దేవర 2: అసలు ఎందుకు రావట్లేదంటే..

సోషల్ మీడియాలో రెండు రోజులుగా ‘దేవర 2 షెల్వ్’ అనే మాట గట్టిగా వినిపిస్తోంది. NTRకి ఇంట్రెస్ట్ లేదు, కొరటాల బాలకృష్ణతో సినిమాకి వెళ్తున్నాడు అంటూ టాక్. అయితే ఇది అఫీషియల్ న్యూస్ కాదు. కేవలం ఇండస్ట్రీ సర్కిల్స్‌లో జరుగుతున్న చర్చ మాత్రమే. మరి ఈ టాక్ వెనక ఉన్న లాజిక్ ఏంటి అనే వివరాల్లోకి వెళితే..

పార్ట్ 1 రిలీజ్ తర్వాత ట్రేడ్ వర్గాల్లో ఒక టాక్ నడిచింది. NTR పెర్ఫార్మెన్స్, అనిరుద్ బ్యాక్ గ్రౌండ్ స్కోర్ అదిరిపోయాయి. కానీ సినిమా స్క్రీన్ ప్లే కొరటాల రొటీన్ మేకింగ్ పైన అంచనాలకు తగ్గట్టు జరగలేదని ఓ వర్గం నుంచి వచ్చిన టాక్. సాధారణంగా పార్ట్ 1 బ్లాక్‌బస్టర్ అయితేనే పార్ట్ 2 మీద బయ్యర్స్ కాన్ఫిడెంట్‌గా ఉంటారు. ఇక్కడ లెక్క కాస్త తేడా కొట్టినట్టు కనిపించింది. దీంతో సీక్వెల్ విషయంలో నిర్మాతలు ఆచితూచి అడుగు వేయాల్సిన పరిస్థితి.

రెండో పాయింట్.. హీరో, డైరెక్టర్ కమిట్‌మెంట్స్. NTR చేతిలో ప్రస్తుతం ప్రశాంత్ నీల్ ప్రాజెక్ట్ ఉంది. అది పాన్ వరల్డ్ లెవెల్‌లో ప్లాన్ చేస్తున్న సినిమా. దానికి కనీసం ఏడాదిన్నర డేట్స్ కావాలి. అది కాకుండా ‘వార్ 2’ తర్వాత హిందీ మార్కెట్ నుంచి కూడా మంచి ఆఫర్స్ వస్తున్నట్టు సమాచారం. ఇటు కొరటాల శివ కూడా బాలకృష్ణతో సినిమాకి స్క్రిప్ట్ లాక్ చేశాడనే న్యూస్ బలంగా ఉంది. ఇద్దరూ వేరే కమిట్‌మెంట్స్‌లో ఉంటే దేవర 2 వెంటనే మొదలవడం కష్టమే.

మూడో అంశం బడ్జెట్ రిస్క్. పార్ట్ 1కి 300 కోట్ల దాకా ఖర్చు చేశారని టాక్ వచ్చింది. పార్ట్ 2 అంటే స్కేల్, VFX డబుల్ అవుతుంది. 400-450 కోట్ల బడ్జెట్ అవసరం అయ్యే ఛాన్స్ ఉందట. ఫస్ట్ పార్ట్ ఇచ్చిన రిస్కీ రిజల్ట్ చూశాక, ఇప్పుడున్న మార్కెట్‌లో ఆ రేంజ్ రిస్క్ తీసుకోవాలంటే మేకర్స్ వెనకాడరని అనిపిస్తుంది. అంతేకాదు, NTR ప్రస్తుతం ఉన్న ఫామ్‌లో నీల్ సినిమా లాంటి ఫ్రెష్ కాంబోతో వెళ్తే థియేట్రికల్ ఓటీటీ హిందీ రైట్స్ రూపంలో సేఫ్ రిటర్న్స్ వస్తాయనే ఆలోచన ఉండొచ్చు.

ఫైనల్‌గా చెప్పాలంటే షెల్వ్ అయింది అని ఫిక్స్ అవ్వడానికి లేదు. కానీ 2026లో కానీ, 2027 ఫస్ట్ హాఫ్‌లో కానీ దేవర 2 సెట్స్ మీదకు వెళ్లే అవకాశాలు చాలా తక్కువ. NTR, కొరటాల ఇద్దరి కాల్షీట్స్ క్లియర్ అయ్యి, మార్కెట్ లెక్క సెట్ అయ్యేంత వరకు ఈ ప్రాజెక్ట్ వెయిటింగ్ లిస్ట్‌లోనే ఉంటుంది. ఇది క్యాన్సిలేషన్ కాదు, కమర్షియల్ బ్రేక్ అనుకోవచ్చు. అఫీషియల్ అప్‌డేట్ వచ్చేదాకా దేవర 2 జనాల్లో ఇలా వైరల్ అవుతూనే ఉంటుందేమో చూడాలి.