అఖిల్ భామ.. జూనియర్ సాక్షిలా..

అఖిల్ తో కలిసి సినీ అరంగేట్రం చేసిన భామ సాయేషా సైగల్. బోలెడన్ని ఆశలు.. అంతకు మించి అంచనాల మధ్య వచ్చిన ఈ చిత్రం బోల్తా కొట్టినా.. ఆ వెంటనే బాలీవుడ్ కి మకాం మార్చేసి.. శివాయ్ తో హిట్ కొట్టేసింది. ఇప్పటికే టాలీవుడ్.. బాలీవుడ్ లను ఓ రౌండ్ వేసేసిన సాయేషా.. ఇప్పుడు కోలీవుడ్ లో కూడా ఎంట్రీ ఇచ్చేస్తోంది.

వనమగన్ చిత్రంలో జయం రవితో కలిసి ఆడి పాడనుంది సాయేషా సైగల్. ఈ చిత్రంపై కూడా అంచనాలు అమాంతం పెరుగుతూనే ఉన్నాయి. టీజర్.. సాంగ్ ప్రోమోల ద్వారా కథ ఏంటో ఇప్పటికే చెప్పేయగా.. ఇప్పుడు తమ మూవీ హైలైట్స్ ను ప్రోమోలతో చూపిస్తోంది యూనిట్. ముఖ్యంగా పాటల విషయంలో అయితే.. దర్శకుడు విజయ్ తీసుకున్న కేర్ ఆకట్టుకుంటుంది. రీసెంట్ గా రిలీజ్ చేసిన యెమ్మా యే అళగమ్మా పాటలో అయితే.. సాయేషా అందాలతో మోత మోగించేసింది. కొన్ని యాంగిల్స్ లో సాక్షి శివానంద్ ను గుర్తు చేసేసిందని చెప్పేసుకుంటున్నారు జనాలు.

యాక్టింగ్ ట్యాలెంట్ కంటే టాలీవుడ్ సిల్వర్ స్క్రీన్ అందాల డోస్ రేంజ్ ను పెంచేసి.. విపరీతంగా ఆకట్టుకున్న భామ సాక్షి శివానంద్. ఇప్పుడు కొన్ని మెలికలు తిరగడంలోనూ.. సౌందర్యంలోనూ సాయేషా సైగల్ అచ్చు జూనియర్ సాక్షిలా ఉందన్నది నెటిజన్ల వాదన.

Like Us on Facebook : https://www.facebook.com/Tupakidotcom/