స్టార్ క‌మెడియ‌న్ ఆత్మ‌హ‌త్యాయ‌త్నం?

స్టార్ క‌మెడియ‌న్ గా సినీప్ర‌పంచాన్ని ఏలాడు ఆయ‌న‌. ద‌శాబ్ధాల కెరీర్ లో ఎన్నో అద్భుత ప్ర‌ద‌ర్శ‌న‌ల‌తో మ‌న‌సులు గెలుచుకున్న అత‌డు కేవ‌లం 13 ఏళ్ల వ‌య‌సుకే ఆత్మ‌హ‌త్య చేసుకోవాల‌ని నిర్ణ‌యించుకున్నాడు. ఇంత‌కీ అత‌డు ఎవ‌రు? అంటే పాపుల‌ర్ హిందీ సినిమా క‌మెడియ‌న్

జానీ లివర్ గురించే ఇదంతా. అత‌డు తన జీవితంలోని చీకటి రహస్యాన్ని వెల్లడిస్తూ.. 13 ఏళ్ల వయసులో రైలు పట్టాలపై ఆత్మహత్య చేసుకోవాలనుకున్నానని చెప్పాడు. ఒక‌వేళ తాను నటుడు కాకపోతే గ్యాంగ్‌స్టర్‌గా మారేవాడిన‌ని చెప్పారు.

టాలీవుడ్ లో బ్ర‌హ్మానందంకి ఎంత క్రేజ్ ఉందో అంత‌టి క్రేజ్ ను సంపాదించుకున్న మేటి క‌మెడియ‌న్ జానీ లీవ‌ర్. అత‌డి పేరు విన్న వెంటనే ఎవ‌రైనా వెంట‌నే ఇష్టపడతారు లేదా నవ్వులు చిందిస్తారు. ఉత్తమ హాస్యనటుడిగా ఇంత‌కాలం అతడు ప్రేక్షకులకు చక్కిలిగింతలు పెట్టాడు. కానీ అత‌డు కూడా తన జీవితంలో చీకటి దశను దాటాడు. ఇది నమ్మశక్యం కానిది. ధారావి స్లమ్ నుండి వచ్చి తమ బాధలను ర్యాప్ ద్వారా వెల్ల‌డించే రాపర్‌లను మనం తరచుగా చూస్తుంటాము. కానీ ఇప్పటి వరకు జానీ లివర్ తన జీవితంలో ఎప్పుడూ అలా ప్ర‌తిదీ బ‌య‌ట‌ప‌డ‌లేదు.

కానీ అతడు చాలా అరుదుగా త‌న జీవితంలోని ర‌హ‌స్యాల గురించి ఓపెన్ గా మాట్లాడాడు. తాజా ఇంట‌ర్వ్యూలో జానీ తన జీవితంలోని చీకటి రహస్యాన్ని వెల్లడించాడు. ఇది ఏమిటో తెలుసుకుంటే ఎలాంటి వారైనా ఆశ్చర్యపోతారు. అత‌డు తన జీవితంతో ఎలా విసిగిపోయాడో.. 13 సంవత్సరాల వయస్సులో తాను ఆత్మ‌హ‌త్య‌తో జీవితాన్ని ఎలా ముగించాలనుకున్నాడో వెల్లడించాడు. నేను 13 సంవత్సరాల వయస్సులో రైలు పట్టాలపై చనిపోవడానికి వెళ్ళాను.. న‌న్ను అప్ప‌ట్లో మా నాన్న పోషించేవారు! అని తెలిపాడు.

జానీ లివర్ చిన్న వ‌య‌సులో త‌న‌ పట్టణంలో నిజమైన హత్యలను ఎలా చూశాడో కూడా తెలిపాడు. తాను నటుడు కాకపోతే నేర ప్రపంచంలోకి దిగి స్థానిక గ్యాంగ్‌స్టర్ అయ్యే వాడిని అని అన్నాడు. అయితే జానీని ఆశీర్వదించిన సర్వశక్తిమంతుడికి అభిమానులు ధన్యవాదాలు చెప్పాలి. జానీ లివర్ తనదైన హాస్యంతో ప్ర‌జ‌ల్ని న‌వ్వించాడు. అంద‌రినీ ఆనందంలో ఉంచాడు. ఈరోజు తన కుటుంబంతో పాటు విలాసవంతమైన జీవితాన్ని గడుపుతున్నాడు. అతడు త‌న జీవితంలోని ప్రతి బిట్‌కు అర్హుడు. జానీ లివర్ సంవత్సరాలుగా సినీన‌టుడిగా కొన‌సాగుతున్నాడు. త‌న‌ అసాధారణమైన పనిని చేస్తూనే ఉన్నాడు. ఇటీవల అతడు హాస్యంతో పాటు క్యారెక్ట‌ర్ ఆర్టిస్టుగాను మెప్పిస్తున్నాడు.