డెవిల్ గొడవ.. దర్శకుడి స్ట్రాంగ్ కౌంటర్!
అయితే ఇందులో ప్రాజెక్ట్ మొదలైనప్పుడు ఉన్న అసలు దర్శకుడు నవీన్ మేడారం పేరు లేదు. ఆయన పేరుకు బదులుగా నిర్మాత అభిషేక్ నామా పేరు ఉంది.
By: Tupaki Desk | 15 Sep 2023 5:49 AM GMT
నంద‌మూరి క‌ల్యాణ్‌రామ్ నటిస్తున్న పాన్ ఇండియా ప్రాజెక్ట్ డెవిల్. ది బ్రిటీష్ సీక్రెజ్ ఏజెంట్ ట్యాగ్ లైన్. సంయుక్తా మేనన్‌ హీరోయిన్‌గా నటిస్తోంది. ఈ చిత్రం నవంబర్ 24 థియేటర్లలో రిలీజ్ కానుంది. అయితే ఈ చిత్ర డైరెక్టర్ ఎవరన్నది.. ప్రేక్షకుల్లో గత కొద్ది రోజులుగా ఓ సస్పెన్స్ క్రియేట్ చేస్తున్న సంగతి తెలిసిందే. అలాగే ఈ చిత్ర దర్శకనిర్మాత మధ్య విభేధాలు తలెత్తాయా అన్న అనుమానాలు కూడా నెలకొన్నాయి.
అయితే తాజాగా దర్శకుడు నవీన్ మేడారం చేసిన ఓ పోస్ట్.. ఈ విషయంపై మరింత ఉత్సుకత కలిగేలా, బలం చేకూరేలా చేసింది. దీంతో ఇప్పుడంతా మరోసారి డెవిల్ చిత్రం గురించే మాట్లాడుకుంటున్నారు. ఇటీవలే డెవిల్ నిర్మాణసంస్థ అభిషేక్ పిక్చర్స్.. ఈ చిత్రానికి సంబంధించిన ప్రమోషనల్‌ కంటెంట్‌ను రిలీజ్ చేసింది.
అయితే ఇందులో ప్రాజెక్ట్ మొదలైనప్పుడు ఉన్న అసలు దర్శకుడు నవీన్ మేడారం పేరు లేదు. ఆయన పేరుకు బదులుగా నిర్మాత అభిషేక్ నామా పేరు ఉంది. ఇది ఓ వైపు క్యూరియాసిటీ పెంచడంతో పాటు ప్రేక్షకుల్లో సస్పెన్స్ ను కూడా క్రియేట్ చేసింది. దీంతో దర్శకుడికి నిర్మాతకు మధ్య విభేదాలు వచ్చాయా అని అంతా అనుకున్నారు. ఈ నేపథ్యంలోనే తాజాగా నవీన్ మేడారం తన ఇన్‌స్టాగ్రామ్‌లో సంస్కృతంలో ఓ పోస్ట్ చేశారు.
వినాశకాలే విపరీత బుద్ధి అని క్యాప్షన్ రాసుకొచ్చారు నవీన్ మేడారం. అయితే ఈ పోస్ట్ ను డెవిల్ మూవీటీమ్ తో సంబంధం ఉన్న ఎవరికీ ట్యాగ్ చేయలేదు. దీంతో నవీన్... నిర్మాత అభిషేక్ నామాను ఉద్దేశిస్తూ ఈ పోస్ట్ పెట్టారా అని అంతా ఆలోచిస్తున్నారు. మరి కొంతమంది అభిషేక్ నామాను ఉద్దేశించి పెట్టినదే అని అంటున్నారు. మరి ఇందతా ప్రమోషనల్‌ స్ట్రాటజీలో భాగంగా జరుగుతుందా? లేదా నిజంగానే ఏమైనా జరిగిందా అనేది క్లారిటీ రావాల్సి ఉంది.
కాగా, ఇప్పటికే ఈ చిత్రానికి సంబంధించిన ఫస్ట్ లుక్ పోస్టర్‌తో పాటు గ్లింప్స్ వీడియో రిలీజై అభిమానులను ఆకట్టుకుంది. హర్షవర్దన్ రామేశ్వర్‌ సంగీతం అందిస్తున్నారు. పీరియాడిక్‌ యాక్షన్ డ్రామా నేపథ్యంలో సినిమా వస్తోంది. శ్రీకాంత్ విస్సా కథ అందించారు.
