆ ప్ర‌దేశాల్లో షూటింగ్ జ‌రగ‌డం వ‌ల్ల ఆ లొకేష‌న్ చాలా ఫేమ‌స్ అవుతూ ఉంటుంది. ఇప్పుడలానే ఓ లొకేష‌న్ బాగా ఫేమ‌స్ అయింది. అదే రాజ‌స్థాన్ లోని ఓ చిన్న గ్రామం. ఆ గ్రామంలో ఓ సినిమాను తీశారు. అయితే అక్క‌డ తీసిన మూవీ ఇంకా ప్రేక్ష‌కుల ముందుకు రాక‌ముందే ఆ ఊరు బాగా ఫేమ‌స్ అయిపోయింది.

ఇక అస‌లు విష‌యానికొస్తే అక్ష‌య్ కుమార్ ప్ర‌ధాన పాత్ర‌లో న‌టించిన అప్‌క‌మింగ్ మూవీ జాలీ ఎల్ఎల్‌బీ సినిమాకు సంబంధించిన షూటింగ్ రాజస్థాన్ లోని ఓ చిన్న గ్రామంలో జ‌రిగింది. సినిమాలోని ఎక్కువ సీన్స్ ను ఆ ఊరిలోనే షూట్ చేయ‌డంతో ఆ ఊరు ఇప్పుడొక పాపుల‌ర్ టూరిస్ట్ ప్లేస్ లా మారింది. జాలీ ఎల్ఎల్‌బీ3 ఇంకా రిలీజ‌వ‌క పోయిన‌ప్ప‌టికీ ఆ ఊరు మాత్రం ఇప్ప‌టికే బాగా పాపులరైంది.

ఆ ఊరులో చాలానే ప్ర‌త్యేక‌త‌లున్నాయి. 2025 వ‌చ్చినా ఆ ప్రాంత ప్ర‌జ‌లు ఇప్ప‌టికీ 1947 కాలంలోనే ఉన్న‌ట్టు అనిపిస్తుంది. ఇప్ప‌టికీ ఆ గ్రామ‌స్థులు పెంకుటిళ్లు, భ‌వంతుల్లో కాకుండా పూరిళ్ల‌ల్లోనే ఉంటారు. అలాంటి ఊరిలో జాలీ ఎల్ఎల్‌బీ షూటింగ్ జ‌ర‌గ‌డంతో ఆ గ్రామానికి మరింత ఆద‌ర‌ణ పెరిగింది. సినిమాలోని ఎక్కువ షూటింగ్ ను అక్క‌డ చేయ‌డ‌మే కాకుండా ఆ ప్రాంతంలోని కొంత‌మంది వ్య‌క్తులు కూడా ఈ సినిమాలో న‌టించారు.

ఇక సినిమా విష‌యానికొస్తే ఇప్ప‌టికే ఈ ఫ్రాంచైజ్ లో రెండు సినిమాలు రాగా మూడో భాగంగా రానున్న జాలీ ఎల్ఎల్‌బీ3 పై అంద‌రికీ భారీ అంచ‌నాలున్నాయి. ఈ సినిమాలో అర్ష‌ద్ వార్సీ, హుమా ఖురేషీ కీల‌క పాత్ర‌ల్లో న‌టిస్తుండ‌గా, సెప్టెంబ‌ర్ లో ఈ మూవీ ప్రేక్ష‌కుల ముందుకు రానుంది. మొద‌టినుంచే ఈ సినిమాపై భారీ అంచ‌నాలుండ‌టంతో అన్నీ అనుకున్న‌ట్టు జ‌రిగితే జాలీ ఎల్ఎల్‌బీ3 బాక్సాఫీస్ వ‌ద్ద రూ.230 క‌లెక్ట్ చేసే ఛాన్సుంది.