ట్రైల‌ర్ టాక్: దేశం కోసం హీరామండి వేశ్య‌ల పోరాటం

క‌ళాత్మ‌క చిత్రాల ద‌ర్శ‌కుడు సంజ‌య్ లీలా భాన్సాలీ తెర‌కెక్కిస్తున్న భారీ ఎపిక్ సిరీస్ 'హీరామండి' రాక కోసం ప్ర‌పంచ‌మంతా ఆస‌క్తిగా వేచి చూస్తోంది. నెట్ ఫ్లిక్స్ లో ఈ సిరీస్ మే 1 నుండి ప్రేక్షకులను అల‌రించ‌నుంది. తాజాగా మోస్ట్ అవైటెడ్ హీరామండి ట్రైల‌ర్ విడుద‌లైంది. ట్రైల‌ర్ ఆద్యంతం భ‌న్సాలీ శైలి క‌ళాత్మ‌క‌త‌, స్టైల్ మెరుపులు ర‌క్తి క‌ట్టించాయి. భారీ త‌నం నిండిన కోట‌లు ప్రాకారాలు, హీరామండి డైమండ్ బ‌జార్ యాంబియెన్స్ అక్క‌డ రాజ‌కీయాలు, కుట్ర‌లు వ‌గైరా విష‌యాల‌ను ఈ సిరీస్ లో చూపించార‌ని ట్రైల‌ర్ చెబుతోంది.

ట్రైలర్ వీక్షకులను వేశ్య‌లు కొలువుండే హీరామండి జిల్లాకు తీసుకువెళుతుంది. అక్కడ ఒకే ఒక్క ప‌వ‌ర్ ఫుల్ లేడీ మల్లికాజాన్ (మనీషా కొయిరాలా) వేశ్యల గృహాన్ని పరిపాలిస్తుంది. ఆమె తన శత్రువైన తన కుమార్తె ఫరీదాన్ (సోనాక్షి సిన్హా) తిరిగి వచ్చే వరకు ఎవరికీ భయపడకుండా పథకం వేస్తుంది. వాకి ఇంట్లో ఇది ఉద్రిక్తతలను పెంచుతుంది. మల్లికాజాన్ కుమార్తెలలో ఒకరైన బిబ్బోజాన్ (అదితి రావ్ హైదరీ) స్వాతంత్య్ర‌ పోరాటంలో చేరి బ‌హిరంగంగా బ్రిటీష్ పాలన నుండి భారతదేశానికి స్వాతంత్య్రం కావాలని విప్లవకారులతో క‌లిసి డిమాండ్ చేస్తోంది. ఇంతలో మల్లికాజాన్ చిన్న కుమార్తె అలంజేబ్ (షర్మిన్ సెగల్), ఒక నవాబ్ (గొప్ప వ్యక్తి), తాజ్దార్ (తహా షా బదుస్షా) కొడుకుతో ప్రేమ క‌ల‌ల్ని కంటుంది. అలంజేబ్ హీరామండి నుండి బయటపడాలని కోరుకుంటుంది.

ద్రోహుల మ‌ధ్య నివాసం పోరాటం.. వేశ్యావాటిక‌ల్లో నిషేధించిన కోరికలు సామాజిక నిబంధనల‌తో ఆమె వివాహం సాధ్య‌ప‌డ‌దు. అదే స‌మ‌యంలో భారతదేశం స్వాతంత్య్ర కోసం పోరాటాలు చేసే స్థాయికి వస్తుంది. ఈ స‌మ‌యంలో మల్లికాజాన్- ఫరీదన్‌లు హీరమండి హుజూర్ లేదా లేడీ టైటిల్ కోసం పోరాటంలో బంధిఖానాలోకి వెళ‌తారు. చివరకు వీట‌న్నిటీనీ ఎదుర్కొని హీరామండిలో ఎవరు రాజ్యమేలుతారు? అన్న‌దే కాన్సెప్ట్.

రాజధాని దిల్లీలో జరిగిన ట్రైలర్ లాంచ్ వేడుక‌లో మనీషా కొయిరాలా, సోనాక్షి సిన్హా, అదితి రావ్ హైదరీ, రిచా చద్దా, షర్మిన్ సెగల్‌లతో పాటు, నెట్‌ఫ్లిక్స్ ఇండియా కంటెంట్ వైస్ ప్రెసిడెంట్ మోనికా షెర్గిల్ , భన్సాలీ ప్రొడక్షన్స్ సీఈఓ ప్రేరణా సింగ్ పాల్గొన్నారు. ., సంజీదా షేక్, ఫర్దీన్ ఖాన్, తాహా షా బదుషా, శేఖర్ సుమన్, అధ్యాయన్ సుమన్ లు కూడా ఈవెంట్లో ఉన్నారు. దర్శకుడు సంజయ్ లీలా భ‌న్సాలీ మాట్లాడుతూ.. '''ప్రేమ, అధికారం, స్వేచ్ఛ కోరుకునే చోట‌ అసాధారణమైన మహిళలు, వారి కోరికలు, పోరాటాలకు సంబంధించిన‌ కథాంశమిది. ఇది నా ప్రయాణంలో కొత్త మైలురాయిని సూచిస్తుంది. Netflixలో మేం ఆదర్శవంతమైన భాగస్వామిని కనుగొన్నాము. కథలు చెప్పడంలో ప్రేమ‌తో క‌లిసి ప‌ని చేస్తున్నాం. మా సిరీస్‌ను అత్యంత వైవిధ్యమైన ప్రపంచ ప్రేక్షకులకు అందించగల అసమానమైన సామర్థ్యాన్ని నెట్ ఫ్లిక్స్ అందించింది... అని అన్నారు.

నెట్‌ఫ్లిక్స్ ఇండియా VP మోనికా షెర్గిల్ మాట్లాడుతూ'' హీరామండి- ది డైమండ్ బజార్ ధారావాహిక, సంజయ్ లీలా భన్సాలీ అన్ని అద్భుతమైన క్రియేషన్స్‌తో సమానంగా ఉంటుంది. ఇది ఒక అద్భుతమైన దృశ్యమాన అనుభవాన్ని మరపురాని పాత్రలతో కొత్త ప్రపంచాన్ని అందిస్తుంది. భ‌న్సాలీకి మొదటి సుదీర్ఘ ఫార్మాట్ సిరీస్ ఇది. సంజయ్ లీలా భ‌న్సాలీ భారతదేశం అంతటా, అలాగే ప్రపంచవ్యాప్తంగా ఉన్న ప్రేక్షకులను మంత్రముగ్దులను చేసే శక్తివంతమైన ద‌ర్శ‌కుడు. ప్ర‌తి ఒక్క‌రి భావోద్వేగాలు లీనమయ్యే ప్రపంచాన్ని సృష్టిస్తాడు!.. అని అన్నారు.