ఈ గణేశ్ పండక్కి.. ఈ సినిమాలే దిక్కు

తెలుగు రాష్ట్రాల్లో ఏమైనా పండగ వస్తుందంటే.. టాలీవుడ్ బాక్సాఫీస్ ముందు సినిమాల హడావుడి పక్కాగా కనిపిస్తుంటుంది. అయితే రాబోయే దసరా, దీపావళి, క్రిస్మస్, సంక్రాంతి పండుగలకు ఇప్పటి నుంచే బెర్త్ లు కన్ఫామ్ లు అయిపోయాయి. కానీ అంతకన్నా ముందు రానున్న వినాయక చవితి బాక్సాఫీస్ సీజన్ లో మాత్రం ఒక్క తెలుగు సినిమా కనపడట్లేదు. గణేశుడి పండక్కి కేవలం రెండు డబ్బింగ్ చిత్రాలు మాత్రమే రెడీ అయ్యాయి.

సలార్ సినిమా వాయిదా పరిణామాలు ఈ వ్యవహారానికి దారీ తీసి డబ్బింగ్ సినిమాల నైవేద్యం పెట్టాయి. రామ్ పోతినేని-బోయపాటి స్కంద సెప్టెంబర్ 15న రావాల్సింది. మంచి వీకెండ్ తో పాటు ఫెస్టివల్ అడ్వాంటేజ్ దొరికేది. కానీ సలార్ వేదిలేసిన డేట్ పై ఆశతో తమ నిర్ణయాన్ని మార్చుకుని షాక్ ఇచ్చారు. లాంగ్ వీకెండ్ కోసం ఆశపడ్డారు.

ఇక 'రూల్స్ రంజన్', 'మ్యాడ్', 'పెద కాపు-1' ఇలా పలు సినిమాలన్నీ సెప్టెంబర్ చివరి వారంకే సిద్ధమయ్యాయి. దీంతో వినాయక చవితి గణపతికి పూజ చేసుకుని ఓ కొత్త సినిమా పోదామనుకుంటే.. కేవలం రెండే ఆప్షన్లు కనిపిస్తున్నాయి. 'చంద్రముఖి 2' , 'మార్క్ ఆంథోనీ'.. రెండు డబ్బింగ్ చిత్రాలే ఉన్నాయి.

లారెన్స్ చంద్రముఖి 2పై ఇప్పటికే మంచి బజ్ ఉంది. ఎందుకంటే రజనీకాంత్ సూపర్ హిట్ సినిమా చంద్రముఖికి సీక్వెల్ గా ఇది రాబోతుంది. సినిమాకున్న బ్రాండ్ ఇమేజ్, మాస్ అండ్ ఫ్యామిలీ ఆడియెన్స్ లో లారెన్స్ ఉన్న ఫాలోయింగ్ తో మంచి ఓపెనింగ్స్ దక్కుతున్నాయి. ఇక విశాల్ హీరోగా నటించిన టైం ట్రావెల్ గ్యాంగ్ స్టర్ డ్రామా మార్క్ ఆంటోనీ ఇప్పటికే విడుదలైన ప్రచార చిత్రాలతో ఆకట్టుకుంటోంది.

16న మలయాళం సెన్సేషనల్ బ్లాక్ బస్టర్ ఆర్డిఎక్స్ ను రిలీజ్ చేసే సన్నాహాలు జరుగుతున్నాయి. నవీన్ కుమార్(అభయ్ బేతిగంటి)హీరోగా స్వీయ దర్శకత్వంలో రానున్న చిత్రమిది. అయితే సెప్టెంబర్ 7 రిలీజైన షారుక్ జవాన్, అనుష్క మిస్ శెట్టి మిస్టర్ పోలిశెట్టి జోరు.. సెప్టెంబర్ 15న తేదీకి చల్లారిపోతుంది. అంటే వినాయకచవితి పండగకు తొందరపడి చేతులారా తెలుగు స్టైట్ సినిమాలను రిలీజ్ చేయకుండా వదిలేశారు. నిజానికి వినాయక చవితి కూడా లాంగ్ వీకెండే. కానీ ఇప్పుడా అవకాశాన్ని డబ్బింగ్ సినిమాలు వినియోగించుకుని మంచి వసూళ్లను అందుకునే అవకాశం ఉంటుంది.