క‌మ‌ల్‌హాస‌న్‌పైనా చిన్మ‌యి ఫిరంగులు

ప్ర‌స్తుతం విశ్వ‌న‌టుడు క‌మల్ హాస‌న్ బిగ్ బాస్ టీవీ రియాలిటీ షోకి హోస్టింగ్ చేస్తున్న సంగ‌తి తెలిసిందే. బిగ్ బాస్ తమిళ షోలో కంటెస్టెంట్ విచిత్ర ఇటీవల లైంగిక వేధింపుల గురించి మాట్లాడారు. అయితే సెట్లో త‌ప్పు చేసిన ఆ వ్యక్తి పేరు చెప్పనందుకు హోస్ట్ క‌మ‌ల్ హాస‌న్ త‌న‌ను ప్ర‌శంసించారు. కానీ ఇది చిన్మ‌యి శ్రీపాద‌కు ఎంత‌మాత్రం న‌చ్చ‌లేదు. 90వ దశకంలో తాను పనిచేసిన ఒక సినిమా సెట్స్‌లో తనకు వేధింపులు ఎదురయ్యాయని బిగ్ బాస్ కంటెస్టెంట్ విచిత్ర ఆరోపించింది. అయితే లైంగిక వేధింపులపై విచిత్ర మౌనాన్ని ప్రశంసించినందుకు కమల్ హాసన్‌ను చిన్మయి శ్రీపాద విమర్శించారు.

షో హోస్ట్ చేస్తున్న క‌మ‌ల్‌హాసన్, తనను వేధించిన‌ వ్యక్తి పేరు చెప్పనందుకు విచిత్ర‌ను ప్రశంసిస్తూ స్పందించారు. అయితే చిన్మయి ఈ చ‌ర్య‌ను తీవ్రంగా విమ‌ర్శించింది. ``తమ కోపాన్ని కూడా అనుమతించని మహిళలకు నిజ జీవితంలో తీవ్ర‌ పరిణామాలను ఎదుర్కోవాల్సి ఉంటుంది`` అని అన్నారు. ఆమె ప్ర‌వ‌ర్త‌న ప‌రిప‌క్వ‌త‌తో ఉంద‌ని క‌మ‌ల్ హాస‌న్ వ్యాఖ్యానించ‌డాన్ని చిన్మ‌యి త‌ప్పు ప‌ట్టారు. `పరిపక్వ ప్రవర్తన` అని చెబుతూ చప్పట్లు కొట్టమని క‌మ‌ల్ హాస‌న్ ప్రేక్షకులను ప్రోత్సహించారు. ఎలాగైనా ప్రాణాలతో బయటపడినవారు లైంగిక వేధింపుల గురించి సామాజికంగా రుచికరమైన, ఆమోదయోగ్యమైన రీతిలో మాట్లాడాలి! అని చిన్మయి సోషల్ మీడియాలో రాశారు.

వినోద పరిశ్రమలో ICC/POSH యూనిట్‌ను ఏర్పాటు చేయాలని తాను గత ఐదేళ్లుగా అడుగుతున్నానని కూడా చిన్మ‌యి పునరుద్ఘాటించారు. చిన్మయి ఇలా వ్యాఖ్యానించారు. ``నేను దీన్ని కనీసం 5 1/2 సంవత్సరాలుగా పునరావృతం చేసాను. ఈ పెద్ద స్టార్‌లలో ఎవరూ ICC / POSH యూనిట్‌ని ఏర్పాటు చేయడానికి ఏమీ చేయడం లేదు. ఈ రోజు ఒక మహిళా కళాకారిణికి డబ్బింగ్ చెప్పాను. డబ్బింగ్ స్టూడియోలో లైంగిక వేధింపుల కేసును రిపోర్ట్ చేయడానికి పోలీస్ స్టేషన్‌కి వెళ్లాను అని కూడా అన్నారు.

20 ఏళ్ల క్రితం తాను నటించడం మానేయడానికి గల కారణాన్ని విచిత్ర వెల్లడించింది. తాను అవుట్‌డోర్‌లో షూటింగ్ చేస్తున్నప్పుడు చిత్ర‌క‌థానాయ‌కుడు, సిబ్బంది తనను వేధించడమే దీనికి కారణమని ఆమె పేర్కొంది. సెట్స్‌లో తనను అనుచితంగా తాకారని, శారీరక వేధింపులకు గురిచేశారని ఆమె ఆరోపించింది. తాను దానిని ఎత్తి చూపి కోర్టులో కేసు వేసి యూనియన్‌కు ఫిర్యాదు చేసినా ఫలితం లేకుండా పోయిందని ఆమె ఆవేద‌న వ్య‌క్తం చేసారు.