ప్రీమియర్స్ జోరు.. బాబు రేంజ్ అంటే ఇట్లుంటది

సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో తెరకెక్కి ప్రేక్షకుల ముందుకి వస్తోన్న చిత్రం గుంటూరు కారం. ఈ చిత్రంలో మహేష్ బాబుకి జోడీగా శ్రీలీల, మీనాక్షి చౌదరి నటిస్తున్నారు. భారీ బడ్జెట్ తో తెరకెక్కిన ఈ మూవీపై మంచి హైప్ ఉంది. కచ్చితంగా ఈ సారి కమర్షియల్ సక్సెస్ ని త్రివిక్రమ్ మహేష్ బాబుకి ఇస్తాడని గుంటూరు కారం ట్రైలర్ తో ఫ్యాన్స్ కి నమ్మకం కుదిరింది.

శ్రీలీల హీరోయిన్ గా ఉండటం డాన్స్ బీట్స్ కూడా సినిమాలో భాగానే పెట్టినట్లు తెలుస్తోంది. ఇక మాటల మాంత్రికుడు ఈ సారి ఊరమాస్ కథలో సూపర్ స్టార్ ని చూపించబోతున్నారని అర్ధమవుతోంది. ఇప్పటికే అడ్వాన్స్ బుకింగ్స్ భారీ ఎత్తున జరుగుతున్నాయి. ఓవర్సీస్ లో కూడా సూపర్ రెస్పాన్స్ వస్తోంది. మహేష్ బాబు కెరియర్ లోనే హైయెస్ట్ ధరకి గుంటూరు కారం ఓవర్సీస్ రైట్స్ అమ్ముడయ్యాయి.

ఇప్పటి వరకు గుంటూరు కారం అడ్వాన్స్ బుకింగ్స్ ద్వారా 1.5 మిలియన్ డాలర్స్ కలెక్షన్స్ వచ్చినట్లు తెలుస్తోంది. ఓ విధంగా ఇది సూపర్ స్టార్ కెరియర్ లో హైయెస్ట్ అడ్వాన్స్ బుకింగ్ కలెక్షన్స్ లో ఒకటని చెప్పొచ్చు. ఇక సినిమాని కూడా ఓవర్సీస్ లో ఏకంగా 1792 ప్రీమియర్స్ పడుతున్నాయి. పాన్ ఇండియా సినిమాలైన ఆర్ఆర్ఆర్, సలార్, రాధేశ్యామ్ తర్వాత స్థానాలలో గుంటూరు కారం నిలిచింది.

ఒక లాంగ్వేజ్ ఇమేజ్ తో హైయెస్ట్ స్క్రీన్స్ లో ప్రీమియర్స్ కి రెడీ అవుతోన్న మూవీ గుంటూరు కారం అని చెప్పాలి. ఇదంతా సూపర్ స్టార్ మహేష్ బాబు క్రేజ్ తో లభించిందే. ఇప్పటికే మూవీపై హై ఎక్స్ పెక్టేషన్స్ తో పాటు పాజిటివ్ టాక్ కూడా ఉంది. కచ్చితంగా టాలీవుడ్ లో మహేష్ కెరియర్ లో హైయెస్ట్ ఓపెనింగ్స్ ని ఈ చిత్రం సొంతం చేసుకునే అవకాశం ఉందని ట్రేడ్ పండితులు చెబుతున్నారు.

ఓవరాల్ గా 134 కోట్ల బిజినెస్ చేసిన గుంటూరు కారం మూవీ ఈ ఏడాదిలో హైయెస్ట్ బిజినెస్, బ్రేక్ ఈవెన్ టార్గెట్ తో రాబోయే మొదటి సినిమాగా నిలవనుంది. తెలుగు రాష్ట్రాలలో కూడా భారీ ఎత్తున అడ్వాన్స్ బుకింగ్స్ ఈ చిత్రానికి జరుగుతున్నాయి. మరి మొదటి రోజు ఏ స్థాయిలో కలెక్షన్స్ ని గుంటూరు కారం రాబడుతుంది అనేది వేచి చూడాలి.