దసరా టికెట్ రేట్లు.. లియోకి అంత డిమాండా?

తెలుగు సినీ పరిశ్రమలో పండగ సీజన్ వచ్చిందంటే బాక్సాఫీస్ వద్ద సినిమాల జోరు ఎలా ఉంటుందో ప్రత్యేకంగా చెప్పక్కర్లేదు. ఇప్పుడు దసరా పండగ రాబోతుంది. ఈ పండగ బరిలో ఏకంగా ఐదు చిత్రాలు బాక్సాఫీస్ వద్ద పోటీ పడనుండగా... తెలుగు బాక్సాఫీస్ ముందు మూడింటి మధ్య గట్టి పోటీ నెలకొంది. అవే బాలయ్య భగవంత్ కేసరి, రవితేజ టైగర్ నాగేశ్వరరావు, దళపతి విజయ్ లియో.

ఈ మూడు చిత్రాల కోసం అటు అభిమానులు ఇటు సినీ ప్రియులు ఎంతో ఆసక్తిగా ఎదురుచూస్తున్నారు. అయితే తాజాగా వీటి టికెట్ ధరల వివరాలు బయటకు వచ్చాయి. హైదరాబాద్ నగరంలోని మల్టీప్లెక్స్​, సింగిల్ స్క్రీన్ థియేటర్లలో ఈ చిత్రాల టికెట్లను ఎంతకు విక్రయిస్తున్నారో తెలిసింది. అయితే ఇక్కడ డబ్బింగ్ సినిమా అయిన లియోకు భారీగా రేట్లు ఉండటం గమనార్హం.

అవును మీరు చదివింది నిజమే. భగవంత్ కేసరికి మల్టీప్లెక్స్​లో రూ. 250, సింగిల్ స్క్రీన్​లో రూ.175 ఉండగా.. టైగర్ నాగేశ్వరరావుకు మల్టీప్లెక్స్​లో రూ.200, సింగిల్ స్క్రీన్​లో రూ.150గా ఉందని సోషల్ మీడియాలో చక్కర్లు కొడుతున్నాయి. కానీ లియో మాత్రం ఏకంగా మల్టీప్లెక్స్​లో రూ. 295, సింగిల్ స్క్రీన్​లో రూ.175గా చూపించడం ఆసక్తికరంగా ఉంది. ఓ డబ్బింగ్​ చిత్రంకు సొంత భాషల చిత్రాల కన్నా ఎక్కువగా విక్రయించడం అంటే ప్రస్తుతం దాని క్రేజ్ ఎలా ఉందో అర్థమవుతోంది.

మరి ఈ టికెట్ ధరల్లో మార్పులు, చేర్పులు కూడా ఉండే అవకాశాలు చాలా వరకు ఉండొచ్చు. త్వరలోనే ఈ మూవీ టికెట్​లు ఆన్ లైన్ లో అందుబాటులోకి రానున్నాయి. దీంతో ఈ సినిమాల టికెట్ ధరలు ఏ రేంజ్​లో ఉండబోతున్నాయి మరింత క్లారిటీ వస్తుంది. చూడాలి మరి ఈ సినిమాలు ఎంత వరకు ప్రేక్షకుల్ని ఆకట్టుకుంటాయో.. వీటిలో ఏది పై చేయి సాధిస్తుందో అనేది.

ఇకపోతే భగవంత్ కేసరి మాస్ ఎంటర్​టైనర్​ ఫాదర్ అండ్ డాటర్​ నేపథ్యంలో రానుండగా.. టైగర్ నాగేశ్వరరావు ఓ గజదొంగ బయోపిక్​గా వస్తోంది. లియో... గ్యాంగ్ స్టర్ నేపథ్యంలో తెరకెక్కింది.