ట్రెండీ న్యూస్: ద‌ళ‌ప‌తి 68తో MS ధోని తెరంగేట్రం

భారత మాజీ కెప్టెన్ మహేంద్ర సింగ్ ధోని 2020లో భారత స్వాతంత్య్ర‌ దినోత్సవం (ఆగస్ట్ 15) రోజున‌ అంతర్జాతీయ క్రికెట్ నుండి వైదొలిగాడు. ధోని ఎట్టకేలకు సౌత్ ఇండియా సూపర్ స్టార్ ద‌ళ‌పతి విజయ్‌తో కలిసి తన సినీ రంగ ప్రవేశం చేయవచ్చని ఊహాగానాలు వెల్లువెత్తుతున్నాయి. ఇండియన్ ప్రీమియర్ లీగ్ (ఐపిఎల్)లో చెన్నై సూపర్ కింగ్స్ (సిఎస్‌కె)కి నాయకత్వం వహించడం 41 ఏళ్ల వయస్సులో ఐపిఎల్ 2023 టైటిల్‌కు నాయకత్వం వహించడం వల్ల ధోని ఇప్పటికీ తమిళనాడుతో సన్నిహిత సంబంధం క‌లిగి ఉన్నాడు.

సోషల్ మీడియాలో వచ్చిన కథనాల ప్రకారం .. స్టార్ హీరో విజయ్ నటిస్తున్న ద‌ళ‌ప‌తి 68 సినిమా కోసం CSK కెప్టెన్ ధోనీని ప్రధాన విలన్ పాత్రలో తీసుకోవడానికి చర్చలు జరుగుతున్నాయి. ఈ చిత్రానికి వెంకట్ ప్రభు ద‌ర్శ‌క‌త్వం వ‌హించ‌నున్నారు. ధోని రంగ ప్ర‌వేశంపై ఇంకా ఎటువంటి అధికారిక ప్రకటనా వెలువడనప్పటికీ ఈ పుకార్లు సోషల్ మీడియాల్లో ధోని అభిమానులను కదిలించాయి.

ధోని అతని భార్య సాక్షి ఇప్పటికే సొంత నిర్మాణ సంస్థ - ధోని ఎంటర్‌టైన్‌మెంట్ ప్రైవేట్ లిమిటెడ్‌ను ప్రారంభించారు. ఇటీవలే 'లెట్స్ గెట్ మ్యారీడ్' అనే తమిళ చిత్రంతో ఈ బ్యాన‌ర్ రంగప్రవేశం చేసింది. బీస్ట్ సినిమా స‌మ‌యంలోనే విజ‌య్ తో ధోని స‌త్సంబంధాలు ప్రారంభించాడు. ఇప్పుడు ఆ ఇద్ద‌రి మ‌ధ్యా మ‌రింత సాన్నిహిత్యం కొన‌సాగుతున్న దృష్ట్యా ధోనీకి కీల‌క‌మైన పాత్ర‌లో అవ‌కాశం ఉంటుంద‌ని అంచనా వేస్తున్నారు. సాక్షి ధోనీ కూడా తన భర్త సినిమా అరంగేట్రం చేయడాన్ని ఎప్పుడూ తోసిపుచ్చలేదు. ''మంచి కథ .. మంచి సందేశం ఉన్న పాత్ర వస్తే, ఎంఎస్ ధోని సినిమాలో నటించాలని ఆలోచిస్తాడు'' అని సాక్షి ధోని గత నెలలో చెన్నై టుడే తో ఉటంకించారు. యాక్షన్ చిత్రాలకు క్రికెటర్ బాగా సరిపోతాడని సాక్షి పేర్కొంది.

ఎం.ఎస్ ధోనీకి న‌టించే అవ‌కాశం ఉంటే.. అతడు ఎలాంటి పాత్ర‌ల్లో న‌టించాల‌ని కోరుకుంటారు? అని ప్ర‌శ్నించ‌గా... సాక్షి ఆస‌క్తిక‌ర‌మైన జ‌వాబిచ్చారు. ఎంఎస్ ధోనీని హీరోగా పెట్టి సినిమా చేయాలని ప్లాన్ చేస్తే అది యాక్షన్ ఎంటర్ టైనర్ మాత్రమే అవుతుంది. మంచి కథ, సందేశం ఉన్న పాత్ర వస్తే ఎంఎస్ ధోని సినిమాలో నటించే ఆలోచనలో ఉంటాడు అని సాక్షి తెలిపింది.

సూపర్ స్టార్ దళపతి విజయ్‌ చిత్రానికి సంబంధించిన తారాగణం ఎంపిక‌లు సాగుతున్నాయి. కొన్ని వారాల్లోనే న‌టీన‌టులు ఎవ‌ర‌నేది వెల్ల‌డించే ఛాన్సుంది. అక్టోబర్‌లో సెట్స్ కి వెళతార‌ని కూడా తెలుస్తోంది. ఈ చిత్రం ప్రీమియర్ 2024లో దీపావళి పండుగ సీజన్‌కు అనుగుణంగా ప్లాన్ చేస్తున్నారు.

LGM కాకుండా, MS ధోని ఎంటర్టైన్మెంట్ మూడు చిన్న-బడ్జెట్ చిత్రాలను నిర్మించింది - రోర్ ఆఫ్ ది లయన్, ది హిడెన్ హిందూ, బ్లేజ్ టు గ్లోరీ అనే చిత్రాల‌ను నిర్మించింది.