అఖండ‌2 కోసం బోయ‌పాటి అదిరే ప్లాన్!

గాడ్ ఆఫ్ మాసెస్ నంద‌మూరి బాల‌కృష్ణ ప్ర‌స్తుతం వ‌రుస స‌క్సెస్ ల‌తో దూసుకెళ్తున్న సంగ‌తి తెలిసిందే. ప్ర‌స్తుతం బోయ‌పాటి శ్రీను ద‌ర్శ‌క‌త్వంలో బ్లాక్ బ‌స్ట‌ర్ అఖండ సినిమాకు సీక్వెల్ గా అఖండ‌2 ను చేస్తున్నారు బాల‌య్య‌. అఖండ సినిమా ఏ స్థాయి స‌క్సెస్ అందుకుందో తెలిసిందే. ఇప్పుడు దానికి సీక్వెల్ గా సినిమా వ‌స్తుండ‌టంతో అఖండ‌2పై అంద‌రికీ భారీ అంచనాలున్నాయి.

దానికి తోడు బాల‌య్య‌- బోయ‌పాటి శ్రీను కాంబినేష‌న్. వీరిద్ద‌రి క‌లయిక‌లో ఇప్ప‌టికే మూడు సినిమాలు రాగా, ఆ మూడు సినిమాలూ ఒక‌దాన్ని మించి ఒక‌టి హిట్ అయి రికార్డులు సృష్టించాయి. అఖండ‌2 వీరిద్ద‌రి కాంబినేష‌న్ లో వ‌స్తున్న నాలుగో సినిమా. ఇప్ప‌టికే ఓ హ్యాట్రిక్ హిట్స్ ను త‌మ ఖాతాలో వేసుకున్న బాల‌య్య‌- బోయ‌పాటి ద్వ‌యం ఇప్పుడు అఖండ‌2 తో సెకండ్ హ్యాట్రిక్ ను మొద‌లుపెట్టాల‌ని చూస్తున్నారు.

భారీ అంచ‌నాల‌తో తెర‌కెక్కుతున్న ఈ సినిమాకు సంబంధించి రోజుకో వార్త నెట్టింట వైర‌లవుతుంది. అయితే ఇప్పుడు అఖండ‌2 గురించి ఓ క్రేజీ న్యూస్ ఫిల్మ్ న‌గ‌ర్ స‌ర్కిల్స్ లో వినిపిస్తోంది. అఖండ‌2 లో బాల‌య్య కోసం బోయ‌పాటి సూప‌ర్బ్ ప్లాన్ వేశార‌ని, అందులో భాగంగానే అఖండ‌2లో బోయ‌పాటి ఓ స్పెష‌ల్ సాంగ్ ను డిజైన్ చేయిస్తున్నార‌ని తెలుస్తోంది.

అయితే అఖండ‌2లో స్పెష‌ల్ సాంగ్ పెట్టాల‌నే నిర్ణ‌య‌మైతే తీసుకున్నారు కానీ ఆ సాంగ్ ను ఏ హీరోయిన్ తో చేయించాల‌నేది మాత్రం మేక‌ర్స్ ఫిక్స‌వ‌లేద‌ట‌. నెక్ట్స్ షెడ్యూల్ లో ఈ స్పెష‌ల్ సాంగ్ ను షూట్ చేసి, త‌ర్వాత దానికి బాల‌య్య షాట్స్ ను యాడ్ చేయాల‌ని ప్లాన్ చేస్తున్న‌ట్టు తెలుస్తోంది. త‌మ‌న్ సంగీతం అందిస్తున్న ఈ సినిమాతో బాల‌య్య మ‌రోసారి అఘోరా గెట‌ప్ లో సంచ‌ల‌నం సృష్టించేందుకు రెడీ అవుతున్నారు. ప్ర‌గ్యా జైశ్వాల్, సంయుక్త మీన‌న్ హీరోయిన్లుగా న‌టిస్తున్న ఈ సినిమాలో ఆది పినిశెట్టి విల‌న్ గా నటిస్తున్నారు. అఖండ2 సినిమాను 14 రీల్స్ బ్యాన‌ర్ లో రామ్ ఆచంట‌, గోపీ ఆచంట నిర్మిస్తుండ‌గా, బాల‌య్య చిన్న కూతురు తేజ‌స్విని ఈ సినిమాను స‌మ‌ర్పిస్తున్నారు.