డబుల్ ఇస్మార్ట్.. ఆగని వేగం

లైగర్ లాంటి డిజాస్టర్ పూరి జగన్నాథ్ ఏడాది గ్యాప్ తీసుకొని ప్రస్తుతం రామ్ పోతినేనితో డబుల్ ఇస్మార్ట్ మూవీని పాన్ ఇండియా లెవల్ లో చేస్తున్నారు. ఇస్మార్ట్ శంకర్ కి సీక్వెల్ గా ఈ చిత్రం సిద్ధమవుతోంది. అయితే క్యారెక్టరైజేషన్ మాత్రమే ఇస్మార్ట్ శంకర్ నుంచి తీసుకొని కంప్లీట్ న్యూ స్టోరీతో డబుల్ ఇస్మార్ట్ మూవీ చేస్తున్నారనే టాక్ వినిపిస్తోంది. ఈ సినిమాలో సంజయ్ దత్ విలన్ గా నటిస్తున్నారు.

అయితే హీరోయిన్ ఎవరనేది ఇప్పటి వరకు చిత్ర యూనిట్ ప్రకటించలేదు. వైష్ణవి చైతన్యని ఒక హీరోయిన్ గా ఎంపిక చేశారనే టాక్ ఉన్నా కూడా అందులో వాస్తవం ఎంత అనేది క్లారిటీ లేదు. అయితే తాజాగా ఈ మూవీ సెకండ్ షెడ్యూల్ కూడా కంప్లీట్ అయినట్లు చిత్ర యూనిట్ ఫోటోలని షేర్ చేసి ట్వీటర్ లో కన్ఫర్మ్ చేసింది. ప్రస్తుతం కీలకమైన యాక్షన్ ఎపిసోడ్స్ ని చిత్రీకరించే పనిలో పూరి జగన్నాథ్ ఉన్నారంట.

సంజయ్ దత్ డేట్స్ తక్కువ తీసుకోవడంతో ఆయన కాంబినేషన్ లో సీక్వెన్స్ అన్ని వేగంగా కంప్లీట్ చేసేయాలని ముందే డిసైడ్ అయినట్లు తెలుస్తోంది. అందుకే బ్యాక్ టూ బ్యాక్ షెడ్యూల్స్ ప్లాన్ చేస్తున్నారు. ఈ చిత్రానికి హాలీవుడ్, బాలీవుడ్ సినిమాలకి సినిమాటోగ్రాఫర్ గా పని చేసిన గన్ని గన్నియెల్లి వర్క్ చేస్తున్నారు. ఈ చిత్రంతో ఆయన టాలీవుడ్ లో అడుగుపెడుతున్నారు.

క్యాస్టింగ్ విషయంలో పూరి జగన్నాథ్ పాన్ ఇండియా టచ్ ఉండేలా చూసుకుంటున్నారు. మెయిన్ హీరోయిన్ గా శ్రద్ధా కపూర్ ని తీసుకోవాలని భావిస్తున్నారు. ఇంకా ఆమెతో డిస్కషన్ నడుస్తున్నట్లు టాక్. డబుల్ ఇస్మార్ట్ మూవీతో ఎక్కడైతే తన ఇమేజ్ కి దెబ్బ తగిలిందో మళ్ళీ అక్కడే నిలబెట్టుకోవాలని పాన్ ఇండియా రేంజ్ లో ఏకంగా 40 కోట్ల భారీ బడ్జెట్ తో డబుల్ ఇస్మార్ట్ మూవీని పూరి జగన్నాథ్ చేస్తున్నారు.

ఈ చిత్రానికి హాలీవుడ్ స్టంట్ మాస్టర్ కించ యాక్షన్ కొరియోగ్రాఫర్ గా ఉన్నారు. ఆయన నేతృత్వంలో పవర్ ఫుల్ యాక్షన్ సన్నివేశాలు ఈ రెండు షెడ్యూల్స్ లో కంప్లీట్ చేసినట్లు తెలుస్తోంది. ఈ చిత్రాన్ని వచ్చే ఏడాది మార్చి 8న శివరాత్రి సందర్భంగా రిలీజ్ చేయనున్నట్లు చిత్ర యూనిట్ ఇప్పటికే కన్ఫర్మ్ చేసింది. మరి భారీ అంచనాల మధ్య తెరకెక్కుతోన్న ఈ చిత్రం అటు పూరి, ఇటు రామ్ పోతినేనికి ఎలాంటి సక్సెస్ ఇస్తుందనేది చూడాలి.