2025 సమ్మర్ కి బాలయ్య ఫిక్స్..!

సీనియర్ హీరోల్లో సూపర్ ఫాంలో ఉన్న నందమూరి బాలకృష్ణ లాస్ట్ ఇయర్ రెండు సూపర్ హిట్ సినిమాలతో కెరీర్ మరింత జోష్ అందుకున్నాడు. ప్రస్తుతం కె.ఎస్ బాబీ డైరెక్షన్ లో సినిమా చేస్తున్న బాలకృష్ణ ఆ సినిమాతో మళ్లీ ఈ ఇయర్ దసరా బరిలో దిగాలని చూస్తున్నాడు. N.B.K 109 సినిమా రిలీజ్ డేట్ విషయంలో క్లారిటీ రావాల్సి ఉంది. అయితే ఈ సినిమా పూర్తి చేసి బాలయ్య తన నెక్స్ట్ సినిమాను సెట్స్ మీదకు తీసుకెళ్లాలని చూస్తున్నాడు.

బాలకృష్ణ 110వ సినిమా బోయపాటి శ్రీను డైరెక్షన్ లో ఉండబోతుంది. గీతా ఆర్ట్స్ బ్యానర్ లో తెరకెక్కుతున్న ఈ ప్రాజెక్ట్ దసరా తర్వాత సెట్స్ మీదకు వెళ్తుందని తెలుస్తుంది. అఖండ సీక్వెల్ గా వస్తున్న ఈ సినిమాపై నందమూరి ఫ్యాన్స్ కే కాదు సినీ ప్రేక్షకులకు అంచనాలు నెక్స్ట్ లెవెల్ లో ఉన్నాయి. అఖండ 2 సినిమా పాన్ ఇండియా లెవెల్ లో రిలీజ్ ఉంటుందని.. నార్త్ ఆడియన్స్ ని కూడా మెప్పించేలా స్క్రిప్ట్ సిద్ధం చేస్తున్నారని తెలుస్తుంది.

బోయపాటి శ్రీను బాలకృష్ణ ఈ కాంబినేషన్ అంటేనే హిట్ అన్నట్టే లెక్క. మరి ఈ కాంబోలో రాబోతున్న అఖండ 2 ఎలా ఉండబోతుందో చూడాలి. ఈ సినిమాను అక్టోబర్ లో మొదలు పెట్టి ఆరు నెలలు షూట్ చేసి నెక్స్ట్ ఇయర్ సమ్మర్ రిలీజ్ ప్లాన్ చేస్తున్నారు. 2025 సంక్రాంతికి ఆల్రెడీ భారీ సినిమాల రిలీజ్ లు ఉన్నాయి. ఈ ఇయర్ 109వ సినిమా వస్తే 2025 సంక్రాంతికి బాలకృష్ణ సినిమా వచ్చే ఛాన్స్ లేదు. సో నెక్స్ట్ ఇయర్ సమ్మర్ కి అఖండ 2 రిలీజ్ అయ్యేలా షెడ్యూల్ ప్లాన్ చేస్తున్నారు.

అఖండ 2 కథ ఎలా ఉండబోతుంది.. బోయపాటి ఈసారి ఎలాంటి అటెంప్ట్ చేస్తున్నారు అన్నది ఫ్యాన్స్ లో ఎగ్జైట్ మెంట్ ఉంది. అయితే అంచనాలకు ఏమాత్రం తగ్గకుండా అఖండ 2 ని ప్లాన్ చేస్తున్నారని తెలుస్తుంది. స్కంద ఫ్లాప్ అయినా కూడా బోయపాటి మీద ఉన్న నమ్మకంతో బాలయ్య అఖండ 2 ని చేస్తున్నాడు. తప్పకుండా బోయపాటి మరోసారి అతని మాస్ స్టామినా ఈ సినిమాతో ప్రూవ్ చేసుకోవాల్సిందే అని చెప్పొచ్చు. అఖండ 2 స్టార్ కాస్ట్ కూడా త్వరలో బయటకు రానుంది. మ్యూజిక్ డైరెక్టర్ గా మాత్రం థమన్ డౌట్ లేకుండా ఫిక్స్ అని చెప్పొచ్చు.