విశ్వక్ తో ఐటెం సాంగ్.. ఈషా కాదు.. ఆ బిగ్ బాస్ బ్యూటీనే

యంగ్ హీరో విశ్వక్ సేన్.. టాలీవుడ్ ఇండస్ట్రీలో తనదైన ముద్ర వేసుకున్నారు. మాస్ దా దాస్ అనిపించుకున్నారు. కొన్ని సినిమాల అనుభవమే ఉన్నా.. నిర్మాతగా కూడా మారారు. సొంత బ్యానర్‌ ను ప్రారంభించి తన సినిమాలను తానే నిర్మించుకున్నారు. ఇక ఓ మూవీకి దర్శకుడిగా, రచయితగా కూడా వ్యవహరించారు. అలా మల్టీ టాలెంటెడ్ గా దూసుకుపోతున్నారు. ప్రస్తుతం చేతి నిండా సినిమాలతో బిజీగా ఉన్నారు.

అందులో ఒకటైన గ్యాంగ్స్ ఆఫ్ గోదావరి చిత్రం.. త్వరలోనే ప్రేక్షకుల ముందుకు రానుంది. ఈ మూవీకి ఛల్ మోహన్ రంగ ఫేమ్ కృష్ణ చైతన్య దర్శకత్వం వహిస్తుండగా.. డీజే టిల్లు ఫేమ్ నేహాశెట్టి హీరోయిన్‌గా నటిస్తోంది. అయితే ఈ చిత్రంలో ఐటెం సాంగ్ ఉన్నట్లు గతకొద్ది రోజులుగా టాక్ వినిపిస్తున్న విషయం తెలిసిందే. తెలుగు అందం ఈషా రెబ్బా.. విశ్వక్ సేన్ తో చిందులు వేసినట్లు వార్తలు వచ్చాయి.

విశ్వక్ సేన్- ఈషా రెబ్బా సాంగ్ బాగా వచ్చిందని, ఇద్దరు అదరగొట్టేశారని టాక్ నడిచింది. కానీ ఇప్పుడు ఈ సినిమాలో ఐటెం సాంగ్ ఈషా రెబ్బా చేయలేదట. ఇటీవలే హిందీ బిగ్ బాస్ లో పాల్గొన్న నటి అయేషా ఖాన్ చేసిందట. ఈ సాంగ్ షూటింగ్ నిన్న రాత్రే కంప్లీట్ అయిందట. ఈ విషయాన్ని అధికారికంగా ప్రకటించకపోయినా.. అయేషానే ఇన్ స్టా స్టోరీ పోస్ట్ చేసింది.

అందులో పక్కా మాస్ మసాలా గెటప్ లో ఉందీ అమ్మడు. ఈ బ్యూటీ.. 2022లో రిలీజైన ముఖచిత్రం సినిమాలో కీలక పాత్ర పోషించింది. విశ్వక్- ఆయేషా సాంగ్ అద్భుతంగా వచ్చిందట. టాలీవుడ్ టాప్ ఐటెం సాంగ్ కానుందట. సంక్రాంతి సినిమాల్లో ఐటెం సాంగ్ లేని లోటు.. ఈ సాంగ్ తో తీరనుందట.

ఆంధ్రప్రదేశ్‌లోని గోదావరి డెల్టా నేపథ్యంలో గ్యాంగ్ స్టర్ డ్రామాగా తెరకెక్కుతోంది గ్యాంగ్స్ ఆఫ్ గోదావరి మూవీ. ఇప్ప‌టికే ఈ సినిమా నుంచి విడుద‌లైన ఫ‌స్ట్ గ్లింప్స్‌తో పాటు సుట్టంలా సూసి అనే ఫ‌స్ట్ సింగిల్ ప్రేక్ష‌కుల‌ను విప‌రీతంగా ఆక‌ట్టుకున్నాయి. సితార ఎంటర్టైన్మెంట్స్ పై సూర్యదేవర నాగవంశీ, సౌజన్య నిర్మిస్తుండగా.. యువన్ శంకర్ రాజా మ్యూజిక్ అందిస్తున్నారు. త్వరలోనే ఈ సినిమా ప్రమోషన్లను మేకర్స్ స్టార్ట్ చేస్తారని టాక్ వినిపిస్తోంది.