సుమ వారసుడి బబుల్ గమ్.. ఇది కలెక్షన్స్ పరిస్థితి

యాంకర్ సుమ, యాక్టర్ రాజీవ్ కనకాల తనయుడు రోషన్ కనకాల హీరోగా ఎంట్రీ ఇచ్చిన సంగతి తెలిసిందే. నిర్మల కాన్వెంట్ తో యాక్టర్ గా డెబ్యూ చేసిన రోషన్ తాజాగా బబుల్ గమ్ మూవీతో హీరోగా ప్రేక్షకుల ముందుకి వచ్చాడు. యూత్ ఫుల్ రొమాంటిక్ ఎంటర్టైనర్ గా క్షణం ఫేమ్ రవికాంత్ పేరెపు దర్శకత్వంలో తెరకెక్కిన ఈ మూవీ డిసెంబర్ 29న థియేటర్స్ లో గ్రాండ్ గా రిలీజ్ అయ్యింది.

కొడుకు హీరోగా డెబ్యూ మూవీ కావడంతో సుమ కనకాల అన్ని తానై ప్రమోషన్స్ చేసింది. వీలైనంత హైప్ తీసుకొచ్చే ప్రయత్నం చేసింది. కంటెంట్ కూడా యూత్ కి కనెక్ట్ అయ్యే విధంగా ఉండటంతో కచ్చితంగా ప్రేక్షకాదరణ సొంతం చేసుకుంటుందని అంచనా వేశారు. యూత్ ఎలాంటి కథలని ఈ మధ్య భాగా ఇష్టపడుతున్నారని బేబీ మూవీ ప్రూవ్ చేసింది.

అందుకే బబుల్ గమ్ కూడా కనెక్ట్ అవుతుందని అనుకున్నారు. అయితే సలార్ రిలీజ్ అయిన వారం రోజుల్లోనే ఈ మూవీ రిలీజ్ కావడంతో డార్లింగ్ ఇంపాక్ట్ రోషన్ మీద పడింది. అదే రోజు కళ్యాణ్ రామ్ డెవిల్ కూడా రిలీజ్ కావడంతో బబుల్ గమ్ మూవీపైన ఆడియన్స్ ఫోకస్ లేకుండా పోయింది. సినిమాకి పర్వాలేదనే టాక్ వచ్చిన కూడా రాంగ్ టైం రిలీజ్ కారణంగా కలెక్షన్స్ మీద ఆ ప్రభావం స్పష్టంగా కనిపించింది.

ఈ మూవీ ఇప్పటి వరకు ప్రపంచ వ్యాప్తంగా 75 లక్షల వరకు గ్రాస్ కలెక్ట్ చేసినట్లు తెలుస్తోంది. ఇందులో 35 లక్షల షేర్ ఉంది. ఈ సినిమాపై 2.3 కోట్ల బిజినెస్ జరిగింది. దీంతో 2.5 కోట్ల బ్రేక్ ఈవెన్ టార్గెట్ తో మూవీ థియేటర్స్ లోకి వచ్చింది. అయితే ఇప్పటి వరకు కనీసం 50 లక్షల షేర్ కూడా కలెక్ట్ చేయలేకపోయింది. ఆడియన్స్ కూడా ఇంకా సలార్ చూడటానికి ఆసక్తి చూపిస్తున్నారు తప్ప బబుల్ గమ్ వైపు కాన్సంట్రేషన్ చేయడం లేదు.

దీంతో మొదటి సినిమాతోనే రోషన్ డిజాస్టర్ ని తన ఖాతాలో వేసుకున్నాడు. అయితే ఈ సినిమాలో హీరోగా అదిరిపోయే పెర్ఫార్మెన్స్ తో ఆకట్టుకున్నాడు. దీంతో వెంటనే మరో సినిమా కూడా రోషన్ కి ఒకే అయినట్లు తెలుస్తోంది. త్వరలో ఈ సినిమా గురించి క్లారిటీ వచ్చే అవకాశం ఉందనే మాట వినిపిస్తోంది. ఈ సినిమాతో తెలుగమ్మాయి మానస చౌదరి హీరోయిన్ గా పరిచయం అయ్యింది. మోడలింగ్ నుంచి ఈ బ్యూటీ హీరోయిన్ గా డెబ్యూ చేసింది. ఈమె కూడా గ్లామర్, రొమాంటిక్ షో భాగా చేయడంతో అవకాశాలు పెరిగే ఛాన్స్ ఉందని సినీ విశ్లేషకులు అభిప్రాయ పడుతున్నారు.