నయన్ కోసం ప్రపంచ ప్రఖ్యాత ఆర్కెస్ట్రా

సింగిల్ హ్యాండ్ తో సినిమాను మోసేయడం సౌత్ బ్యూటీ నయనతారకు కొత్తేమీ కాదు. రీసెంట్ గానే డోరా అంటూ కొత్త టైపు కథతో హారర్ థ్రిల్లర్ ను అందించిన నయన్.. మళ్లీ ఓ ఫిమేల్ సెంట్రిక్ మూవీలో నటిస్తోంది.

'ఆరమ్' అనే టైటిల్ పై ఈ మూవీ రూపొందుతోంది. దీనికి తెలుగు అర్ధం మంచి పని. సోషల్ డ్రామాగా తెరకెక్కుతున్న ఈ చిత్రంలో నయన్ చేసే ఆ మంచి పని ఏంటో అప్పుడే చెప్పలేం కానీ.. ఈ చిత్రం కోసం ప్రపంచ ప్రఖ్యాత ఆర్కెస్ట్రాను తీసుకొస్తున్నారు. పీకేఎఫ్- ప్రేగ్ ఫిల్ హార్మోనియా అనే ఆర్కెస్ట్రాతో ఈ చిత్రానికి మ్యూజిక్ స్కోర్ చేయిస్తుండడం విశేషం. ఆరామ్ కు సంగీత దర్శకుడు గిబ్రాన్. అయితే.. మ్యూజిక్ స్కోర్ మాత్రం పీకేఎఫ్ తోనే చేయిస్తున్నాడు ఈ కంపోజర్. ఇది ఓ క్లాసికల్ ఆర్కెస్ట్రా కాగా.. చెక్ క్లాసికల్స్..జాజ్.. సంగీతాలను అందిస్తూ ఉంటారు.

ఏటా 250 రికార్డులు చేస్తుంటారంటే.. పీకేఎఫ్ ఎంత స్పీడ్ గా వర్క్ చేస్తారో.. ఎంతటి డిమాండ్ ఉంటుందో అర్ధం చేసుకోవచ్చు. ఆరామ్ మూవీతో పాటు.. ఇండియన్ మూవీ స్టాండర్డ్స్ ను అంతర్జాతీయ స్థాయికి తీసుకెళ్లేందుకు గిబ్రాన్ ప్రయత్నిస్తున్నాడని.. అందుకే ప్రేగ్ ఫిల్ హార్మోనియాతో భాగస్వామ్యం చేసుకున్నాడని అంటున్నారు సన్నిహితులు. గోపి నైనార్ దర్శకత్వం వహిస్తున్న ఆరామ్ ను.. కేజేఆర్ స్టూడియోస్ నిర్మిస్తోంది.

Like Us on Facebook : https://www.facebook.com/Tupakidotcom/